ريلي قعد يلومني ويسبني!!

[انسانه بسيطه 20]

قوه بنات

انا واايد متضايقه امس ولدي كان قاعد بحضني وكنت حاطة يمي كوب حليب وياخذه ولدي ويييت باخذه منه وينكت ع اييده ويحترق ويقعد يبجي اهني شصار فينيي اخترعت ويقوم ريلي ويقعد يسبني ويقول الله لا يوقفج ويدعي علي وياخذه ويوديه المستشفا واروح معاه بالطريج قاعد يززفني الله لا يسامحج ع هالياهل المسكين حسبي الله عليج مراح اسامحج عاللي سويتيه ولدج ومااتشوفينه واااي بناات قعدت اببجي كلاامه ذبحني وقعدت الوم نفسي ولدي يبجي بسياره وريلي يدعي علي ويصارخ بالمستشفا جدام الناس فشلني ..االحيين كلش مايكلمني ولا ياه البيييت ولاشي !! بنات عفيه ساعدوني لاتلوموني تكفون بروحي كارهه نفسي .!!

 

[Model Look]

اللي صار لولدج قضاء وقدر وماله حق يلومج ولا يزفج

لو منج بعصب عليه واقوله ولدي مو معقوله باحرقه ولا بتخاف عليه اكثر متي واللي صار موبيدي

شكو يزف ويعصب قهرني والله

 

[ماتغير شي]

^^

معاها


وبعدين وين قاعدين يزفج بالمستشفى جدام الناس الله يعينج

 

[ام متلق]

حبيبتي انتي مالج ذنب بالي صار هذا مقدر ومكتوب الله كاتب جذي كانت ايده بتحترق حتي لو كان بحضن ابوه شالسالفه يزفج ويدعي عليج ليش ساكتتله استغفر الله واتوب اليه وبالنسبه للحرق لاتحاتين كلش بيروووح مايبقاله اثر حطيله كريم اسمه نيبو باليوم 3 مرات ولفيه بشاش اسبوعين وبيختفي

 

[زوجة عزيز]

صج اهو غلطان المفروض يكون كلامه بالبيت بس موجدام الناس بس عذريه من خوفه على الولد ترا اكثر الريايل جذي موبس ريلج ولازم تعذرينه حبيبتي

 

[وش الدنيا بدونك]

الحمدلله على سلامة ولدش

وردة فعله من الخرعه على ولده


لا تلومينة كان مايدري شيقول

وتلقينه اللحين ندمان انه طول صوته عليش


ما يسوى الزعل وتكدرين خاطرش اهم شي سلامة ولدش

 

[M!ss CoLoRz]

اكيد انتي ضميرج وااايد قاعد يأنبج والله يعينج

بس مهما يكون رياج المفروض يهدي اللعب

هالحوادث تصير حق كل اليهال وولدج لو تقعدين عينج بعينه 24 ساعة لازم يصير له شي لازم يطيح على راسه مرة ومرتين وعشر

لازم جروح واصابات بعد هاي الدنيا

وان شالله زوجج يهدأ ويوعى على نفسه

 

[حبيبي مالكني]

الي صار صار
وريلج من خوفه على ولده قال الي قاله
انتي مو قصدج تحرقين ولدج بس هاي حادث وصار
انتي لا تركزين على الموضوع وايد
وبل تعاتبين ريلج على الي قاله لج
حطي في بالج هاي وقت غضب واهو ما يقصد الكلام الي قاله
عقب ما تمر على سالفة فترة
وقت انتو مرتاحين
قوليله انه قال لج كلام المفروض ما يقوله
وان الي صار محرد حادث مو انتي السبب فيه
وقوليله اذا تبي تعاتبني عاتبني بالبيت وفي غرفة بروحنه
واهو راح يقتنع ان شاء الله

 

[زين ودلال]

امبيه شكوووو يزفج !!!! انتي اللي خذيتي الكوب وكتيتيه عليه !!!

بعد اليهال اسم الله عليهم اسرع منا بالحركه

لا تخلينه يتمادى ترى راح تتعبين باجر على كل كبيره وصغيره يحطها براسج

وهذا شي عادي يصير حق اغلب اليهال

وياماله من هالاشياء من غير شر

اليهال كلهم جذيه

لا سمح الله لو صار شي اجيد شبيسويلج !!!

