ريجيم مع الرياضة ولا لا؟

[Alia]

السلام عليكم

بنات انا انشالله ببلش ريجيم بس ابي اعرف من اللي عندهم خبرة وقدروا ينزلون وزنهم

حق نتيجة اسرع وحلوة وجسم مشدود شنو احسن

ريجيم + مشي عقب مانزل جم كيلو ابلش نادي

ولا ريجيم +مشي +نادي

ابي ارائكم بنات ؟؟؟​

 

[Alia]

وينكم بنات ؟

 

[bnt q8 in usa]

تبين نصيحتي والا بتعورين قلبي مثل بعض البنات
عيزت وانا اقول رجيم ويا مشي = جسم رشيق وممشووووووووووووق

حتي من غير ماتروحين نادي امشي بس مشي سريع وحركي ايدج

 

[Alia]

لا ماعور قلبج انشالله لوووووووول تهقين؟
واذا اشتركت نادي ؟؟؟

مو نتيجة اسرع !!

اليوم قاعده اسولف مع رفيجتي هذي كانت متينة وضعفت بس ماوصلت لي
الحين للوزن المطلوب يبيلها شوي

تقول لمن دشت النادي بين عليها اسرع لانه تحرك كل شي

انا خايفة النادي يشد جسمي بس !!! على متن فهمتيني ؟

 

[bnt q8 in usa]

لاتخافين صدقيني المشي بروحه وسريع بتحصلين نتيجه احلي

 

[* مـذهـلـه *]

حطي بالج لا تسوين رجيم من غير رياضه راح تضعفين صح بس جسمج بيكون مترهل ..

يا انج تختارين نادي + رجيم او مشي + رجيم ..

اصلا المشي يتحكم بالجسم كله و يشد جسمج كله انا من ناحيتي احسن شي رياضة المشي و السباحه لانج تحركين كل شي بجسمج و مع المشي كل جسمج يصير متناسق معدتج تنشد اذا عندج كرشه تروح رجولج تصير مبرومه و ممشوقه كل شي بجسمج حتى ظهرج بصير سيده و يطول شوي و حتى بتلاحظين عمرج راح تطولين شوي اذا ما عندج دوام الصبح انتهزيها فرصه الجو ما يتطوف للمشي روعه ما شاء الله و لا تحسين بتعب و راح تلاحظين عمرج باسبوع بتغير جسمج بتحسينه مشدود ..​

 

[كويتية أصيلة]

تبين نصيحتي؟؟؟

شي انتي عارفه نفسج ما راح تستمرين عليه لا تسوينه راح تتحسفين

يعني المشي افضل شي .. اذا عندج رياضه تستمرين فيها على طول كهوايه

لعبيها + المشي مثل السباحه ركوب الخيل التنس اشياء جذيه

شوفي انتي شنو تحبين وتستمرين على مدار السنه سويه .. بس شي تسوينه وتوقفينه ما انصحج

نصيحه مجربه

 

[الغاليه نونو]

المشى احسن شى والله والنادي زين بس عقب ماااتضعفين علشان تشدين جسمج وصاجه مذهله الجو يهبببببببببببببببببببل هالايام مايتطوف