ريلي انسان غريب عجيييييب ...!!!

[هيله يارمانة]

السلام عليكم بنااات
هذي اول مشاركة لي في المنتدي ..حبيت افضفض لكم يمكن ألقي عندكم حل !!؟

صار لي 10 سنينننننن متزوجة حلووووو ...لاماحلو

ريلي اعيز اقول عنه بخيييييييييل!!!!
طبعا انا ماكنت ادري عن اطباعه كلللللش ...الا لما تزوجت ...وبشهر العسل بالتحديد !!!
حتي الريوق يتحسف اطلب من الروم سيرفس :rgewrg:
تخيلوا بنااات اقعد تعبانه يطلب مني البس علشان ننزل ناكل ساندويتش برة ارخص :eh_s(2):
قلت يمكن ماعندة حق فخفخة ...كنت مغفلة !!1 ما مشاني كلا حديقة ...ولما قلت له بروح السوق ولا رضي:eh_s(14):

المهم سايسته وماحبيت اسوي مشاكل رديت حاااامل
طبعا ماكنت فرحانه مثل باجي البنات اللي يتزوجون !!! خفت من الياي ...وفعلا قلبي كان حاس
طبعا كلا جذب بجذب ماعندي ماعندي واصدقة ..اصرف علي لبسي وعلي مشتريات بنتي
تخيلوا سكني بغرفة وحمام عند اهله ....وياويلي اذا طلعت من غرفتي انا وبنتي الخالة وماادراك مالخالة
تناشبني مناشب وخري بنتج لاتجيس هذا !!! لاتسوين جذية !!! حرمت علي دخلة المطبخ ...
اذا رحت لامي شيشت ريلي وتزفني !!! مو كل يوم تقوليلي ...لو طلبت من الطباخ شي ياويلللي !!!
وحش فيني اهي ويا الجناين اللي قبلي
اشتري شي تطالع ...ابي اطلع انا وريلي تقوله اقعد ..ويقعد !!! :eh_s(14):
المهم كانت عيشتي عذاااااب كل هذا ولا ارد عليها وصابرة ...طبعا امي سلبية ماتبي تكلمه لان جم مرة عصب عليها ولا يجذب ويقول حجي مو صاير !!!! بس علشان ماينفضح اهو وامه :eh_s(14):
وكلت امري لله الوالد متوفي ومالي احد بالدنيا لاعمام ولاخالات !!! الحمدالله علي كل حال
الله عطاني علي صبري ...يمعت لي جم فلس من ورث ابوي وطلعت ببيت

يابنااات اكتشفت شوي شوي ...من الناس اللي يعرفون ريلي ان عندة خيييير ..بس بخلااااااء
طبعا استسلمت مابي بنتي تتبهذل طلاق ومحاكم ...وانا مااشتغل !!!طلعني من شغلي !!!

انا يابنات تري حاجيته واااااااااايد وحاجيت امه ولا اكو فايدة
احس نفسيتي تعبانه !!! ماني نفس الحريم الي يسافرون مع ريايلهم مايسفرني كلش ...واذا وداني
4 ايام وايد علي وماكو خدامة مع اليهال احوس وتطلع روحي ليما ارد زايعة العافية...ومااستانس كلللللللش :eh_s(11):

القهر خذا مني فلوس وايد ...ولاردها ...كل ما حاجيه يمد ايدة لما اصر علي حقوقي ...ييته بالطيب مافاد

الحين بنتي كاسرة خاطري كلا يدقرها ماكو ماكو ماكو!!! مسكينه واذا يبت لها اي شي هاوشني ولعن خيرنا !!!1
احس اني كرهته ...بس خايفة اتطلق ...ماعندي ريال ..ومابي مشاكل !!!:yaaaaaarb:
شوروا علي شسوي ؟!!!!!!

 

[شادن33]

الله يعينج البخل صفه مذمومه ياربي مادري شقولج الله يسخره لج ودوم قولي في سجودج اللهم ملكني قلب من احوجتني اليه عجيب هالدعاء

 

[منيرة خالد]

الله يعينج


البخل صفه مذمومه بالاسلام


المهم


دام صبرتي 10 سنين كملي بعد لي آخر العمر


وتكيفي مع الحياة اللي يعيشج اياها زوجج ولا تطالعين غيرج ، واكثري من الدعاء والنصيحه له لا تضغطين عليه بالطلبات علشان ما ينفجر عليج وتصير حياتج كلها مشاكل


واذا قدرتي تردين للشغل زين اقنعيه بان المصاريف بتخف عليه اذا اشتغلتي وراح تشاركين معاه بكل شي بالبيت


منها ترتاحين من ضغط البيت ونفس الوقت تزيد عندج الفلوس وتتحسن احوالج المادية



موووفقه

 

[bride2011]

الله يعينج
حطي عيالج بعيونج
وان شاء الله البنات يفيدونج

 

[Miss^NeozZ]

يالظالمه صبرتي 10 سنين ؟ والحين توج تفكرين بالطلاق ؟ ولا حملتي منه بعد وعندج بنت ؟؟؟ !!!

 

[حرم_الغلا]

‏ الله يعينج؟؟؟ والبنات اللي قالولج صبرتي هالمده كملي باقي حياتج؟؟ أنا أقوولج لصبر حدوود وأنتي ماقصرتي صبرتي أنا ماأبي أشيشج بس أنتي الحين فاهمه وعااقل شوفي إذا فيج صبر كملي آما إذا نفذ صبرج سوي اللي يريحج ‏؟؟؟ الله يفرجها عليييج

 

[*peace*]

ترى البنت جذي بتتعقد من كثر التدقر منه

انا اقولج حرام عليج انتي تسكتين بعد ماوصلت السالفه لبنتج همن!!!

