ريلي ولبلاك بيري تكفون ابي رايكم

[من عرب نجد]

اول شي اقول لكم جمعه مباركه ثاني شي انا مشتركه في منتدايات واجد بس اخترت هذا المنتدي لانه قريب مني واجد مادري ليش اقتنع في كلامكم ع العموم حبايبي انا من فتره اشترا لي زوجي بلاك بيري وله ايضا بعدفتره اكتشفت ان زوجي ضايف بنات ويسولف معهم وبعدين طلبت منه يبع جهازي وجهازه فورا وباعهم وتاسف لي والحين انا ابي بلاك بيري طلبت من زوجي يشتريلي قال مراح اشتري الاتسمحين لي اشتري لي ولج شاسويفديتكم اخليه يشتري لي وله ولا لا تكفون شاسوي انا خايفه زوجي ياخذبلاك بيري ويرجع يضيف بنات ابي نصيحه منكم تحياتي وتقدري لكم في الانتظااااااااركم

 

[! بــدويه وآآيــد !]

،

انا اقول افتكي من البلاك بيري واحمدي ربج باعه عشانج فيه غيره غصبن عن مرته انا زوجي عنده اي فون وبلاك بيري وممنوع علي صار لي سنه بس توه توه ماصار لي شهر خلاني اشتري
لو زوجي يقول ابيع اي فوني وبلاك بيريي وتخلين الخدمه وربي لاكسره بالطوفه هههههههه

انا اقول وانا اختج دامه تاب وشرى خاطرج لاتفتحين على نفسج باب مسكر ترى اذا اليوم باعه وتسامح باجر بيقول خلاص سكتي ويحط له قفل وتعالي عاد فكري شلون تجيكين من وراه بتعيشين بشك وحيره وغيره ونار
خلج مرتاحه ماعندج ولا عنده وريحي عمرج ترى انتي الربحااانه

الله يسخره لج

 

[بآتونيآ]

انا من رايي فكي عمرك ولاتشترين دام الحمدلله ربي هدآهـ
ربي يوفقك يارب ويسخرهـ لك

 

[زوجة عزيز]

انا مع بدويه وايد لا تشترين اريح لج

 

[FeShinGoOo]

يعني الحين ريلج اذا يبي يكلم بس بينطر البلاك بيري ؟؟

ولا مايقدر يشتري واحد ويبطله من وراج ؟؟

وكافي النت كل الخراب فيه اللي يبي الخرابيط بيحصلها بكل مكان

 

[من عرب نجد]

مشكورين ماخيبتو ظني فيكم توني الحين دزيت له مسج قلت له هووووووووووونت من البلاك بيري يعطيكم العافيه ع راسي كلكم

 

[مجنونة هع]

خخخخخخ ليش بلك بيري اشتري ايفون امممم تدرين دام فيه مشاكل منه لا تشترونه خلكم جي عندج لابتوب سولفي فيه

 

[من عرب نجد]

بس اختي ذكرتيني صراحه زوجي مكان يطلع وايد ف الدوام والبيت صح انه يقعد ع النت وليد بس تحت عيني كله ع اللعاب ومواقع السيارت وانا متاكده بس ها الايام كثرت طلعته كله يقول ف القهوه الله يستر بس ف الوقت الحالي انشالله اني متاكده انه ماعنه بلاك بيري يعني من الساعه 9 موجود ف البيت وديما كلمونه ربعه يسالونه عندك بلاك بيري يقول لا ع العموم يعطيكم العااافيه

 

[من عرب نجد]

اختي مجنونه مرحبا فيج شرفتي عندي ايفون ولابتوب بس مادري خاطري ف البلاك بيري

 

[مياسه الحساسه]

والله ياحبيبتي زوجك مايمنع يكون عنده بلاك بيري
بس انه يضيف بنات خيييييييير ؟
قوليله ترضى انا اقبل اي اضافه ؟ اكيد جوابه لاا
اجل يحترم نفسه ومايضيف بنااات ...
حتى لو هو نيته سليمه وضافهم مايسولف معاهم بس برودكاست ... ماينفع
الشيطان الشاطر
وانتي عارفه بنات هالوقت الغالبيه لا حيا ولا مستحى الا من رحم ربي
موفقه

 

[من عرب نجد]

بلعون انج تقولين الصدق والله كلامج عين الصواب مشكوره ع التفاعل معي

 

[من عرب نجد]

عن جد محتاره

 

[ليان]

نصيحتي لج لا تزنين فوق راسه

مو لازم بلاك بيري

حافظي على زوجج أبرك لج​

 

[من عرب نجد]

تسلمين ليان ع المرور

 

[مناير ...!]

اذا بتاخذين لج خليه ياخذ
ماتبينه ياخذ لاتاخذين

 

[ياغروري]

من راي بدويه

 

[سموة حضرتي]

انا اقلك هدي راسك وش الفايده طلعت جوالات ثانيه وتهبل سامسونج وn 8 وشغلات حلوة

وزوجك دامه باعه عشانك وبعتي حقك وتنازلتي عن حق من حقوقك وتبين ترجعين لنفس المطب لا انصحك بيتك وزوجك افضل من جوالك وجواله ودام ربي هداه فقولي الحمدالله وارضي باللي يجي انشاء الله ابو كشاف

 

[اسطوووره]

الله يقطع البلاك بيري ويقطع يومه شوفي حبيبتي انا عندي بلاك بيري بس والله ثم والله لو زوجي يجي اليوم ويقول ابيع الاثنين لاعطيه هوه ولا ماسوف عليه قسم بالله ما جابلنا غير البلاوي وبعدين مو المشكله يكلمون بنات البنات بعد يحطون صور فظيعه حسبي الله عليهم كننا ناقصين صدقيني انا زوجي ما يسولف بس يحب يقرا برودكاستات وقت النوم تخيلي كل يوم بس ندخل الغرفه يمسك البلاك بيري كثل الرضاعه عند البزوره وينام وهو يقرا نصيحتي لا تجيبينه ولو تقدرين بيعيه اللاب توب والسياره وشماغه بعد بس بلاك بيري لا لالالا <الموضوع عالجرح هههههه

 

[Gifts&Occaions]

يمكن شاري واحد وخاشه من وراج الريال اذا بيسوي شي بييسويه

 

[لولو كـاتي]

شوفي حبيبتي حطي ببالج شغله اذا الواحد وراه شر بيسويه

سواء بلاك بيري ولا ايفون والا اي جهاز ثاني ترا اغلب الاجهزه الحين تعتمد كثير على برامج المحادثه

وهالبرامج اشكال والوان الله يكافينا شررها

بس انتي دااااااااااااايما في كل صلاه قولي اللهم اني استودعك نفسي وزوجي وذريتي وامي وابوي وخواتي واخواني واستودعك ياربي قلبي وقلبهم سمعي وسمعهم بصري وبصرهم جوارحي وجوارحهم وفرجي وفروجهم

وفوضي مرك لرب العالمين وانتي واثقه بالله

والله خير حافظ


وتركي عنك هالبنات الله يهداهم اللي يقولون مطلع من وراج ماوراهم الا الفتن وزياده الشك والوسوسه