ريلي مو مهتم فينى. مايخاف من الله.

[ممنوع التجول]

السلام عليكم.

بنات حابه اقولكم. عن مشكلتى. وياليت تريحونى وتواسونى شوى

أنا. صارلي. اربع. سنوات. متزوجه. وساكنه بشقه. فبيت اهل ريلي. واطلع وانزل من باب خارجى. من ورا يعنى ما امر عليهم.

المهم أنا. وريلي الحمدلله كنا. مستانسين ومابينا شيء يانى قبل الدوامات. بجم يوم وقالي. ابوى. بيسافر مع. اخوى. للعلاج. وانا راح اتكفل باخوانى اوديهم وجيبهم للعلم اخوانه وخواته أصغر واحد قيهم عمره 17
قتله مو مشكله بالعكس. أنا اقولك ودهم. وهذا وانا حامل وماقدر ااسوق وروح دوامى تخيلوا بنات أنا باول التاسع يعنى باى وقت اولد. المهم. وضلت. الدوام. وادق عليه مايرد ويمكن حرقت التلفون من كثر المكالمات. وكله محوله. المهم وصلت البيت واسمع صوته عند اهله ادق ماكو فايبده قلت خل ادز مسج. دزيتله قتله أنا بالبيت. وينك ماترد. دزلى مسج زين سوى وجى. قعد ساعتين يالله جاه. لاقال زوجتى تعبانه اشوفها اتضل اشوف. اشفيها. وهدا كلش اهم شيء ا نفسه قلت يمكن عندهم مسكله بش مو لدرجه انه مايشال عن زوجته. المهم تهاوشت معاه وقتله مانى راده وبروح بيت اهلي. جان. يقولى ان طلعتى ماردج المهم رحت بيتنا وقعدت شوى. وقلت. خل اهدى و اروح البيت امى قالت لى اذا تعبانه لا تروحين ودقت عليه. جان تقوله خلها عندنا وتعال ودها باجر الطبيب قالها لا أنا ماوعدج أنا مشغول حدى. ولي اليوم مادق علي صارلي فبيت اهلي اكثر من 3 أسابيع

 

[رفيف الخير]

شوفي حبيبتي انا مو شايفه مشكلة من الاساس واهتم بااهله وهم يمرون بظروف صعبه ترى مو فضل بالعكس واجب عليه وهالزوج الي انت تزوجتيه مو فقع طلع بالبر لا ياقلبي هذا ادمي شوفي شكثر انت تعبانه لانك حامل امه نفس الشي تعبت وولدت وربت ولازم تلاقي ولدها يمها وانت بعد المفروض بها لظروف تمرين عليهم وتواسينهم وتحسسينهم انك منهم وفيهم بدل لاتحرقين تلفونه وتعصبين وتختلقين مشاكل انا مو ضدك لا والله بس اكلمك بكل صراحة والي سويته غلط اتصلي لزوجك وكلميه عادي وعاتبيه بدلال واخذي مابخاطره وقولي له ان الي صار بسبب تعب الحمل وتخربط الهرمونات وان اهله نفس اهلك وانه يكبر بعينك اذا قام بواجبهم لان الي مافيه خير باهله صدقيني مافيه خير لاي احد والله يهديكم لبعض ويسهل ولادتك وتولدين ولد يكون بار بوالديه مثل ابوه

 

[Omhamood]

الله يهدي الامور بينكم
بس ماكان المفروض تعاندينه وطلعين من بيتكم
اشوف هالتصرف غلط وموحلو اسلوب التهديد ياقلبي
جان خذتيه بسياسه وشغله حلوه انه مهتم بهله فديتج
موشي يزعل عالعموم احنا الحريم باخر ايام الحمل
يحوشنا خوف وتوتر موطبيعيً من جذي تصرفاتنا
تصير غريبه شوي

 

[امـ خــزامـى]

ردة فعلللللك كانت مبالغه

عشان االحمل والنفسيه


انا اقول انت اللي كبرتي السالفه انتي صغريها


والله يهون عليك ويسرلك الخيير

 

[اميره1980]

الله يهداج انتي تدرين ان مشغول مع اهله و خصوصا بالبدايات و تلاقينه مو متعود ان كل شي يصير فوق راسه و كان تحت ضغط اكيد و المفروض توقفين وياه مو ضده
بنفس الوقت عاذرتج لانج بالشهر الاخير و اكيد تعبانة بعد
ردي بيتج باسرع وقت ممكن و كلميه و قوليله انا كانت نفسيتي تعبانة و رحت بيت اهلي مو زعلانة بس علشان ارتاح و اهدا شوي
الله يصلح ما بينكم آمين

 

[كلارا]

ماادري احسك بالغتي الرجال لاسبك ولاضربك ولاطردك
واهله عندهم حاله مرضيه الله يصبرهم وبحاجة ولدهم
قولي الحمد لله ولاتخسرينه .
اتمنى لاتزعلي من ردي ومعليش تحملي لانها بيشوفها شي كبير بعينه وبتزيد غلاتك عنده .

