ريحه الفم مسببه لي احراااج

[noon 55]

بناااااااااااااااااااااااات تكفوووون اللي عنده علاج يقولي ريحه الفم مرره محرجتني لو افرش اسناني فاليوم مرتين مايفييييد اتجننت

 

[beauty rose]

انا بنصحج كذا نصيحه و ان شاء تنحل مشكلتج

اول شي لا تقعدين على معده فاضيه كلش لازم تكونين ماكله ريوق و غدا و عشى
لان المعده الفاضيه اتطلع ريحه لي الحلج حتى لو فرشتي ما تروح

من الاشياء اللي تخلي ريحة الحلج حلوه النعناع طيحي فيه
اكليه ورق طازج ٣ ورقات مثلا و تقدرين مع الجاي او السلطه كثري منه

ثالث شغله اللي تسبب ريحه الاسنان لازم تكون صحتها زينه و مافيج جير
و التفريش بعد كل وجبه مع تفريش اللسان

في بخاخات وايد بالجمعية تبخين بحلجج طعمها حلو و تنعش النفس

و علوج اكسترا خاصة الحااار حلووو للحلج

و يبيعون بالصيدليه مثل حلاو يذوب بالحلج تاكلين قطعه بس
و تذوب بلسانج تحلي الطعم

ان شاء الله اكون فدتج باللي اعرفه و ان شاء الله البنات يساعدونج اكثر

 

[رتو الكيوت]

شلون اكتشفتي ريحه حلجج خايسسسه ؟

الله يشفيج

نظفي بالخيط الخيط اهم من الفرشاه واشربي جاي اخظر يعقم وتمضمضي بماي وملح وره بالاسبوع تمصمصي بماي ونقطه من زيت القرنفل يعقم الحلج

وشيكي على اللوز !

 

[عصير ليمون]

راجعي الباطنية يمكن تكون في جرثومه في المعدة
لأنها بالعادة يكون السبب في المعدة
إذا ما فادة طريقة التنظيف العادية الفرش والمعاجين

 

[طموح لايتوقف]

نفس المعاناة بس أناا لما أروح لأي مكان ماأستغني عن علكة المستكة اللي توجد عند االعطار ريحتها ماتروح وتعطر الفم وعادي العلكه تستخدمينها أكثر من مره في اليوم بس حطيها في منديل نظيف ورجعي أستخدميها لما تحس حلقك نشف وكانت حريم أول يستخدمونها

 

[shadows]

الخوات ماقصروا جزاهم الله خير وصاجيين بكل كلمه
بس مو معقوله يعني انتي ماتسوين كل هذا؟
مثل الجاي الاخضر بالنعناع عجيييييييب ينظف الحلج والاسنان انا امووت عليه للأسنان اكثر من اي شي ثاني
والعلوج هم ولازم ماتخلين معدتج فاضيه لازم تاكلين وبعدين تفرشي

بس اذا ماكنتي تسوين هالاشيا اكيد بتطلع ريحه حلج خايسه
واذا سويتي هالاشيا ومانفع احتمال لازم تروحين الطبيب ويبيلج تنظيف او عندج ضرس خايس

 

[فرح3]

نفس المعاناه والله ماخليت شي الا وجربته
الله يشفينا الكل يحسب أنه أهمال مننا بس ربي يشهد أننا نهتم. أكثر من أي شخص ثاني
والبعض يتشمت خصوصا أذا كانت أقل منك جمال وكل شي
وتعيارك وتدق بالكلام. في كل جلسه
يعني فوق المرض كمان شماته واستهزاء من الكل

 

[أحلى البشر]

في حبوب امي كانت تاخذهم شهرين والحمد لله طابت حق المعده اظن
والمرض مافيه شماته

 

[رتو الكيوت]

بنات تاكدو من التهاب الوز

التهاب الثه

امراض المعده

القولون

جيوب انفيه ؟

سن محشى على وصاخه

سوي تنظيف غند الدكتور

مسويه تلبيسات ؟ ترا تطلع ريحه

 

[انوثتي غير وياك]

