ريحة حمامي اهيء اهيء

[امون حبيبة زوجها]

قوه بناااات

مشكلتي حمامي
اهو نظيف الحمدالله
انا دايم انظفه بديتول وكلوركس البرتقالي الحمدالله نظيف ومافي ريحه بسسسسسسسسسسسسسسس


انا متعوده اشتري عطر اخليه بالحمام عشان المواقف المحرجه قبل لااطلع ارش من العطر واطلع مرتاحه ((اكيد عرفتو قصدي عقب الشسمه ارش)):eh_s(22):
اعذروني عالوصف


المشكله العطر اشمه ويعجبني وحلوو واشترييه بس من استعمله مرتين ثلاث اكره ريحته بحمامي لدرجة تلوع جبدي من ريحة حمامي

غيرت وشريت كذا عطر يهبلوون بس اكرهم لما استعملهم والله تلوع جبد
زوجي يعجبونه العطورات بس انا تلوع جبدي وساعات انحرم من الحمام مابي ادشه والسبه ريحة العطر

شسوي بهالورطه
انجدوووووني
انقذووووني

 

[سبائك]

غريبه مشكلتج امون

ليش بدال لا ترشين عطور..... تفتحين الدريشه اوالشفاط يتروالي لما يصير هوا الحمام متجدد يكون احسن

ودايما خلي بحمامج معطر الجو ((أير ويك)) الي تفتحينه وتخلينه ويعطر لج جو الحمام بشكل مستمر

لان العطور بمكان مقموت تصير ريحتهم موشي علشان جذي تكرهينهم

 

[امون حبيبة زوجها]

هلا سبوووج

عنديييييي دريشه وشفااااط وفاتحتهم

والمشكله كلمن يدش حمامي يقول شحلااااااااااااااات ريحته تعجبهم

بس انا اللي اكره ريحة العطور فيه مادري ليش وبنفس الوقت مااحب ادش حمامي بدون عطر

ياربي سالفتي سالفه

 

[nonia]

والله ما ألومج أنا اكره العطور اللي أحطها بالحمام أحس اني أكرها وتطيح من عيني حتى لو غاليه .

 

[شاهة]

اموووووووووووون ماتحبين الريحة والكل يحب ريحة العطور
يمكن حامل ههههههههههههههه يا لله يا رب يكون صج

 

[نزف]

توني داشه بقول يمكن وحام

بس سبقتني شاهه

يالله عساها صج عاااااد


من كثر مااحبج ياامون ودي كلامي يكون صج

 

[@ دهن العود @]

حبيبتى معروف اذا رشيتى عطر عقب الشسمه على قولتج بتصير ريحته لوعه

لانه راح ينخلط

حاولى تشترين الجهاز اللى يرش عطر كل 5 دقايق حلو

 

[مزيونه وشقره]

مبروووك حااامل ان شاء الله



تعالي خلاص روحي اشتري كمام وخلي غيرج يستمتع في العطور



لالا صج شوفي مو ضروري تحطين عطور بس اذا خلصتي من شسمه على قولتج حطي ديتول ومعطر الجو اير ويك البخاخ على كرز يهبل ريحته تينن وعندج بعد بخاخات انواع للتعطير لا تحطين عطور عاديه للبيت او للجسم حطي بخاخات معطره للجو وبس وسلامتج


مع تحياتي يا حياتي

مزيونه وشقره​

 

[dlooo3a]

انا مع البنات يا حبيبتى فى عطور مخصصصه للحمام ليش تستخدمين العطور العاديه والتهويه مهمه للحمام

 

[* مـذهـلـه *]

حبيبتي ماله داعي ترشين عطر بالحمام فيه شغلات واجد مخصصه للحمام معطره ..

منها القزاز الفواحه و عندج كذا نوع فيه على برتقال و فراوله و لافندر و غيرها ..

عندج بعد العلبه اللي تفتحينها و تطلع ريحه و فيه بعد كذا نوع منها ..

عندج البخاخات مثل ديتول و غيرها اللي تكون على روايح حلوه مثل الورد و البخور و دهن العود مخصصه ..

عندج اللي تحطينها بالمرحاض تكرمين و لما تسحبين السيفون تطلع ريحه ..

و عندج بعد السائل اللي تكتينه داخل السيفون تكرمين و لما تسحبينه يطلع ريحه و يعقم ..

و دايما حطي شموع بالحمام اللي تكون على روايح و شبيهم مع التهويه و الشفاط ريحة حمامج ماكو احلى منه ..

يعني الحمام له شغلات و روايح مخصصه له ما له داعي تحطين عطر و تكرهين ريحته ..
​

 

[ملكة زماني]

احسن شي ديتول البخاخ رشي قبل لا تطلعين جنج توج غاسلة الحمام
انا ريلي وايد يحبه

 

[الاسطورية]

انا مثل طبعج اكره العطور بالحمام

عيل خليج عالديتول مطهر وبنفس الوقت يقضي عالريحه كل مره حطي نقطه بالمرحاض وتفوح ريحه نظافه حمام موعطر
انا ارش فانيليا خفيف وافتح الشفاط يصير خفيف وحلو

 

[moors]

ديتول العطر وايد حلو

 

[lolo77]

ما قصروا البنات كفوا ووفووا
واحنا استفدنا بعد

بس تدرين شنو انا اقول يمكن وحام بعد
اذا جذيه الف مبروووك

 

[ghalaty]

موضووووووووووووع غريب

 

[روزالكويت]

هاه بشري سويتي تحليل خلينا نيبب كللووووووولوووووووليش
بالنسبه لحمامى احط بخاخ جليد بالكرز روووووووعه وديتول وخلاص

 

[معلمة رياض اطفال]

ودايما خلي بحمامج معطر الجو ((أير ويك)) الي تفتحينه وتخلينه ويعطر لج جو الحمام بشكل مستمر
؟؟ ممكن صورته

 

[رفرف]

لا ترشين عطر ...
رشي معطر جو انا عندي اير ويك يتعلق بالطوفة وانتي طالعة ترشينه وريحته مو قوية وايد بس منعشة ...

 

[امون حبيبة زوجها]

خخخخخخخخخخخخخخخخخخخخخخخخخ بنات اي حامل تو الناس لله يهديكم توني مغسله من العاده ههههههههههههههههههههههههههههههههههههههه

بعد عمري نزف حبتج العااافيه ياقلبي


واشوه موبس انا اكره العطور بالحمام

دهن عود ودي اشتري الجهاز بس اخاف اكرها مع اني احب ريحته

 

[قمه النعومه و الأنوثه]

حبيبتي ماله داعي ترشين عطر بالحمام فيه شغلات واجد مخصصه للحمام معطره ..

منها القزاز الفواحه و عندج كذا نوع فيه على برتقال و فراوله و لافندر و غيرها ..

عندج بعد العلبه اللي تفتحينها و تطلع ريحه و فيه بعد كذا نوع منها ..

عندج البخاخات مثل ديتول و غيرها اللي تكون على روايح حلوه مثل الورد و البخور و دهن العود مخصصه ..

عندج اللي تحطينها بالمرحاض تكرمين و لما تسحبين السيفون تطلع ريحه ..

و عندج بعد السائل اللي تكتينه داخل السيفون تكرمين و لما تسحبينه يطلع ريحه و يعقم ..

و دايما حطي شموع بالحمام اللي تكون على روايح و شبيهم مع التهويه و الشفاط ريحة حمامج ماكو احلى منه ..

يعني الحمام له شغلات و روايح مخصصه له ما له داعي تحطين عطر و تكرهين ريحته ..
​

جزاج الله خير ابدعتي بالحلوووول​