ريحت الكبت من 5 اشهر مو راضيه تتغير ؟؟؟ ساااعدوني بنات

[elzyn]

السلام عليكم

بنات انا غرفة نومي نجاره وفيها ريحت الصبغ شايله بالكبت والدار والله عيزت وانا ابطل الكبتات واهوي الدار وافتح الدرايش وابخر الكبتات ( رحت الصبغ مع البخور شي لايصدق يلوع الجبد ) والمشكله الاكبر انه صارت نساتي بالغرفه وكرهتها وقمت ما انام فيها حطيت لي مطرح بالصاله شسوي بعد
والمشكله الثانيه انه الهدوم اللي بالكبت كلها صبغت ريحت الكبت مع البخور والعطور فصاااااااارت شي مو طبيعي
قمت وغسلت هدومي كلها لاني مااتحمل اشم ريحتهم علي طول ( ارجع ) :dddds: وحطيتهم بستاند يمي بالصاله
وصايره حالتي حاله جني مشرده وانا بشقتي

فشسوي مع ريحت هالكبت اللي سببت كل هالمشاكل

 

[al-zabarjad]

من خبرة البنات

تعرفين الفازة اللي تحطين داخلها شمعة وفوقها الزيوت العطرية وتفوح لج المكان؟

بدال الزيوت العطرية حطي فانيليا راح تسحب لج الريحة


طريقة ثانية..
بخري جاوني يمكن يمص لج الريحة وبعدين بخوورج اللي كل مرة تستخدمينة


والله يعييينج حبوووبة

 

[بسبوستي]

فرغي الكبت اول شي وغسليه بالديتول وداوني والمعطرات القويه وشغلي فواحات او بخور داخل الكبت بعد ماينشف من الصابون وصكي الكبت عليهم شوي وغسلي كل الهدوم وبخريهم وخلي الكبت يتهوا شوي وراح تختفي الرائحه ان شاءالله اتمنى اكون افدتك

 

[الـــ غ ـــلا]

وانا اعاني من نفس المشكله

 

[احلي ست بيت]

احسن طريقه لا يعلا عليها و انا جربتها بعد عذاب دام اشهر
هو ديودرنت الكبت .. من مركز سلطان .. عباره عن خلاصه الفحم الاسود تفتحينه يمص الريحه الخايسه مص .. تخلينه اسبوع بالكبت او الادراج تختفي الريحه ووراها تقدرين تعطرين على راحتج
اسمه ..
closet deadorent
عجيب استخدميه

 

[elzyn]

حبااااااااااااايبي والله انشالله تروح الريحه لانه صج تعبت
مشكورين ماقصرتواا

 

[أحلى همبه كويتية]

والله مسكينة ما يسوى عليج هالكبت
تعب ونسات وتغسلين كل الهدوم
الله يعينك

 

[<< أزيان >>]

الحل عندي وانا بوهندي

حبيبتي انا نفسك بالضبط غرفتي نجاره ومابقى شي ماجربته بخور وورد مجفف مافادني الا

عطر جليد اليديد اللي ينحط ببرواز وتحطين شريحت العطر والله ان من اول يوم تروح الريحه وتفوح ريحة العطر بالدار بعد حطي بكل كبت

وحده لا وسعره يابلاش اقل من دينار اذا بتشوفين صورته دخلي موضوع بنفس المنتدى امس انا منزله صورته بموضوع وحده من العضواة

والله يهون عليك ياحياتي ولا تنسيني بالدعاء

 

[حبنا الله عليه]

الله يعينج

ويا الله البنات ماقصروا

 

[ام علاوي وعزوز]

عاااااد انا امووووووت بريحة الغرفة اليديدة

 

[توت عنكبوت]

مالج الا الجاوني

كم يوم غمتي الغرفة فيه وشوفي بتروح بسرعه

 

[elygant]

شكرا

 

[LUXURY]

في منزلين قليد مثل جياس فيهم جل معطر حطيه بالكبت
ووحده من الخوات ذكرت طريقه حلوه انها تحط بالقطن العطر اللي تحبه وتمسح فيه الارفف ويضلون متعطرين لمده لا تقل عن 3 اسابيع واهي تحط المبخر برف رف وتبخر
وفي بالشايع الاوراق للارفف يطلعون ريحه حلوين بس مادري بجم انا باشتري منهم
والله يعينج
انا نفسج ظليت شهر يوميا امسحه بديتول يالله راحت الريحه

 

[love love]

حبيبتي انا نص كبتي نجاره وكانت ريحتهم تلووع الجبد والباجي كبتات عاديه

شوفي موضوعي بتعطير الكبت وماراح تندمين انشاءالله

 

["مغروره بس معذوره"]

طريقه امي


تقص بصله وتخليها تقول انه يشفط الريح


وتحط طاسه (باديه) فيها خل



وتخليها لمده يوم




لا خلصتي




جيبي فوطه نظيفه وغطسيها بكلونيا اشرقت



وامسحي الكبت مسح




وسكريه لين يجف



وسويها 3 مرات



عقبها صفي ملابسج


وحطي بينهم




الاوراق اللي بسنتر بوينت يجيج ظرف فيه روائح



جيبيلج تقريبا 6


ونوعي بالروائح


واخذي الكياس الصغار والدوائر



جمعي على قد ماتقدرين



وحطي معاهم مكعبات المسك من القرشي



تمسكين الوحده وتبرشينها برش على الملابس وكسريها كسر كبيره وغطسيها بينهم






وانشالله تدعيلي




انا جذي اول ماجيت شقتي كانت جديده والريحه ريحه صبغ



وباذن الله تروح



تحياتي

 

[a7latwins]

مشكورين على النصايح