ريجيم***

[Brounzi_girlly]

السلام عليكم ورحمة الله و بركاته
بنات الله يعافيكم طالبتكم وكلي أمل إن أحد يفيدني
صارلي خمس شهور من ولدت مانزلت غير 5 كيلوت 4بالنفاس طبعا غير 10 إلي طاحو بالولادة وكيلو توةني نازلته آنا وزني حاليا 71 وكان وزني قبل 54 أبي أضعف مو قادرة وإرادتي صايرة أكس شسوي قلت بخلي أكلي كله دايت عفية نصحوني ألغي الخبز ألغي النشويات والعيش مادري شسوي فصيلة دمي O وطولي 154
تكفون يا بنات إلي يقدر يساعدني لايبخل علييي مابي أحمل مرة ثانية وآنا بعدي بطة وهذي أول ولادة لي
مع تحياااااااااااااااااتي..........

 

[زيـنـه]

مشاركة: ريجيم***

حالي من حالج .. بس انا اطول .. و مانزلت وايد بالنفاس .. و لا سويت ريجيم .. قررت بعد عيد الفطر اسوي ريجيم .. رحت حق طالب الشمري النظام اللي عطاني ما كان فيه وايد اكل و كنت ايووع .. تالي رحت حق يوسف بو عباس و ريجيمه على البروتينات و قطع النشويات و الحمدلله مستمره فيه و الاكل ما يعتمد على الكميه كثر النوعيه و هذا اللي يهمني يعني ما اتقيد بالمناسبات اكل اللي يفيدني و اترك الممنوعات و الحمدلله فيه نتيجه نزول على شوي شوي و هذا اللي ابيه .. انصحج روحي لدكتور تغذيه و التزمي بنظام افضل لج و فكري انج بتضغطين على نفسج شوي بس ترتاحين تالي

 

[Brounzi_girlly]

مشاركة: ريجيم***

مشكورة حبوبة على الرد بس آنا مابي أروح حق أحد يقولي أخذي حبوب ولا انتي تاخذين حبوب؟
مع تحياااااااااااااااااتي..........

 

[Brounzi_girlly]

مشاركة: ريجيم***

اشدعوة بنات 9 داشين محد رد

 

[bnt_kwt]

مشاركة: ريجيم***

حبيبتي مالج الا دكتور تغذيه
والله واهم معروفين بالكويت
سوي رجيم دشتي وايد سهل وحلو وما يتعب وخاصه انه توه فاتح عيادته
بالسالميه مقابل المخفر

 

[Brounzi_girlly]

مشاركة: ريجيم***

تسلمين حبوبة على ردج
مع تحيااااااااااااااتي..........

 

[jolie_q8]

مشاركة: ريجيم***

اعرف هالمعاناه عدل انا سنتين والده وللحين وزني ما نزل

المنتدى ترى مليان شوفي رجيمات ربيع تنزلج 3 بالاسبوع

مع ساعه مشي ... اكيد راح تنزلين

بس حبيت انبهج... على رجيم بوعباس ودشتي واتكنز << كلهم واحد

المهم لا تسوينه اذا كنتي ترضعين ..ترى خطر على البيبي ..ديري بالج

اذا ما ترضعين سويه ... ينزل تقريبا 3 بالاسبوع بعد

 

[المرفأ~~]

مشاركة: ريجيم***

اذا تبين اكل بكميه مفتوحه جربي رجيم بوعبااس ..

بالتوفييق

 

[Brounzi_girlly]

مشاركة: ريجيم***

شكرا على ردودكم بس حبيت أسأل رجيم بوعباس موجود هني
مع تحياااااااااااااااااتي............

 

[bnt q8 in usa]

مشاركة: ريجيم***

حبيبتي انتي

خل اقولج شي:شي طبيعي بعد الولاده ماتنزلين بسرعه بعد السنه تقريبا تقدرين تسترجعين وزنج الطبيعي ويمكن اقل بعد

لاتاكلين معكرونه وعيش وقللي من الخبز كثري من السلطات والفواكه وطيعيني امشي ساعه واذا عندج مقاقه خليهم ساعه ونص

خل اقولج تجربتي

يوم حملت كان فيني توم طبعا قبل لاحمل وزني 45 وماكان يزيد بالشهر الا نص كيلو دخلت السابع وولدت ب الثامن
وزني وصل 56 بالضبط بعدها نزل وزني لمن صار 52 وتميت علي هالحال لمدة 7 اشهر وشوي وشوي
ليمن الحمدالله رديت وزني الي هو 45 وطبعا انا من الاول وقبل الحمال العب رياضه

بالنفاس ماكل عيش ومعكرونه كله افندي وبرتقال وتفاح وسلطات وصدر دياي وسمج مشوي من غير حتي خبز


وسلامتج

 

[زيـنـه]

مشاركة: ريجيم***

برونزي .. طالب الشمري يعطي حبوب تسد الشهيه و الا تنزل الدهون و عن نفسي ما بغيت و رفضت اخذهم .. بس بوعباس يعطيني ملتي فايتامين و زيوت و معادن يحتاجها الجسم يقول لي حق الحيويه و النشاط عشان ما تحسين بخمول و تساعد على حرق الاكل و تحافظ على الشعر لا يطيح .. و انا تاكدت منه اكثر من مره و شرحت له ما ابي الادويه اللي تنزل الدهون و الا تسد الشهيه و قاللي انا عارف و ما اعطي هالحبوب هذه ..يعني تطمني

 

[Brounzi_girlly]

مشاركة: ريجيم***

مشكورة حبوبة بس ماشالله مازاد وزنج كثري بس آنا متأملة خير
مع تحياااااااااااااااااااتي.....................

 

[زيـنـه]

مشاركة: ريجيم***

امبلا زاد وزني و هدومي ما تدش فيني و لايمكن اقط هدوم اول و هم لا يمكن ارد و اشتري كل شي بمعنى كل شي من يد و يديد و السوق مقاساته و موديلاته ما تلوق علي وهم تعليقات الناس و هم انا حركتي صارت غير عن اول احس بنفسي ثقلت ..كل هالوزن و مو زايد وزني و الا شرايج ؟..
فهذه الدوافع القويه اللي خلتني اسوي ريجيم .. و لا ابي احمل على هالوزن لان تالي ما راح اقدر اقط الوزن الزايد .

 

[Brounzi_girlly]

مشاركة: ريجيم***

صح كلامج وإنشالله راح آخذلي موعد عنده
مع تحيااااااااااااااتي..............