ريلي ديوث:( استغفرالله ياربي شهالمصيبة

[حبـ admant ـك]

رد : ريلي ديوث استغفرالله ياربي شهالمصيبة

لا حول ولا قوه الا بالله
شهالرياال
الله يعينج على بلوتج

 

[روحي زوجي]

رد : ريلي ديوث استغفرالله ياربي شهالمصيبة

حبيبتي

انتي كم لج متزوجه؟

عندج منه بيبي ولا ماكو ؟

طبعا اذا قلتي لهلج اهو راح يقول تجذب بنتكم ومن هالحجي والكل راح يصدق ويحسون انج تتبلين عليه حتى اهله الكل راح يوقف ضدج!

وبالحاله هذي انتي راح تكونين غلطانه

طبعا تقولين بنفسج شسوي ؟

ماكو الا انج تسجلين كلامه بآله تسجيل الصوت وتسيفينها عندج نسخه وعطي الاله اهله خلي يشوفون سوادة وجه ولدهم واهم شي تكون عندج نسخه لان اذا كان زوجج صج نفس اللي قلتيه ديوث مفمالج الا هذا الحل علشان اهله او اخوانه يعقلونه ويصحونه من الهوس اللي اهو فيه

واهم شي تكون عندج نسخه من الصوت علشان تطلعين بريه منه ومن فعايله ولايتهمج زور وباطل

 

[مناوي الكويت]

حبيبتي يا انه بجربج هل تسوينه واذا سويتيها يعني مالج امان عنده يعني يبي يختبرج

او يبي يسويلج فضيحه علشان ما عنده عذر اذا ما يبيج

او انه مسحور من بنات ابليس

بس لازم تحطين حذرج من كل شئ

 

[حـور]

الله يعينج حبيبتي ديري بالج على روحج وحقرييه لما يقول جذيه أو اذا مو متحمله يحق لج الانفصال...

 

[rehamq8]

والله يا حلقوم ما ادري شقولج
انتي جم سنه صارلج معاه؟ وعندج عيال منه؟
شوفي حبيبتي هذا الكلام ما ينسكت عنه
بقولج قصة صديقتي وانتي كيفج
كانت متزوجه ولد عمها يموت عليها ويبيها وإهي ملكة جمال وإغراء مو طبيعي متحجبه بس حجاب بوطقه يعني مره تلبسه ومره تقطه والصلاة كانت مو محافظه عليها يعني مو ملتزمه وقوية الايمان وبعد الزواج بدت تلاحظ ان زوجها دايما لما يطلع معاها يقوللها لاتقولين للناس انج زوجتي قولي انج رفيجتي ومغربيه وعادي عنده شرب جدامها وأفلام وصخه يشوفها معاها وشقق حتى يوديها يؤجر شقه ليله عالبحر عشان يعيش جو خاص
يعني إهي كان ممكن تندمج معاه ولا احد يقدريقولها شي
بس سبحان الله صحت وحست إن الجو موطبيعي ولازم تتخذ قرار وتنفصل عنه وصار هواش بين العايلتين ونجره بس اهي صممت وتطلقت ومن ذاك الوقت وإيمانها زاد بربها وحجابها صار مضبوط وصارت ما تطوف فرض
إنتي ياعمري شوفي إلي يناسبج ولا تحاولين تتحملين فوق طاقتج
والله يستر عليج ويثبتج على طاعته
بس سبحان الله

 

[dantella]

حبيبتي ديربالج ... هذا شكله بشهد عليج احد..... هالانسان عليه بلاوي.... الظاهر يبي يمسك عليج شي ومولاقي فيحاول يسهلج امور ويعايرج فيها بعدين
الديوث مو هذي تصرفاته

 

[سوزانو]

رد : ريلي ديوث استغفرالله ياربي شهالمصيبة

احس الموضوع جذذذذذذذذذذذذذذذذذب والله اعلم

 

[شقرديـه عالطل]

استغفرالله
هذا شبعااااااااااااااان من لحم الخنزير اعوذ بالله
بس من رايي انج اتقولين لابوج او اخوج اللي نفس هالاشكال ماتضمنين روحج وياهم وموبعيده يسويلج مصيبه ويدخل عليج احد وانت بدار النوم
لاتسكتين

 

[q8 83]

لاحول ولا قوة الا بالله

دنيا تخوف

 

[*((كـارينـا))*]

استغفر الله


رفيجتي توها مطلقه من ريلها لانه طلق ديوث وعلماني بعد


حبيبتي ابعدي عنه إلي ما يخاف الله خافي منه


وربي يبدلج بزوج صالح يستر عليج ويصونج هذا ما منه امان

 

[ام الحلوين :)]

على قولة د.فوز
هالسالفة يبيلها رجال
الوضع كلش كلش موطبيعي
ترا الريال حتى يخربط بس ما يرضى على مرته كلش
لا حبيبتي خافي على نفسج وعلى عيالج
وكلمي ابوج يتفاهم معاه
والله يعينج
وعليج بالدعاء

 

[om-3wenat]

دخلي احد من اهلج بالموضوع
شي ما ينسكت عنه بصراحة !!

 

[غلاي امي وزوجي]

شلون قاعده معاه لما الحين؟؟؟

 

[حبي حبيبي]

رد : ريلي ديوث استغفرالله ياربي شهالمصيبة

ادعييله الله يهدييه

والله يعيينج

 

[mo0on-q8]

مادري شقول والله ..
الله يعينج بصراحه ..
بس انتي ادرى بريلج وتصرفاته ..

 

[miss_jamsheer]

والله اختي مادري شقولج بس الزوج فايدته يدلع مرته ويخاف عليها ويحميها يصير لها ظهر للايام بس ريلج مافيه ولا ميزه منهم شالفايده ريال بس اسم واهوه خرطي مافيه غاريه شلون تحسين بالامان معاه اهوه بيسندج مع الايام غسلي ايدج انا اقول افتكي منه باجر لايدخل عليج واحد والله حرام عليج روحي لاهلج وخل يشرشحونه ولاترديله بعد خلاااااااااص بيعيه باجر اتييبين بنت خوفج يتحرش فيها

 

[حلقوم]

رد: رد : ريلي ديوث استغفرالله ياربي شهالمصيبة

احس الموضوع جذذذذذذذذذذذذذذذذذب والله اعلم

اللي تقول جذي
الله يبلاها وتعرف شلون الموضوع جذب
حسبي الله ونعم الوكيل

انا متزوجة صار لي 3 سنوات وجم شهر وعندي ولد
ياربي خفت زيادة

 

[حلقوم]

لا حول ولا قوة الابالله

 

[الشرقية]

رد : ريلي ديوث استغفرالله ياربي شهالمصيبة

اذا انتي صاجة وانا متوقع انج صاجة

خلية وروحي بيت اهلج وعلميهم

 

[حلقوم]

بنات اللي تقولي انت صاجة ومو صاجة
الله يخليها لاترد
انا مو ناقصة واللي فيني مكفيني
تبي ادعي عليها
الله يبتليها ياااااارب بزوجها وتشوف اللي اشوفه وا كثر
وتيي تقولنا وانقول انتي جذابه
حسبي الله ونعم الوكيــــــــــــــــــــــــــــــــــــــــــل