قوليله انا امه تعرف يعني شنو ام!!!!!!!!!!!!

قهرني بصراحه

 

[رجفة وهم]

استغفر الله من هالرجال

أنتي مالك ذنب أبداً باللي صار هذا قضاء وقدر الله كاتبله هالشيء

لاتلومين نفسك

 

[M!SS.LOBY]

الله يهداه ريلج
شكو أنتي بالموضووع اسمحيلي ريلج ضاربه فيوزاته

 

[نبض قلبي M]

لا والله مو غلطان انتي الغلطانه ولاتزعلين من كلامي

المفروض ما تحطين كوب الحار قريب عند الولد لانه جاهل ما يدري اكيد بيلعب فيه

انتي اللي فاهمه شايله الولد والكوب يمج؟؟

انتي الغلطانه المفروض تبعدين الكوب عنج دام الولد بحضج؟؟؟
صح

وين عقلج



والله مالوم زوجج يوم عصب الاطفال ماينحط عندهم شي خطر لانهم مايعرفون

حرام عليج هذا طفل انتي مسؤله عنه حافضي عليه

وانتبهي من كل شي عليه

 

[مدمنه قهوه]

الله يوفقج

لا يطول الزعل بينكم
يتعود زوزجج ومنها بيدخل الشيطان اكثر واكثر ويصير فتور

معليه احمدي ربج زووجج خابف ع ولده ويحبه بعضهم ماهمه عادي بيقول لزوجته حطي عليه ثلج و كريم وخلاص


اكثري الاستغفار وحمالله ع سلامتكم واخر الاحزان والمصايب يارب

 

[متواضعة]

الحمدالله على سلامت ولدج


صار لي من قبل هالمووقف وكان اسلوب ريلي مثل اسلوب ريلج

الله يسامحهم ويهديهم يارب

 

[منيرة خالد]

لا تتضايقين معروف ان ٩٠٪ من حوادث الاطفال تكون بالبيت واللي صار قضاء وقدر


والنسبه لزوجج هذا متربي على الهواش والصراخ الله يعينج طوفي طوفي ولا تزعلين عليه واذا رد ان شاء الله لاتفتحين معاه موضوع صراخه وهواشه لج



وتوقعي لو ولدج يطيح بروحه وبيرد زوجج ويقول كله منج هالشي توقعيه منه


تبقى الام اهيا اللي قاعده على العرش بقلب الطفل حافظي على هالعرش واحرصي عليه وعطي طفلج الحب والحنان وعلشانه انسي كل كلمه قالها ابوه

 

[شادن33]

حبيبتي الواحد بالصدمااات بعضهم مايعرف يتصرف يصارخ ويسب من الخووووف
أنا اعيالي جذي اذا انبط راسهم ولا شفت الدم اتخسبق واقعد اهاوشهم ليش وليش من الخرعه !!!!

حاولي اتبينيله ان خوفج على ولدج اكثر منه اعتني بولدج بهدوووء واهو راح يحس بتأنيب الضمير

 

[موريا آدم]

معلش اعذريه فساعة غضبه
وان شاءالله يومين وبيعدوا وبيزول الغضب وبيعود لطبيعته

 

[popa]

غلط اكل ام طبيعيه تخاف الياهل يقرب من الجاي والاشياء الحاره
وانتي تشربين واهوا بحظنج صدمتي حياتي

 

[طاالبه]

أختى العزيزه أنسانه​

لا تلومين نفسك أبدا لان هذا الامر من قضاء الله وقدره​

فيجب على زوجك ان يكون اكثر تعقلا ويعي هذا الامر​

وليحمد الله ...الدنيا كلها أبتلائات ومصائب ​

فهنالك من يفقد أسره كامله فى حادث سياره ومع ذلك​

يقول الانسان المؤمن والصابر ( إن لله وإن إليه راجعون )​

جزاك الله خير أختى على صبرج​

 

[قَلبڪْ صًخرْ]

شكله يدور الزله

والي صار قضاء وقدر
عطيه طاف بس
شدعوه عليه
مرت ابو مو ام