ريــــــــوقـــــي المــمــيز فـي (ريــــوق) و عـــشائي الهــادي في La Cava تجربه WOW

[Zen&7ala]

السلام علييييييييييييييييكم شخباااااااااركم يا حلووووووووووين

قبل امس رحت مطعم LA Cava في سوق شرق انا و زوجي


و صج عجبني حسيته هادي و محترم و الأكل نظيف و لذيذ !!


اخليكم مع الصور



سلطه الجرجير



كانت حيل لذيذة و اعجبتني :rerrerek:



و المقبلات كانت ترموس لا كافا



اسمحولي على الصورة لووووووووووووووووووول عقب ما غسلنه الصحن انا و ريلي

كان عباره عن حلقات بصل و أصابع الموزاريلا و خبز بالثوم و مثل كاساديا صغار الي

بالصورة و معاهم كشب و ماسترد الصراحه لذيذ

يتبع لحد يرد بليز ;*​

 

[Zen&7ala]

العصائر :

عصير ليمون بالنعناع



حلو و منعش


بيبسي




الأطباق الرئيسية

Fetoshine With Chicken And MAshroom



كانت قويه الصراحة

Newyork Steack



انا ما اكل لحم بس ما قدرت و كليته و صج كان لذيذ !

الحساب



تقيمي :

الخدمه 10-10

الأكل : 10-10

السعر 8-10

و ارد له مره ثانيه ولا لأ؟ اي ارده

تابع ريوقي بريوق برب

 

[Zen&7ala]

و امس رحت مطعم ريوق و حبيت انقلكم التجربه العجيبه الصراحه


بنات المطعم حيل حلو و لذيذ الصراحة !!!


اول شي قبل الريوق يابولنا من هالسله 2 انا كنا 4 اشخاص

يعني كل ثنتين بوحده عباره عن توست محمص و خبز فرنسي مقصص صغار

و 3 انواع مربى و زبده يشوق الصراحه





و طلبنه أول شي

American Bricfast


حلو
بنات كل طبق ايبون معاه عصير و شراب حار (العصير تحتارون بين برتقال او ليمون)

(و المشروبات الحاره بين قهوه امريكيه أو شاي)


الطبق الثاني

Oriantel Breckfast



حيل عجبني

فول و مقدوس و جبن و زيتون محمص و فلافل فوقها طحينه مع جبن رول

وايد لذيذ

الطبق الثالث و الرابع

بيض بالخضار و الي وراه هوت دوق



البييض عجييييييييب حيل لذيذ و الهوت دوق كلش ما عجبني


ايبون مع الطلب 2 بطل ماي و احنا طلبنا زياده واحد

و اخر شي حلينه ب كريب نوتيلا و موز بس اسمحولي ما صورته نسيت

و طلع حسابنه تقريبا 12.500 الصراحة يسوى


تقيمي للمطعم

الخدمه:10-10
الاكل:10-10
السعر:10-10

​

 

[zqertya]

عليج بالعافيه

 

[NaYoob]

لكافيه صراحه مطعمي المفضل اروح اتعناله اكله حده عجييب

انا اطلب مثل طلبج بس دياي مع صلصة الماشروم والخضار السوتيه يم يمي شكلي بقول حق

اهلي اروحه شوقتيني ومطعم ريوق سامعه عنده بس ولا مره رحته

وثاانكس قلبي على الصوره وعوافي مأخراً ^_*

 

[miss.42]

شكــل الاكــل لذيذ..

عليكــم بـالف عاافـــييييه ,, يسلـموو حبوبه..

 

[كويتية82]

هني هني ومليون عافيه

 

[** مفاهيم الخجل **]

عليج بالعافيه

الأكل يشوق

 

[بحر الذكريات]

عليكم بالعافيه حبوبه

 

[ساندريلا]

شكله لذيذ
بالعااااااااااااااااااااااااااااااااافيه

 

[Dare to challenge]

عليكم بألف الف عاااااااافيه
تقريرج حددده رووعه يشوووق

بغيت أسألج المطعم الاول فيه كباين؟ شكل الاكل لذيييذ بعزم عليه العايله لووول

الله يسعدج

 

[hessa25]

وااااااااااااااو يشوق

 

[الفرفوشهـ]

عليج بالعافيه
شوقتيني ع الريوق

 

[Zen&7ala]

مشكوريييييييييييين كلكم و ماا قصرتوا


و الله الي ما جربهم جد لازم يروح لانهم يسون


و La cava ما اعتقد في كباين بسس واايد صاد و ماكو ناس وايد يعني صج محترم و تاخذين راحتج لو مع عوايل
و مو زحمه اهوا فوق ب سوق شرق



و مطعم ريوق يم مطعم فيلا فيروز الي بالشعب البحري جبال صالون روشنا بالضبط

و صج حلو و اي استفسار انا حاضره

 

[منتهى الرقة86]

عوافي على قلوبكم


لازم نجربه

 

[نماين]

هني ووعافية جوعتيني

ووويسلمواا ع الموضوع اللذيذ

 

[جــــود]

علييييكم بألف عاااااافيه حبيبتي

 

[PINKIA_STYLE]

علييييكم بالعااااافيه

La cava حده عجيييييب واكله لذيييذ

 

[أم ناايف]

عليكم بألف عاااااااافيه غناتي

 

[كثر خيري]

هني وعافية على قلوبكم