ريحة الكبت الجديد بطت راسى

[باونتى]

السلام عليكم .. بنات انا قبل اسبوع كنت مسويه كبت عند النجار ويابووا الكبت وركبوووه والمشكله انى وقتها كنت طالعه من المستشفى وحدى تعبانه .. فالخدامه على طول نقلت ملابس اليهال من الكبت القديم وحطتهم فى الكبت الجديد ولا تشموووون ريحة الصبغ لصقت الريحه بملابس اليهال وعقبت ما تصحصحت بعد جم يوم اكتشفت ان الريحه لصقت بملابس والله الريحه صدعت راسى وريحة الملابس تلوع الجبد .. الحين صارلى جم يوم ابخر الكبتات وطلعت الملابس بس ماااكو فايده الريحه وااايد قويه .. الحين شسوى شلون تروح الريحه من الكبت اللى عندها طريقه ياريت تفيدنى وأكون شاكره لكم

 

[LaSt WoMeN]

أبشرج راح تطول الريحة المفروض تخلينه عند النجار جم يوم .. المهم انا صار لي مثلج ما غير كل يوم بهالمعمول و أفج الدرايش و حظج زين ان الجو هالايام حلو .. و مششيه بفوطة عطريها بكلونية ام بنت مثلا و رششيه بعطور قوية بس ديري بالج الريحة مو زينة حق اليهال

 

[غلاي غير]

الله يعينج توها اختي تقولي عن هالمشكله ولا ابشرج صارلها فتره بعد مو راضيه تروح وما خلت شي ماسوته الله يعينكم

 

[đeɱɛɼɑ™]

طلعي كل الهدوم وغسليييييييهم
والكبت طلعيه برره البيت خليه بالحوش خل تطقه الشمس
وبعدين رديه وبخرييه وردي الملابس فيه

 

[لقيت حبي]

انا اقولج طلعي الملابس ومسحيه بكومفرت بعدين مسحيه بكلونيا اوحطي فواحه وزيت عطري من لاند مارك وسكري الكبت عليهم تالي ردي الملابس وقوليلي شصار وياج

 

[باونتى]

مشكوريييييييييييين وما قصرتوا .. وانا على طول مبطله الدرايش بس بجرب الفوطه مع الكومفورت والكلونيا

 

[Doodoo.star]

حطي جدر فيه ماي مغلي وحطي فيه فانيلا سائله أو بودرة كله واحد وحطي الجدر بالكبت وصكري الكبت وبتشفط الريحة

 

[شـمـالـيـه]

مرحباااااااااااااا


انا مجربه افتحي الدرايش وبخري غرفتج ورشي كلونيا

راح تروح مع الوقت تلزق بدال ريحة الصبغ تصير بخور والله العظيم

وديربالج تمسحين بالكلونيا ترا يمكن تشيل الصبغه


عليج بالبخور وافتحي الدرايش


وموفقه ياقلبي

 

[mrs_sugar]

شوفي انا صارت معاي نفس الشغلة و سويت كل اللي قالوا عنه البنات بعد عمري ما قصروا

بس انا ما كانت ريحة صبغ عادية لالا كانت خمرة شوي

لما يبنا النجار يشوفه قال هذا ناقع ماي من المنجرة لازم يتبدل

و خذاه و سوالنا يديد على حسابه لأنه غلطة المنجرة

 

[سنعه بس مظلومه]

حبوبه انا نفس الشي شريت كبت حق عيالي وريحته تبط الجبد بس قبل ادخل ملابس عيالي فيه مسحته كلوريكس وماي بفوطه وبعدين نشفناه تآلي شآريه أنا من عطورات الفرس اللي بالحمراء مول معطر للملابس يجي ثلاث كور صغيره بجيس وزعي الكور بالكبت وسكريه بعد ماتعطرينه وتبخرينه وثاني يوم حطي على كل رف ورق معطر تلاقينه عند الفرس والشآيع وبعدين صفطي ملابس عيالج وحطيهم رآح تدعين لي إن شاء الله

 

[قوت الأرواح]

صارتلي نفس المشكلة يبيلها شهر عشان تروح

 

[نماين]

سبحان الله نفس مشكلتي وسويت معظم الي قالوا عليه البنات وماكو فايدة

بس امي تقول مع الوقت يروح ...... الله كريم

 

[منوووووله]

نفس الي صارلي تمت فتره يالله راحت :/

 

[a7latwins]

يوم السبت يوصل كبتي
حدي خايفه من الريحه

 

[ياسمينا]

علمينا اشصار شلوون راحت الريحه؟؟؟؟؟؟؟؟؟

 

[BiiShOoO]

جربي فتحي الدرايش و بخري الكبت و عقبها مسحيه بكومفورت وكلونيا

 

[نسايه]

بخري االكبت وخلي المبخر داخل الكبت وسكريه
واشتري الاوراق المعطره ملوت الكبت والملابس من الشايع
فيه انواع حروف اللي اذكره لاني شاريه منهم
تخلي ريحة الكبت والملابس حلوه .
وبعد عندج الزيوت العطرية من بودي شوب اللي تحطين الاعواد داخلها
مادري شسمها انا ماخذه منها تعطر دااااااااري ولصالات بيتنا وكل شوي قلبي الاعواد
تبخر البيت بشكل مو طبيعي وانتي حطيها بالكبت تنفع اكيد

وموفقه حبوبة

 

[حنان السعوديه]

بعد ماتمسحينه بالفوطه بخريه بالمستكه

 

[مسك وورد]

حطي فحم اسود الكبير حق الشوي يومين
وبتروح الريحه بس لاتشبينه
وعقب امسيحه بكومفرات

 

[درابيل وحليب]

اختي كان عندها نفس المشكلة ريحة ملايس ولدها تطلع حدها خمرة
دقو على النجار جان يقول يمكن هذا الصبغ منتهية صلاحيته
الا مو يمكن لا اكيد
ااااخ من النصب