ريجيمي واتمنى تستفيدون

[××بنت الشيوخ××]

السلام عليكم ورحمة الله وبركاته

حبيت اشارككم اليوم بريجيمي من عند الدكتور علي الظن

بس انا ماعندي اراده ولا عزيمة .. اتمنى تشجعوني

وزني من بعد الولاده 68 وقررت اسوي ريجيم انزل فيه وزني الى 55

المهم ريجيمي اول اسبوع ,,

الريوق 3 حبات فاكهه +شاي او كوفي مع سكر الريجيم

الغدا ربع دجاجة +سلطة اي كمية +بيبسي دايت او فيمتو دايت

العشا

روتي اسمر مع جبن قليل الدسم مع فاكهه وحده +روب او لبن قليل الدسم

وبين الوجبات خس وخيار اي كمية وفيمتو وبيبسي او عصير ليمون او جريب فروت

واجهتني صعوبات بس نزلت 2.5 في اسبوع


الريجيم بعد الاسبوع الاول كان :

الريوق شريحة وحده سلايس روتي +جبن قليل الدسم +شاي مع سكر الريجيم

الغدا ربع دجاجه +سلطة اي كمية او همبرغر مشوي عدد2 او نص كف اليد ستيك لحم مع بيبسي دايت

العشا :
شريحة سلايس روتي +بيضة مسلوقه +فاكهتين +روب او لبن قليل الدسم

ونزل وزني الى 65.400 والحين صار 66 يعني زدت لان بديت امل من الريجيم

الي حابة تجربه وتقول لنا على النتيجة

 

[تفداج روحي]

مشكوووووره ويارب توصلين لهدفج بصحه

 

[كيكه توفي]

مشكوره والله يوفقج

 

[ميموووورااا]

ثينكس

 

[××بنت الشيوخ××]

ولكم حبايبي وان شاء الله توصل كل وحده تسةي ريجيم حق هدفها يارب

 

[تحت .. المطر]

بالتوفيق حبيبتي وقوليلنا شيصير معاج ..


بانتظارج ​

 

[انا لحبيبي .]

شطوره ، استمري حبيبتي

 

[Q8stylle]

موفقه

 

[^^ROSE^^]

والله زين ريجيمه
وماشاء الله 2.5 باسبوع حلوين
الله يتمم عليج و تضعفين زود
بس منو هالدكتور اول مره اسمع فيه؟

 

[××بنت الشيوخ××]

فديتكم والله .. ببحين ما وزنت مرة ثانية بس هالدكتور في البحرين

 

[قطوة@@]

شنو روتي

موفقه حبيبتي

 

[بنت رزة]

وش السلايس روتي ؟؟؟؟؟ وبعدين ياحبيبتي الرجيم يبي ارادة

يعني مو تطبخين لزوجك وتاكلين معه
اطبخي لروحك وهو روحة

عادي خليه يزعل بطقاق بس انتي بتنحفين

هذي مشكله البنات

انا مو متزوجة بس عندي امي مرة تخاف علي
لجاء غدا ولا العشاء اتزعجني كلي كلي كلي

تخليني اقرف من رجيم