ريلي ديوث:( استغفرالله ياربي شهالمصيبة

[حلقوم]

انا همي بالدنيا وليييييدي فديت عيونه خايفه علييه
اخاف اموت من اللي بيرعاه بعدي اخاف عليه منه
يارب افتح بوجهي

 

[om MaRyooM]

حلقوم




يابعد عمري قريت اخر رد لج .. عورتي قلبي ولا تقولين كل شي مسكر بويهي .. بالعكس ، ولاتنسين (انا عند ظن عبدي بي ، فليظن بي ماشاء)خلي عندج ثقة بالله .. وهذا اختبار لاتسقطين فيه وكوني قوية لايهزج شي ولاتنكسرين


وبمثل وضعج مالج الا ربج تلجئين له ... سوي استخارة مو عشان تطلقين او لا .. الاستخارة حتى لو كنتي متظايقة محتارة بامرج وتبين الله يفتحها عليج تسوينها

صدقيني لو مهما قلنا لج مارح نقدر نفيدج كثر ماتتوجهين لرب العباد لأن اهو اللي بيده كل شي
العيشة مع هالانسان مارح تييبلج غير الامراض النفسية والجسدية ..

اهتمي بصتحج ونفسيتج وديري بالج على ولدج .. حتى لو يعيش من غير ابوه احسن من انج تنصدمين بعدين بشي يخليج تطيحين من طولج

وشكثر سمعت وعرفت حريم يقولون عن رياييلهم يتحرشون بعيالهم

ديري بالج
والدنيا مارح توقف عليه ... اذا تحسين مامنه فايدة القرار بيدج
اما اذا العيشة معاه قادرة تتحملينها وتحبينه لازم تصبرين وتصيرين قوية

 

[حبيبة الغاليين]

رد : ريلي ديوث استغفرالله ياربي شهالمصيبة

شنو وين تروحين ؟!؟

تروحين بيت اهلج اللي ربوج و انتي صغيرة ما بيعجزون عنج و انتي كبيرة و عندج ولد

انتي صاحية ؟!؟!

شلون تقعدين معاه ؟!؟

المفروض من قال لج عادي كلمي ريايل و طلعي

تعطينه طراق و تذلفين بيت ابوج

جوفي يا انج مو صاحية نفسه او انج تقصين علينه

يعني شنو وين تروحين تظلين في قلل ولا ترجعين بيت ابوج

جفنه عوائل متحجرة بس البنت لا بغت تتطلق ما عليها من احد و بدون سبب

و انتي عندج سبب فظييييييييييييييييييع
و كل شوي داخلة ما اقدر و ما ادري شنو لو ما تقدرين تروحين بيت ابوج مو تقعدين على النت
ما تدرين من يدخل عليج بعد شوي

و رجاء لا تقولين بدعي و ما بدعي

انتي عرضتي مشكلة في منتدى

احنه يا القراء يا ان احنه نتفهم مشكلتج و نساعدج يا ان احنه ما نهتم لاي سبب

و البنات ما قصروا قالوا لج روحي بيت اهلج مالج غنات عنهم و انتي مو فايد فيج

و ما عندي كلام غير

 

[أميرة الحور]

ياحلقوم يا حبيبتي
أول شي سوي لج خطة علشان تثبتين عليه التهم وطبعا بعد اللجوء لله وسجلي عليه واستدرجيه لما تبين تسجلين بعدها قولي لأهلج
وقولي ذنبي عليكم لو صار فيني شي وانا قلت لكم من الحين علشان باجر ما تقولون ان عاجبني وساكته

الله يحفظج انتي وولدج منه واذا ربي كاتب له هداية الله يهديه واذا لا ربي يزيله من حياتكم بأهون شي

 

[ليالى الحنين]

لاتجلسين عنده لحضه هاذا موكفووو ولايستاهل بنات الناس

 

[Marymary]

الله يعينك أنا اقول قولي حق ابوج او أحوج واشتبين فيه صح ما يستحي أنا اعرف وحدة من أهلي تطلقت من ريلها يقولها اذا بيطلعون حطي هالحمرة احلى عليج ومرات يطلع معاها يروح كافيه وارفيجه ناطرهم يقعدون بنفس الطاوله وبعدين يعزم ارفيجه عالسينما وياهم صج مصخره*

 

[ليالي العاشقين]

استغفر الله العظيم من كل ذنب عظيم ...


وين عايشين احنا !!
عيبنا على الغرب وصرنا نفسهم

 

[آهات الليل]

رد : ريلي ديوث استغفرالله ياربي شهالمصيبة

خايفه على نفسج تطلقي شمقعدج عن هالديوث ياقلبي انصري دينج
سالفه ماتصدق مادري شلون صايره استغفر الله لصراحه
واي مادري من وين لاقيه زوجج وماخذج عايلته واطيه الصراحه الله يعينج عليه

 

[لوازم العائلة]

رد : ريلي ديوث استغفرالله ياربي شهالمصيبة

تطلقي منه

 

[شموخي غير.]

رد : رد: ريلي ديوث استغفرالله ياربي شهالمصيبة

لاحوله ولا قوة الا بالله

شي عجيب

 

[صغيرة على الحب]

لا تسكتين بلغي ابوج لان هالشي صعب انج تعدلينه فيه و صراحة غريب

الله يكون بعونج

 

[جذابه بنت ذيابه]

رد : ريلي ديوث استغفرالله ياربي شهالمصيبة

استغفر الله


روحي بيت اهلج معززه مكرمه ياقلبي

لين يتعدل ويسنع اسلوبه
اذا ما منه فايده كلمي اهلج بالموضوع لا تسكتين

 

[نذرت الحب]

حببيتي حلقوم

انتي بذكائج سوي خطط واشيااء حاولي تثبتين عليه التهمه عشاان انت بعد تتأكديين هذا من صجه ولا يثغشمر.

الرياال الطبيعي مثلا لو قلت او يبت طاري انك ممكن تكلميين غيره او اتخونيينه الطبيعي طرااااق بويهج ما يغشمروون بالهلسوالف هذا الطبيعي الي عنده حامية وغيره.

انت حااولي تثبتيين عليه التهمة وشوفي نيته الحقيقية شنوو وواذا صج كان ديوووث وشاااذ.
اذا ما تبين الفضايح واتقوللين لأهلج
لجئي لاستشارية نفسييه وقوقللها على افكار زوجج واشلون تصرفين معاه.
وخلي اللجوء لأهلج والطلاق آخر الحلول يعني اذا استنفذتي طرق العلاج مالج قعده مع هالرياال الي كلمة رياال خساره فيه.
والله يعينج على ما بلاج.

 

[هدولى]

هذا مريض نفسى الله يعينج .

 

[جنجن1980]

اللله يعينج وياجرج على هالمصيبه ديريالج على نفسج وولدج ولازم اتبلغين اهلح بالامر والله المستعان