ريحة الكبت

[العزيزة]

ساعدوني يا كويتيات شريت غرفة جديدة بس ريحة الخشب مو حلوة اشلون اتخلص من هالريحة

 

[dalal]

ممممممممم بقولج على شي وان شالله تختفي ريحة الخشب ..


هاذا بالنسبه حق الكبت والادراج ...

روحي الشايع ما غيره مال العطور... واشتري الاوراق الي تنحط على رفوف الكبت ... فرشيها على كل رفوفج

وحطي تالي عليها هدومج .... ويبي مبخر وشببيلج بخوره وبخري داخل الكبت .... بس خلج يمه يعني لاتهدينه بالكبت ساعه..

وتالي تمتعي بأحلى ريحه...

شوفي انا كبتي مافيه ريحة خشب عادي ماله ريحه بس من شريت هالاوراق من الشايع والله اشحلو الريحه لما افتح الكبت

عاد في على كذا عطر انا الي عندي اسمه "حروف"...

واذا مافادت هالطريقه هم فيه مثل جياس صغيره داخلهم ورد معطر هم شوحيلج جم واحد بالزوايا يمكن تطغي الريحه على الخشب


بس اذا الغرفه كلها ريحتها خشب مادري !! :080402ask_prv::080402ask_prv:

في موضوع حق مزيونه وشقره شلون تعطر بيتها على ما اعتقد... القي نظري عليه يمكن يفيدج وتروح ريحة الخشب من غرفتج

اهئ اهئ ان شالله فدتج بشي بسيط...

 

[رونق الزهور]

بخرية على طول

 

[RiMa_08]

حبيبتي كنت اعاني بشقتي سويت لي كبيت نجاره والريحه بطت راسي المهم اخذي كومفرت مال الملابس الريحه الي تفضلينها وخفيفيه بالماي ومسحي الاثاث :27d66a9c24b146327bfمن بره ومن داخل بفوطه وعقب شبي بخوره ورشي عطر مركز علي عود بيضل اكثر وبيصير زين بس لازم تستمرين جم يوم علي هالحاله

 

[الزين الاسطوري]

عندي فكرة هوي الغرفة وبخري الكبت وحطي فيه الورقة المعطر وانشاء الله افدتج

 

[زرزورة]

حرقي شب وحرمل مع شكر داخل الكبت

 

[shaikhat al-zain]

مالج الا البخور يالغالية

 

[روج وردي]

بخريه اسبوع واخر يوم مسحيه بكمفورت او داوني او اي نوع من ملطفات الملابس بس يكون ريحته حلوه وقويه وبس غلاتي

 

[كوارين]

اول شي مسحي الكبت بفوطة فيها شوية ماي وكومفورت
وبعدين حطي ورق الي من الشايع انواع بالروايح اختاري الي يناسبج
واذا حطيتي ملابس حطي بينهم مكعبات المسك الي من القرشي
وبتصير ريحة ملابس جناااااااااااان

 

[أوركيدا]

البنات ماخلو شىء اقوله يسلمون

 

[العزيزة]

الله يعطيكم العافية كفيتوا و وفيتوا يا الغاليااات

 

[ريمي74]

بس بضيف شئ للي قالوه اخواتي
الصراااحه انا اذا عندي ريحه قويه
على طول احط البان سواء للاثاث
اوحتى ريحة الطبخ على طول يشفط الريحه
وبعدها احط البخور والمعطرات,,,