ريلي بطق جبده مني .. شسوي؟؟

[mi corazon]

السلام عليكم

سوري كويتيات ادري متعودين علي فرفوشه ومواضيعي تونس بس هالمره تعبانه ومحتاجه مساعدتكم

الحين مر على عرسي تقريبا 10 شهور

ماتمتعت فيها كعروس حتى شهر العسل كنت حامل وتعبانه

اول ماعرست حملت وكله مشاكل بالحمل ونزيف ف الدكتورة منعتنا عن العلاقه .. تمينا اخوان تقريبا لي الشهر الخامس الله قدر وكتب اني اجهض

قلت خيره علشان اعوضه عن التقشف .. مالحقت اخذ موانعاول ماطلعت من الاربعين حملت ماشالله علي

وهالمره الحمال اخس من قبل من يلمسني انزف وحالتي رديه

وهم الله ماكتبوبالشهر الرابع اجهضت

الحين انا نفاس ونفسيتي تعبانه بسبب اجهاضاتي اللي ماعرفولها سبب كل تحاليلي زينه والاجسام المضاده زينه وحته عنق الرحم زين

مشكلتي ان الرحم يتقلص ويطرد البيبي واهو حي

المهم شلكم بالطويله

يوم ميلاده كان بنفاسي اللي طاف وهم ذكرى ملجتنا

ويوم ميلادي عقب جم يوم وبيكون هم بنفاسي

احس لاعت جبده كله مريضه ونفاس

تقريبا اللي استمتعنا فيه شهر .. اسبوعين قبل كل حمال

الحين افكر اريح شوي واعوضه

بس انا في بيت امي وكله مصخنه وتعبانه ونفسيتي بالقاع بس هم او كاسر خاطري

كله يحاول يواسيني ويصبر علي ويزورني ويتريق عندي مع ان شكلي اكس بس يطوفلي

بنات لاتزفوني تره انا عروس ماتهنيت من عرست تعب وهم

ابي نصحوني شسوي وشلون اقدر اكشخ واونسه الحين وانا بالنفاس لان احس بس بينفجر والله حاسه فيه تعبان بس متحمل


ومشكورين مقدما :eh_s(17)::eh_s(22):

 

[bitter-sweetness]

حبيبتي رديت عليج بالخاص

 

[Perfume]

حبيبتي اول شي
لا تلومين نفسج
انصحج انه تسوون مانع للحمل بالوقت الحالي
وتريحين نفسيتج او تسافرون مع بعض
او اذا ماكو ميزانية للسفر
تروحون فندق يومين
بعدها لما تحسين نفسيتج افضل
تراجعين وتشوفين سبب الاجهاضات
عشان هالشي ما يتكرر
بعدين حبيبتي حتى لو فيج الدورة
او الدكتورة مانعتكم من الجماع
في طرق ثانية ممكن تستخدمونها
الله يوفقج

 

[فرزاشيهـ]

^^^ صحيح كلامها في كذا طريقه يعني


وبعدين اول ماتطلعين من النفاس لا تحملين انطري شووي ارتاحي جسمج ما اخذ رااحه للحين و توج عرووس !

اقعدي سنه او ٦ شهور ريحي جسمج و تفرغي لزوجج و استانسي عقب فكري بالحمال من جديد

ولله يرزقج يارب

 

[dana.7]

تقومين بالسلامه يارب

الله يوفقج ويسعدج

انشالله البنات يفيدونج

 

[M!$_ $heme]

الله يكون بعونج

حاولي تحجزيله اي فندق يومين مثل ماقالت اختي بيرفيوم وفي طرق ثانيه للجماع وحاولي تكشخيله بكل حالاتج

 

[شادن33]

اول شي الدكتوره ماعطتج مانع ترتاحين من بعد هالاجهاضات علي الاقل ست شهووور موزين

لازم المانع اشوي

وعن الوناسه تقدرين تونسينه بطرق مختلفه !!! خليج شاطره

 

[عزوتي خمس صقور]

الله يعوضج خير

 

[حبيبي مالكني]

اول شي الله يعوضج بالحمل السليم
ثاني شي الي صار موبيدج
هاي كتبت ربج
ليش قاعده تلومين حالج
والايام يايه وراح تعوضينه ان شاء الله

 

[غآب نورك ~]

ماحبيت اطلع بدون مادعي لج

الله يهنيج ويسعدج انتي وزوجـج
وان شاء الله ترجعين له عرووس

والله يرزقكم بالذريه الصالحه المعافاه

بس نصيحه لا تفكرين بالحمل حاليا انسي هالموضوع وعوضي زوجج هالفتره كلها اللي مرت

سافري او احجزي فندق


وجددي فحياتج واهم شي انج ترجعينه كانج عروس وتعوضينه

 

[!الجادل الصعب!]

عسى الله يسخركم لبعض و يوفقكم و يعوضج بدال الضنا عشششر

 

[الأميرة جوري]

الله يعوضج وارتاحي علشان ماتكون الاجهاضات متكرره وريلج في طرق وايد لتعامل معاه

 

[PuPa^^SWeeT]

وانتي نفااااس اخذي مانع لمدة معينة


لاتكثرين عن 3 اشهر



و احجزي فندق



ولا سافري وياه سفرة بسيطة



و عيد ميلاده اللي فاات حاولي اتيبين هدية ثانية


و حاولي اتسوين له جو بسيط و حلوو



و طلعي ويااه


و طبعا اكيد لابد من الاجواء الحمرا خلال هالامور

 

[PuPa^^SWeeT]

وتراج انتي بعد لازم ترتاحين


الاجهاضات المتكررة وراها سبب



ريحي ظهرج و ارتاحي


حتى لو اتداومين


لاتضغطين على روحج لانه مو زين لج




والله يعوضج و يرزقج

 

