ريحة المطبخ بعد السمج صرعتني...شسوي

[BlackRose]

السلام عليكم بنات

الموضوع مبين من عنوانه

انا ساكنة بشقة

وماتسوى علي يوم اذا اشتهينا نطبخ سمج

ريحة الشقة تصصصصصصصصرع الواحد من بعدها

انظف المطبخ بديتوووووووووووول

وابخر البيت

وافتح الشفاط والشبابيك لمن اطبخ السمج

واحط معطرات بس ماكو

تم ريحة الشقة بخووووووووووووور على سمج

تكون الريحة لالالالالالالالالاصقة وتجيب الماحي:lkmnkl::lkmnkl:

جد جد ماني عارفة اشلون اقلع هالريحة:gr4uu::gr4uu::gr4uu:

واي

ومااشتهي ادخل الشقة من بعدها

ريحة سمج على بخور

ووووووووووووووووواااااااااااااااااااااااااااي

تصرع

مادري شسوي

ياليت تفيدوني اشلون اقدر افتك من هالريحة البايخةِ​

 

[أنفاسي دخون]

الله يعينش انا مريت بنفس المعاناه بس بعد طريقتي هذي انسي تشمين ريحة السمك وكل يوم بتسوينه

اول شي لا بديتي تقلين او تشوين السمك لازم تشبين شمعتين او ثلاث كبار بالمطبخ وخليهم لحد ما تغدون وتغسلون المواعين لانهم يسحبون الريحه وعقب ما تخلصين جيبي قدر صغير ما تبينه وحطي فيه اكثر من نصه ماي وضيفي عليه قفشه وسط بودرة الفانيليا ماركة كتكو ريحتها عجييييييبة وكم عود دارسين عدل مو مطحون وخليهم يغلون على النار وكل شوي ضيفي ماي وتعالي شمي بيتش بتصير ريحته ولا احلى وعقبها شغلي فواحه بكل مكان الصاله الحمامات وغرفه المعيشه وغرفة النوم بعد ولازم تضيفين للزيت العطري ماي عشان ما تخنقش ريحته ورشي مشعلش اللي تحبينه بس لو ريحته بارده يكون احسن نفس ديليشس من اجمل وبخري بمعمول المعاريس .. انتي نفسش ما راح تصدقين واذا عجبتش طريقتي ادعي لي ان الله يحقق اللي في بالي

اذا جربتيها عطيني رايش بصراحة :eh_s(6):

 

[BlackRose]

حبيبتي مشكورة على سرعة ردج

والحين بقوم اجرب الطريقة

بس ماعندي الفواحة

جم قلت بشتريها بس ماعرفت منوين آخذها

الاقيها بالوسيط؟؟؟

وجم سعرها؟؟؟

 

[زيـטּ عَبْس]

استخدموووو فواحات العطوووووووووووور

رووعه

والشمووع بالزيوت العطريه همن حلووه

وتحياتي لكم

 

[أنفاسي دخون]

حبيبتي مشكورة على سرعة ردج

والحين بقوم اجرب الطريقة

بس ماعندي الفواحة

جم قلت بشتريها بس ماعرفت منوين آخذها

الاقيها بالوسيط؟؟؟

وجم سعرها؟؟؟

انتي تامرين ما احب اشوف احد متوهق بشغلة وما اساعده خصوصا اذا كنت اعرفها ومجربتها من قبل

الفواحه اشتريها من تروفاليو او دايسو ابو بودي شوب او سنتر بوينت هذول لغرفة النوم والصاله والمعيشة يكونون كشخه وحلوين واسعارهم من دينار لين 6 اغلى شي اما الحمامات وانتي بكرامه اخذ من ابو ميه فلس عنده صغار يهبلون عشان اذا انكسروا ما اتحسف عليهم وجربي زيوت زهور الريف روعه والزيت العطري اللي على برتقال تلاقينه بسنتر بوينت ريحته فريش ومنعشه

 

[صباح الخيرفي كل الأوقات]

انا قريت طريقه بمنتدى وجربتها ونفعت معاي جربيها
بعد ما تخلصين كل شي طبخ وتنظيف وتحسين للحين في ريحه ييبي جدر صغير وحطي فيه شكر وحرقيه على النار ليما يتحول للون الذهبي بس مو يحترق وتلطع الريحه الحرق لا ...نبي ريحه الكراميل
وعلى فكره لا تشغلين شفاط المطبخ لما تسوين هالعمليه

 

