رولات اللحم المحشية مع رقائق البطاطا... و بالخطوات المصورة

[كويتيه مذهله 87]

اليوم انقل لكم أكلة غير شكل... طبق لذيذ و كشخة مثل أطباق الفنادق و المطاعم

أتمنى يعجبكم و تجربونه، لأنه يستحق التجربة...

نبدأ بسم الله...

الكمية لشخصين...

أول شي نحمي الفرن بحرارة 400 فهرنهايت... بعدين نجهز حشوتنا...

و هذي مقادير حشوة رولات اللحم:

2 ملعقة كبيرة زيت زيتون
بصلة متوسطة مفرومة فرم ناعم
فص ثوم مفروم
قطعة (نقانق - هوت دوغ – سوسيج) مقطعة مكعبات صغيرة... أو تقدرون تستخدمون مكانها شرايح مرتديلا مفرومة
2 ملعقة كبيرة بقدونس مفروم
ربع ملعقة صغيرة يانسون حب
ملح – فلفل أسود
ربع كوب خبز توست مفروم

نجي الحين للطريقة...

أول شي، نحمي الزيت، و نضيف له البصل و الثوم و السوسيج، و نحرك على نار متوسطة لحد ما يذبل البصل بس بدون تحمير...

بعدين نضيف له البقدونس و اليانسون و الملح و الفلفل الأسود و نحرك لحد ما تطلع ريحة اليانسون...

نطفي النار و نخليه يبرد على جنب ، بعدين نضيف له الخبز و نحركهم مع بعض... أنا نسيت الخبز في هذي الخطوة...

الحين نبدا نجهز شرايح اللحم، و بنحتاج، خيط للمطبخ، عشان نربط رولات اللحم... أنا استخدمت خيط أسنان بس غسلته عشان تروح نكهة النعناع...

و هذي مقاديرنا:

4 شرايح ستيك بقري، نرققهم بمطرقة اللحم، و أنا رشيت عليهم مطري اللحم قبل بوقت عشان يصير اللحم طري...
خل بلسميك
ملح – فلفل أسود
6-4 أعواد جزر
زيت للقلي


طبعاً مثل ما قلت شرايح اللحم لازم تكون رقييييقة، عشان ما تاخذ وقت في السوا، و غير كذا يسهل علينا لفها...

نجيب شريحتين و نحط أطرافهم على بعض، عشان تصير عندنا شريحة كبيرة... و نضربهم بمطرقة اللحم عشان يلصقون مع بعض...

نرش عليهم شوية خل بلسميك و ملح و فلفل أسود، بعدين ناخذ نص مقدار الحشوة اللي جهزناها و نحطها على شريحة اللحم في النص...

و مثل ما شفتوا، أنا حطيت فوق الحشوة عودين جزر، و تقدرون تحطون 3 إذا تحبون...

و عشان نسيت الخبز مع الحشوة، رجعت حطيته مرة ثانية...

الحين نطوي اللحم بشكل رول، أول شي نطوي أول طرف فوق الحشوة مثل الصورة...

بعدين نحاول ندخل الأطراف على داخل و نكمل لف... و ننتبه ما نشد بقوة عشان ما تنفتح و تطلع الحشوة...
و الحين نجيب الخيط و نربط شريحة اللحم الملفوفة زين ما زين، خصوصاً الأطراف عشان ما تطلع منها الحشوة...

عند الخطوة هذي، تقدرون تحتفظون بالرولات في الثلاجة و تطبخونها اليوم الثاني...

نجيب الحين المقلى، و نحط فيه شوية زيت، يعني ما يكون غزير بس يكفي يغطي قاع المقلى... و نحمر الرولات من كل الجهات على نار متوسطة تقريباً دقيقتين لكل جهة...

في هذا الوقت نجهز صينية الفرن اللي بنحط فيها الرولات...

