رويال حياة او السلام ابي مراجعات

[Miss305]

السلام عليكم بنات حبيباتي أي حسن بالنسبة المراجعات مستشفى رويال حياة او السلام مابيه يكونه زحمه وانقع براا وهم بعد منو الأغلى السلام او رويال حياة لان رويال جربت الجلدية رووووعه لكن حمل و ولاده ما ادري واي دكتوره ترشحون لي لاني ابي مرا مو ريال
وشر أيكم بغرف استقبال غرفه الملكي اللي تعرف لا تبخل علي بشيء

 

[Aloe Vera]

حسب تجربتي
والدة مرتين برويال و الحين على ويه ولادة هم قررت على رويال ان شاء الله لان يهبل و كل غرفة حلوة و كشخة حتى اصغر غرفة تهبل و فخمة


و اراجع عند الدكتورة منى ابو طعام لبنانية ماعليها زحمة كللللللش احلا شي بالموضوع مواعيدها خفيفة و ماتنطرين و سهل تحصلين موعد
و اهي الدكتورة خوش وحدة

و هذي تجربتي
و استخيري و الله يسهل عليج

 

[M!SS.LOBY]

الله يسهل عليج

 

[baa6aa]

انا اراجع برويال حياه كلش ما فيها نطره نهائياً اكثر مده نطرت فيها ربع ساعه بس و دخلت

بس بعد على حسب اي دكتورة

لان نداء يقولون وايد زحمة عندها

 

[Bio_reem]

انا ماجربت رويال حياة بس دام مجربتهم بالجلديه ممكن تفيديني عند اي دكتور؟ بخاطري ابي دكتور جلديه زين

 

[Bluella]

انا بالسلام عند دكتوره نجمه وماصادفت زحمه ونطره ولويه بالعكس سهالات والوضع تمام

 

[درة التاج]

انا جربت مراجعات السلام بس زحمة والدكتورة الي كنت أراجع عندها طلعت
وجربت رويال حياة عند دكتورة منى ابو طعام ماشاء الله
ما انطر وادخل علا الموعد علا طول
كولادة جربت ولادة رويال وكانت ممتازة أما السلام ماجربت
وسبحان الله المستشفيات في الناس الي تمدح وفي الناس الي تذم
استخيري وان شاء الله تحصلين الي فيه الخير
تقبلي مروري

 

[حبيبة اهلهاا]

جربت السلام اينننننننننووون السسترات بالولاده و العنايه توووب

احبه السلام حيل

 

[M!SS.LOBY]

استخيري

 

[Miss305]

مشكورين وماقصرتوا بعد عمري السلام ززززززحمه ورويال حياة اللي رسيت عليه جزاكم الله خير واللي سئلت عن الجلديه انا جربت الليزر حبيبتي بس

 

[مدرسة المستقبل]

نصيحه لا تروحين السلام
جربتهم بولادتي الاولى
وقت ولادتي ما عرفوا يتصرفون معاي واخروني وتالي نقلوني بالاسعاف الصباح
والنتيجه توفى الياهل

 

[درة التاج]

نصيحه لا تروحين السلام
جربتهم بولادتي الاولى
وقت ولادتي ما عرفوا يتصرفون معاي واخروني وتالي نقلوني بالاسعاف الصباح
والنتيجه توفى الياهل

الحمد لله على كل حال
ان شاء يشفع لك يوم الدين
وان شاء الله
الله سبحانه يعوضك بعيال ويكونون سليمين وذرية صالحة

 

[Miss305]

نصيحه لا تروحين السلام
جربتهم بولادتي الاولى
وقت ولادتي ما عرفوا يتصرفون معاي واخروني وتالي نقلوني بالاسعاف الصباح
والنتيجه توفى الياهل

حبيبتي عورتي قلبي عسى الله يعوضج بضىنى تفرحين فيه ويرفع راسج دنيا واخره يا رب