 

[ممنوع التجول]

بس هم أنا لي حق أنا حامل مادري شيضير فينى باى وقت اولد مادرا عنى. حتى موعدى ماودنى ولاعطانى اروح

 

[اتقي الله لتنجي]

اعتذري لزوجك بمسج ورجعي لبيتك وادعي ان الله سبحانه يسخره واكثري استغفار وصلاه على الحبيب وتخلصي من كل معصيه كنمص او اغاني وربي ينولك الخير
ومن يتق الله يجعل له مخرجا
وتاجرين لما تعتذرين لزوجك اختي لا تتاخري

 

[ساره أمها كويتيه]

البنات ماقصروا بالردود ومعاهم حق
الله يسهل عليج ولادتج ويقومج بالسلامه
هذا المهم
أختج/ سااااااااااره.

 

[a7la_7b]

الله يصلح مابينكم

 

[حبيبي مالكني]

انتي كبرتي المشكله بطلعتج من البيت
ماله داعي تطلعين من بيتج
ريلج عنده ظروف وشاغلته عنج
انتي معاج حق انه مو عدله يحقرج
بس هالموضوع بتفاهم ينحل مو تطلعين من البيت
ردي بيتج
ولا تكبرين السوالف
والله يقومج بسلامة

 

[الشهد كله]

بصراحة كبرتي السالفة من غير معنى

وايد بالغتي فيها !!!!!!!!!

انتي قلتي بقعد شوي في بيت أهلي وأهدي وأروح

الشوي صارت 3 أسابيع

يعني قعدتي برضاج وزعلتي بروحج

أهو معطيج مقدمة بسفر أبوه راح ينشغل عنج مو من طيبه

ودوامج إذا فيج حيل داومي ومافيج حيل الله يعافي الطبيات

انتي بالشهر التاسع يحق لج تطلعين طبيات أسبوعية

دكتورج يوقع لج هالطبيات

ولا تحملين ريلج مسؤلية تعب الحمل

هذي سنة الحياة واحنا اللي نتحملها مو رياييلنا

عموماً آنا أقول دقي له ياخذج البيت أو ردي بيتج ومكانج أحسن لج

لا تكبر السالفة عشان دقيت لك وما رديت علي ولا حقرتني ولا سوالف يهال

تعوذي من ابليس وردي وكأن شيئاً لم يكن

وكلها أيام وانتي والدة بالسلامة وبتروحين بيت أمج ترتاحين

واللي يسألج قولي له كنت تعبانة ومحتاجة راحة جم يوم

الله يعينج​

 

[طير يحب سجانه]

البنات ماقصرو
وانتي كبرتي السالفه زياده عن الزوم
والي مافيه خير الى الاهله مافي خير بناس
والمفروض انتي توقفين معاهم الحين

 

[منال $]

انتي كبرتي الموضوع من ولا شي
صحيح انك تعبانة وحامل الله يقومك بالسرمة
بس ابوةواخوة مسافرين للعلاج يعني في حالة طارئة عندهم
المفروض بس سمعتي صوتة عند اهلة مريتي عليهم وسالتي عن الي مسافرين
وكمان رحتي بيت اهلك وقالك لو رحتي ماراح اردك

مافي حلالا انك ترجعي بيتك بنفسك

 

[ناتشوو]

تعوذي من ابليس
ودقي اعزميه
انت تشوفينه مو حاس بتعبج بالحمل
وهو يشوف انج ماقدرتي ظروفه وانشغاله
بدل لا تواسينه وتكونين معاه
انا اشوف لا تواصلين وتنطرين ولادتج
وتطول فترة الغياب
ردي
وفعلا هو ماغلط بشي
اشلون صار مايخاف الله
وفعلا اذا تعبانة اخذي طبيات
الله يهون عليج ويشافي ابوه

 

[tunaQ8]

أقول الحمدالله على نعمة العقل .........
تقولين في بداية كلامج صارلج اربع سنين متزوجه ومستانسه مع ريلج. بعدين بقدرة قادر صار ريلج مايهتم فيج لا وبعد مايخاف من الله !!!!!! كل هذا علشان وقف مع أهله . وخير ياطير واذا انتي حامل منتي اول ولا اخر حرمه تحمل .
أقول... اركدي وحطي عقلج براسك لا تكبرينه براس ريلج لأن اذا ختار بين اهله وبينج صدقيني ماراح يكون من صالحج.
ردي بيتج وزوري اهله علشان تكبرين بعينه.

 

[al-musk]

هو مفروض مو حاقرج _ طيب لنفرض صار فيج شي .. بس المفروض انتي هم مو طالعه وذاذ بتزعلين اتمين فبيتج

 

[أأأميرة الورد]

حبيبتي انتي غلطانه طلعتي من البيت وقلتي برجع بعد شووي

بعدها امج دقت عليه وتقول خلها عندنا تعبانه


واهو قالج لاتطلعين من البيت


يعني السالفه عناااد بنظر زوجج لاتكبرين السالفه

ورجعي لبيتج وزوجج

عاادي الحياة الزوجيه بتمرين بمراحل الملل والروتين


مو على طووول حب وشووق ولهفه وتلفونات واتصالات



انتي متضايقه من الحمل والثقل


الله يسهل عليج

 

[أأأميرة الورد]

وانتي حبيبتي من نفسج تقولين انكم مستانسين

ماشالله عليكم


الحين بس موقف واحد وقف يم اهله وتحمل مسؤليتهم زعلتي وتضايقتي وانتي في بيت اهلج


ريلج الحين يقول لاتقدرني ولا تقدر اهلي وظروفهم

يعني من موقف واحد ماوقفتي معاه

دقي عليه واعتذري

 

[# غنوجة بيبي #]

من رايي ترجعين له

مهما يكون بيظل الغالي بعيونج

و لا تدمرين مستقبلج