و بنحتاج:

2 بطاطس حجم وسط، مقطعة حلقات رقيقة
ملح الثوم
فلفل أسود
أوريغانو
زيت زيتون

نصف شرايح البطاطس في الصينية و نرشها بالملح و الفلفل الأسود و الأوريغانو و زيت الزيتون...
بعدين نجيب رولات اللحم بعد ما حمرناها و نحطها فوق البطاطس...




تاااااااااااااابع
[/COLOR]

 

[كويتيه مذهله 87]

ندخلها الفرن في الرف الأوسط بدون ما نغطيها و لمدة نص ساعة... و بعد مرور نص الوقت، نفتح الفرن عليها و نقلب الرولات على الجهة الثانية...

و لما تخلص، نطلعها من الفرن و نشيل الخيط عنها و نقطعها شرايح... و أنا قدمت معاها صوص الفطر و سلطة...

طريقة صوص الفطر (هذي ما صورتها):

نحمر شرايح الفطر بشوية زبدة لحد ما تذبل، بعدين نرفعها على جنب...

في نفس المقلى، نذوب ملعقة كبيرة زبدة على نار هادية و نحط عليها ملعقتين كبار طحين و نحرك لحد ما يمتزجون مع بعض...
نبدا بالتدريج نضيف عليه مرقة دجاج مع التحريك بالمضرب الشبك لحد ما يصير صوص ثقيل...
الحين نضيف له ملعقة كبيرة خل بلسميك و 2 ملعقة كبيرة كريمة... نحركهم مع بعض بعدين نرجع لهم الفطر و نقدمه على طول...

و هذي الصور النهائية...

الصوص طبعاً لازم يكون فوق الشرايح، بس أنا ما حطيته عشان تبين الحشوة لكم... و البطاطس بيصير مقرمش مثل الشيبس و طعمه لذيييذ...

و مرة ثانية سويت نفس الخطوات لكن استبدلت اللحم بصدور دجاج... و هذي الصور بس بدون تعليق

وعليكم بالف عافيه


وللامانه منقول

 

[جارة القمر]

مشكوووووووره

 

[سبائك]

شكله عجيييييييييييب

بس حلاته تروحين مطعم وتطلبينه وتاكلينه جاهز لان يبيله عجججججججله بالمطبخ

 

[زيـنـه]

روعه .. بس يبي له معاااابل و عجله على قولة سبكبك
بالعافيه

 

[mngo67]

تسلم ايدج....بس الصور مو طالعة

 

[sondos]

تسلم ايدج...............انا اسوي نفس الطريقه بس احشهاا مشرووم بدل النقانق

بس شكل الجزر يشووق.............

 

[كويتيه مذهله 87]

تسلمون يقلبي علي المرور

وحبيبتي مشكوووره جاره القمر علي النقل

 

[أم عزيـز]

يعطيج الف عافيه وصفه روعه وشكلها لذيذ

تسلم الأيادي يا قلبي

 

[أم منصور]

تسلم ايديج وانشالله علتطبيق عجبني


عندي كتب استرالية للطبخ وكنت مسوية نفس طبقج على صدور الدجاج والحشوة رز ولحم مفروم وفستق وصلصة خاصة طلع عجيب


مشكورة حبيبتي

 

[أحلــــ دلع ــــى]

تسلم ايدينج
شكلها لذيذ

 

[ودي***أفرح]

..أحب الاكلات الغريبه واللي تبي شغل ........مشكوره يالغلااااااا

 

[كويتيه مذهله 87]

تسلمون حبايبي

نورتوا صفحتي

 

[كرزة2]

الصراحة أبدعتي الله يعطيج العافية وتسلمين

 

[قمر وخدودها عسل]

مشكوووووووورة حبيبتي وشوقتيني أطبخها 0

 

[barbiya tota]

طبقج أكثر من رائع..... يعطيج العافييه

 

[دلوعة امها]

عجييييييييييييييييييييييييييييييييبه ماشاءالله

 

[aloyaa]

ماشالله شكله يشووووق
تسلم الايادي

 

[كويتيه مذهله 87]

تسلمون حبايبي

حياااكم

 

[^SwEeTa^]

مشكووووووره حبوبة على الطريقة

يعطيج العافية