[BlackRose]

والله هم فكرة حلوة بجربها

 

[زهـــر]

جربي بعد الاكل وبعد الغسيل جدر صغير حطي فيه ماي واعواد دارسين اوفانيليا و حطيهعلى النار
هذي طريقة ام و تقول انها ماشيه معاها اوكي

 

[فروتي ككتيل]

حطي ياوي حبوبه

 

[العود الأصلي]

حبيبتي أثناء القلي حطي عندج جدر صغير فيه ماي ودارسين وخلية يغلي ليما تخلصين وبجذية يخفف ريحة السمج

 

[GreenRose]

سلام

شوفي يا قلبي ولا يهونون البنات في شي غلط الكل يسويه وما ينتبهون بس الي يدخل من برا يحس الريحه مخلوطه سمج على عطر

اول شي لما تقلين السمج حطي على النار قدر فيه ليمونه مقطعه وكل شوي زيدي الماي عشان ما ينشف

والشموع مثل ما قالوا الخوات تساعد وممكن تحطينها بالممرات او الصاله وعندج بالمطبخ بعد وشغلي الشفاط وسكري الباب زين ولا يظلون

داشين طالعين للمطبخ

الحين تغديتوا بالعافيه وشلتي السفره

كل شي بالمطبخ يتنظف بالفيري والكلوركس لا ديتول ولا غيره امسحي الدواليب والثلاجه والطباخ والارضيه بالكلوركس المخفف طبعا
الزيت الي قليتي فيه على طول للزباله اعزج الله وبرررررررررررررره هو والسفره كل شي القلايه افركيها بقشور الليمون والكلوركس

نظفتي وخلصتي الحين

حطي فحمتين على النار
شبوا خطي فوق وحده منهم علج مر والثانيه حرمل ولفي فيهم البيت وافتحي الشبابيك قبل العلج المر لا تحطين بخور ابدا تصير الريحه مخلوطه

انتظري شوي تخف ريحتهم وبخري بيتج
وشوفي النتيجه يا قلبي

وانتبهي انج تشعلين الفواحه بدون تبخير البيت لان البخار الي يتصاعد منها يساعد على ان ريحه السمج تثبت وتدوم

ولا تنسين تغسلين الحمامات بعد الغدا وعلى الاخص المغاسل بالكلوركس
وتقبلي مني كل الامنيات في بيت تفوح منه اروع العطور

 

[مشتاقة لأمي]

عن تجربه الجاوي او الياوي مثل ماقالت فروتي ككتل

صح انه يخنق بس وحده بوحده بعد التنظيف مباشره وعلى طول معودة خدامتي تبخر البيت فيه بعد اي طبخ فيه قلاي تحسين يشفط الروائح الشينه .

عقبها بفتره بخري بخوركم العادي.

 

[ياعشيري جعلك السلال]

الله يعينش انا مريت بنفس المعاناه بس بعد طريقتي هذي انسي تشمين ريحة السمك وكل يوم بتسوينه

اول شي لا بديتي تقلين او تشوين السمك لازم تشبين شمعتين او ثلاث كبار بالمطبخ وخليهم لحد ما تغدون وتغسلون المواعين لانهم يسحبون الريحه وعقب ما تخلصين جيبي قدر صغير ما تبينه وحطي فيه اكثر من نصه ماي وضيفي عليه قفشه وسط بودرة الفانيليا ماركة كتكو ريحتها عجييييييبة وكم عود دارسين عدل مو مطحون وخليهم يغلون على النار وكل شوي ضيفي ماي وتعالي شمي بيتش بتصير ريحته ولا احلى وعقبها شغلي فواحه بكل مكان الصاله الحمامات وغرفه المعيشه وغرفة النوم بعد ولازم تضيفين للزيت العطري ماي عشان ما تخنقش ريحته ورشي مشعلش اللي تحبينه بس لو ريحته بارده يكون احسن نفس ديليشس من اجمل وبخري بمعمول المعاريس .. انتي نفسش ما راح تصدقين واذا عجبتش طريقتي ادعي لي ان الله يحقق اللي في بالي

اذا جربتيها عطيني رايش بصراحة :eh_s(6):

نفس كلامها قدر وحطي فيه مااااي واعواد دارسين وخليه يطبخ

 

[ABEER FLOWER]

مشكوووووووورين
يعطيكم ألف عافية

 

[لذوذذه]

حبيبتي ملعقة خل مع زيت القلى

يخفف ريحته كتيررر .