ريحه الاثاث اليديد شلون تروح؟؟

[om__jana]

شلونكم بنات؟؟
بقيت استفسر انا شاريه غرفه للمولود اليديد طبعا الغرفه نجاره وصارلها تقريبا شهر الريحه موراضيه تروح مع اني مسحت الاثاث بفوطه مبلله وخليت الادراج وبيبان الكبت مفتوحه وليلحين فيه ريحه

أبي ارتب اغراض الياهل مافيني صبر شسوي؟؟؟؟؟؟؟ ساعدوني

 

[ام يوسف 06]

حبيبتي ما تروح ابسرعه بس عادي حطي الاغراض ما تتخرب ريحتهم بالعكس ريحت اهدوم اليهال اهي اللي تحلي ريحت الكبت

 

[ريحانة_14]

رشي بالغرفه إذا كنتي حاطه فيها زوليه البودره مالت الزل أم ريحة حلوة ... تحصلينها بجمعيه مشرف ومركز سلطان .. وتالي خمي الغرفه بالمكنسه ..

وشوية رشوش .. وضرووووووووووووووري ضروري تخلين الدرايش مبطله بالنهار شوي لأن إذا كانت الغرفه قمته ماراح تطلع الريحه بسهوله ..

وطبعا حطيلج طاسه فيها شوية كمفرت داخل الكبتات وسكري عليها بعد ماتكونين فاتحه الدرايش الصبح

يعني سكري الدرايش وبعدين حطي الكمفرت داخل الكبت

وتروح الريحه لاتحاتين

ومو سيئة وايد هالريحه .. أنا أستانس عليها تحسسني إن البيت يديد والغرفه يديده

 

[om__jana]

مشكوووورين وايد وايد :33_1185028183:

راح اجرب اللي قلتولي عليه

 

[أوركيدا]

اخذى من الشايع اوراق الكبت المعطره وحطيهم وحطى اكياس المعطره تلاقينهم بمركز سلطان @رشى كربونات الصوديم تمتص الريحه
وبخرى الكبت من داخل ومسحيه بفوطه مبلله بخلطه عطر ويروح

 

[توت عنكبوت]

بخري جاوني كل يوم ليما تروح الريحة

وعن تجربة .

 

[السندريلا نبر1]

انا لما تزوجت جيت الشقه وكلها ريحتها نفس ماوصفتي
اخذت فوطه وبليته بخلطة عطر مخفف بشوي ماي و مسحة الخزاين فيها وبعدين شبية بخور و حطيت فيه عطر و حطيته داخل الخزاين وسكرته وراحة الريحة على طول بعد يومين من تكرار العمليه

 

[om__jana]

مشكووورين بنات
الريحه ريحه صبغ خشب لأنه الاثاث مثل ماقلت نجاره
انشالله بجرب الطرق اللي قلتوا عليها

 

[@يسرى80@]

بخري الغرفة بسكر .. يعني شبي فحمه وحطي عليها سكر وخليها بالغرفة وسكري الدرايش والباب وبأمر الله الريحه تروح

 

[شوشو الشقيه]

يسلمو اختي
بخري الغرفه وبخري الخزائن بالبخور تروح الريحه نفس ما قالت الاخوات
من اختج شوشو الشقيه