 

[حلوةودلوعة زوجي]

سكتي و سكتي وااااااااااااااااااااايد بعد لين داس على راسج وضامن انج مابتسوين شي

 

[ريمي اميري]

الله يعنك والله ماادري وش الحل مو ذيك الخبررررره اسفه ,,,
بس ادعي الله انه يوقف معك ويسخر لك زوجك ويهديه لكم , بالنسبه للبنوته اهم شي انك ماتكسرين راي ابوهاااا قداماها وفهميها انك انتي وابوهااا على نفس الصفحه يعني على نفس الراي ,, هذا الاهم :: بالنسبه للامور الماديه للبنوته بعد انا من راااي مو زين كل ماطلبو
الصغاار توفر لهم ,, يدلعون يخرب طبعهم اعتقد .. يمكن رايي مو صح بس هذا الي حسيته مدري

 

[ربي سبحانك]

الله يسخره لج ان شاءالله

 

[زبده جلوه]

مسكينه والله حاسه فيج والله

حبوبه ماعليج كل شي يهون ان معا العسر يسرا ان معت العسر يسرا

لا تخافين سؤال لو سالتج وقلت من خلق زوجج
اكيد راح تقولين الله وهذا البخل اما كسبه من احد او هو انخلق كذا والله في خلقه شئون
طيب لو قلنا
ان هناك كلب وصاحب لا يربطه وهذا الكلي يتهجم علي الماره في الطريق ماذا نفعل اذا ضربنا الكلب ذهب وعاد مره اخرا واذا ركضنا ركض ورانا
معنا الحل موجود وسهل والطريقه بصيطه نذهب الي صاحب الكلب ونقول كف عنا كلبك واربطه لقد اذانا

ولله المثل الاعلي
اذهبي بقلبك الي الله وقولي له يارب انك كتبت لي حياه مع رجل صبرة عليه ورئيت ياربي فعله معي ورئيت ياربي فعلي معه اسالك ياحي ياقيوم يامن لك العزه والنصره والجبروت ارح قلبي من عناه ومدد لي من كرمك ان زوجي بخيل علي وقاسي قلبه علي ربي اجعله لين القلب معي كريم معي يحترم مكاني وجعله سهلن لينن معي ولاتحرمني صبري واجري ياحي ياقيوم

وصبري ولاتستعجلي وبتسمي لزوجك في دخوله وخروجه وجلوسه معك وذكريه في ايات الله واحاديث صحيحه تبين حقوق الزواج

والله يوفقج حبوب والله حاسه حيل فيج*​

 

[كويتيه مـزيونه]

الله يعينج نطررتي عشررر سنين وعجزانه عن باقي عمرررج
خلاااص تحملي عششششان بنتج ..............والله يهديه ويسخره لج وحاولي تقنعيه تردين الوطيفه
المعاااااش حلووووووو لو انه ٥٠٠ دينار نعمه

 

[Tulips]

حبيبتي البخل طبع صعب جدا انج اتغيرينه وماراح تقدرين

مهما كان الريال مو زين بس يكون عندج امل تعدلينه الا البخل .. شبه مستحيل

مابي اضيق خلقج .. بس هذا الواقع

 

[DaShTeYa_Q8]

10 سنين توج تتكلمين ؟ شيفيد الحين

 

[سكوتي بذوقي]

حلالك خليه لك اختي

لاتعطينه ولا فلس مايستحي على وجهه

سوي لك مشروع صغير

يدر عليكِ خير او اشتري لك ارض وخليها لين يغلى سعرها

بيعيها

الله يهديه يارب ويسخره لك

 

[aloooya]

الله يعينج و يسر امورج

 

[ام احلى خلودى]

الله يحنن قلبه عليج وعلى بنته ويسخره لج

 

[القصيدة]

السلام عليكم و رحمة الله و بركاته

حياتي أنتي الحل الوحيد انو تصرّين ترجعين وظيفتك و الله يسهلها لك

حاولي تقنعين زوجك بما انو بخيل ،، وظيفتك راح تكفيه الصرف عليك و على بنتك

و بعدها يكون لك حرية الاختيار تستمرين معه و أو تنفصلين

بيض الله وجهك صبرتي و تحملتي لكن لكل إنسان طاقة و لكل شئ نهاية

الأخوات اللي يقولون توك تتكلمين بعد 10 سنوات ؟! أيوه هي بنت أصل صبرت و تحملت

لكن الوضع زاد سوء و المشكلة ما صارت محصورة فيها لكن بنتها بعد

الله يهديكم

يعني إذا رفضت من البداية ،، يقال عنها مو بنت أصل و مو كفو حمولة و ما تعرف حق الزوج

و اصبري و تحملي و مع العشرة يتغير و دلعيه و من هالكلام ..!

و إذا صبرت و تحملت لما يطفح كيلها يقال لها أحسن تستاهلين توك تتكلمين ..!



الله يوفقك و يكتب لك الخير :eh_s(7):

​

 

[أم ميميتو]

انا لو كنت مكانج اتحمل و اضبر بس لي عند بنتي او ولدي ولااااااااااا ما اسكت اذا انتي راضيه تعيشين محرومه من كل شي انتي حره بس البنت مالها ذنب تعيش عيشة فقر و ابوها نايم على الفلوس نوم اخرته تحت الترابه شنو يستفيد اذا حرم بنته من كل شي وهو عايش متى بستانس بفلوس ابوها لما يموت يعني

 

[أم ميميتو]

سامحيني على البدليات بس انفعلت شوي