[Um Tuki]

حبيبتي تنتي كعذورة
بعدين ترى مب زين تجهضين وتحملين دايركت
مسكي نفسج و استخدمي مانع للوقت الحالي مؤقتا و استانسي و عقب فكري بالحمل بعد ما يرتاح جسمج وترتاح نفسيتج

قومي روحي السوق و تشري اذا مر على اجهاضج شهر او ٢٠ يوم ترى كفاية

الله يسخره لج

 

[M!SS.LOBY]

الله يعوضج خير

 

[امـ خــزامـى]

الله يعوض صبركم ويهنيكم

حبيبتي انا مع فرزاشيه ارتاااحي سنه وعوضي جسمك وزوجك بعد

ولا تزعلين مني يعني فكرة احمل اول على الاقل 6 شهور من زواااجي
اعذرر الرجال اذا خااانوا ولا المشاااكل اللي تصير
اذا اقل حقوقه بالزواج انه ينبسط ويستانس مايعيشها على طول حمل ووحام وبعدين كرشه وتشققات
وولاده وترهلات وبيبي

بالله عليكم متى انبسط وعاش العسل اللي يشوفه ويسمع فيه ؟؟؟؟؟؟؟؟؟؟!!!!!

هالكلام مو لك حبيبتي لاتزعلين مني هالكلام لكل العرااااايس
سوي مانع على الاقل 6 شهور وبعدين احملي وكلام العجايز يناسب بس عصرهم
وقت ماكان مافي لاتلفزيون ولا نت ولا سفرات وان سافر زوجها راح للهند
هنا اقول احملي من ليلة الدخله لكن عصرنا عصر البلاووووووووووي
وعصر فيه الجمال هو اهم شي لا سنع ولا طبخ مهم المهم جميلة وجريئه فقط

استمتعووا بكل مرحله تمروون فيها

استمتعي بالملكه واستمتعي بزواجك وشهر عسلك تدلعي وتعرفوا على اطبااع بعض
وبعد ماتملون ادخلي المرحله الثانيه واحملي واستمتعي بحملك واهتمي بنفسك وبرشاقتك استخدمي كريمات
واتبعي حميه عشان ماتسمنين كثير

وبعدين مرحلة الولاده والنيو بيبي

وهكذا الحياة عيشووها بحذافيرها واستمتعوا بكل مراحلها ولاتستبقون الاحداااث


^^
متأكده ان ولا وحده بتقتنع بكلامي ولا راح تغير فكرة اليوم زواجها وطقطقه وزفه وبعد 20 يوم تحمل
ولا بعد ان تأخرت ماحملت 2 ولا 3 شهور كتبت بتوقيعها ربي لاتذرني فردا وانت خير الوارثين


ارجع واكرر حبيبتي الكلام مو لك لكل البنااات


الله يرزقك ويريح بالك ويسعدكم

 

[AmoOona_29]

^ أم خزامى ردج ضحكني :d

والله صاجه بكلامج بس شسوي عاد إذا أحب الجهال هههه

 

[زوجة عزيز]

اسم الله عليج والله يعوضج خير ان شاء الله اختي مايصير مافي سبب لاجهاضات المتكرره حاولي تقرين الرقية بتتعدل حتى نفسيتج الله يشفيج

 

[بدوني تتضايقون]

أولا الحمد لله على سلامتج والحمد لله أن عندج طيرين بالجنه وربي يعوضج غيرهم وأن شاء اليهال بيون بيون لكن الصحه ماتتعوض فدائما قولي الحمد لله لانه امتحان من ربج والشيطان قاعد ينكد عليج هي الدنيا جذي يعني اللي ماتو ماصار لهم هالموقف صار لهم وكل زمن يمر فيه نفس المشاكل والهموم وبالآخرين يتوكلون يدتي الله يرحمها ماتو لها سبعة يهال اللي ببطنها واللي جافتهم أكثر واحد تم عندها سنه وزود لين نفسيتها تحطمت لكن بفضل الله وقراءة القران وصلاة الليل ربنا رزقها بأمي الله يطول بعمرها وخالتي و3 أولاد فإنشاء الله فتره وتعدي
يمكن انتي طلبتي حل كيف تونسين ريلج لكن أنا اللي اجوفه أن المفروض تونسين اول نفسج عقب اللي حواليج لان بتقدر ين تونسين ريلج لكن فتره وبتنهارين أنا اختي الحمد لله بالأربعين الحين وكانت نفسج وريلها نفس ريلج تقول معاه أوكي ومن يطلع اقعد أصيح على ضناي اللي مات ببطني لين صادها ضغط مرتفع وهي صغيره وحملت وتعبت من هالضغط وولدت وللحين مرتفع
فلا تصيريرن مثلها ربج موجود استانسي بالدنيا وغيري الدكتور أو الدكتوره لان اختي قالو لها ما فيها شئ واخرتها طلع تجلط بدم الأجنة والمفروض تأخذ كل يوم أبره


أما انتي فأول شئ يبي لج شوبنق استمتعي مع من تحبين ريلج أو صديقتج جنه شئ ماصار و ثاني يوم روحي الصالون ودلعي نفسج أما ريلج فوناسته إذا جاف نفسيته تحسنت ومثل ما قالو لج البنات ابتعدو عن المكان اللي أنتو فيه إذا قدرتو إذا ماتقدرون طلعو من الصبح ماتردون إلا بالليل روحو كل مكان المهم تغيرون جو وتعيشون حياتكم وخاصه الحين هلا فبراير
ولا تنسين صلاة الليل انتي وريلج جربناها كلنا وصارت لنا قصص من ورآها سبحانك يارب