كويتيات سر رائحة الفم اللي بتدوخ زوجك

اقريه رد رد

صفحه صفحه

وسجلي كل شي بورقه وطبقيه

 

[ميونة الحلوة]

ترى يمكن من الاكل الي تاكلينه

يعني شوفي بعدي عن البطاط المكيس الي بالجمعيات نفس كتكو و غيرة هذا يخيس الحلج حتى لو فرشتي اسنانج

و بعدي عن الكاكاو و الاشياء الدسمة مثل الوجبات و الاجبان الثقيله الدهنيه

و لا تستغنين عن العلوك بالذات العلك الحار و خلي اكلج طبيعي و خفيف و كثري سوايل

و سوي فحص اذا انتي محتاجة تنظيف اسنان او لثة او عندج اسنان متركبه عالجيها

و اذا عندج جيوب انفية استخدمي غسول بالمستوصف موجود و اخذي ابرة طولها ٢ملي عبي الابرة من هالغسول و و نزلي راسج شوي و دخلي الابرة بفتحة الخشم و انتي مميله راسج و منزلته شوي عشان يطلع من الصوب الثاني و لا خلصتي سوي نفس الحركة بفتحة الخشم الثانيه

و الله يشافي جميع مرضى المسلمين

 

[قحطـــانيهـ]

احسن شيء لريحه الكريهه

في فراشه من تحت فيها نفس التموجات
هذا لتنظييف اللسان لان اللسان يحتوي على جراثيم
وعوالق بعدين تنتقل للاسنان وتسسب روائح كريهه

فلازم تنظيف اللسان لما تفرشين

وفي بالجمعيات معقماات جدا ممتازه
استخدميه بس بالعصر لجيتي تطلعين
مو٢٤ساعه تحطيين

او اخذي خبز ابيض واحرقيه واخذي الرماد مال الخبز>> يبيض الاسنان ويذهب الروائح
وحطيه بعلبه وخصصي فراشه خاصه له وكل صبح او بالليل نظفي اسنانج فيه
وربي ممتاز>> حتى صديقاتي يقلون اسنانج صايره بيضا
والنعناع حييل روعه اكليه بروحه
او مع شاي اخضر>> لان الشاي الاحمر يسبب صفار بالاسنان

واتمنى اني اكون افدتج
دعواتج لي

 

[Ranoon]

انا افرش واحس مرات ريحه فمي مو زينه

مع اني ما اشرب غازيات ولا اكل شئ دسم الا وافرش اسناني

بس احس انا اذا حطيت حمره .. اسناني تصير ريحتها مو حلوة
مدري ليييييييييييييييش !!!

تعبت والله !

 

[منتظرة الفرج]

انا الدكتوره شالت الجير اللي باسناني وراحت الريحه

 

[- BambeNo -]

امسحي زيت الزيتون في حلجج .. وقبل النوم ..

 

[معزوفة عشق&]

انا مرا قريت معلومه قبل النوم تبلعي ربع فص ثوم مع المويه زي كانك تشربين دواء .. تنظف المعده وتبعد الرائحه الكريهه عن الفم وفعلا انا جربتها انصحك فيها ..

 

[فرح79]

والله نفس المشكله رحت طبيب الاسنان وشلت الجير وغسول للفم واهتمام وما زالت في ريحه واالله محتاره يارب اريد حلا

 

[!! Ba6a 7lwa !!]

جزاكم الله خيررر

والبنات كفووو ووفووو

 

[طموحه بزياده]

لا تخلين معدتج فاظيه لان جذي تطلع ريحه


اشتري كبسولات انتر فرش يعني بالنعناع تعطر المعده اذا كليتي اكل فيه بصل ثوم وبهارات

وسمعت عن كبسولات الزيتون حيل يمدحونه بس ماجربتها

ابتعدي عن العلج يقولون كثرت مضغه تطلع ريحه وغازات

اشتري حلاو

اشربي ماي وماي ورد

اشتري غسول فم سونسوداين عجبني بالنعناع وخفيف

 

[انا هيفا انا]

ادعي ربج حبيبتي انه يشفيج
وراجعي دكتور لوز ومعده