ريلي و النووووم

[رقة أحساس]

مساكم / صباحكم ورد

بنات بغيت أستشيركم بشغلة متعبتني نفسياً واااايد

أنا ريلي اسم الله عليه وايد يبذل مجهود في دوامه يشتغل لساعات طويلة وما يحب يعطل مواضيع أبد
و فوق هذا عنده أعمال حرة ثانية

أوقات يطلع من الصبح و ما يرد البيت الا المسا و انا أقعد أنطره و البنات بعد

أحيانا ينامون قبل ما يرجع ,,, مو هني المشكلة

الحين المشكله أنه في أيام الاجازة ينام نوم متواصل لأكثر م 24 ساعة ... تخيلوا

مهما أصحي فيه ما يرضى يصحى حاولت كثير معاه

المشكله اني خلاص أتعب و أتضايق ما أحب أنه يتعود على هالشي

و اجي أصحيه و أقوله كلام حلو و أبد ما في فايده تعدي الاجازة و هو ولا عطانا جزء بسيط من وقته

ناقشته كم مرة في الموضوع يقولي انا أسوي كل هذا و اتعب عشانكم

بس أنا ما أبي منه غير يشاركنا العطلة مو مشكلة أنه ينام بس يقوم يأكل و يسولف و يطلع و يانا و بعدين ياخذ راحته ف النوم بس مو ليوم كامل و أكثر بعد

والله تعبانه منه هالشي وااايد أصيح و أبكي و أحاول ما أحسس بناتي بهالشي

بس عصباً عني

مع العلم هو طيب كثير و حنون بس من طلعت معانا هالسالفة و احنا بين فترة و الثانية

نزعل من بعض :eh_s(2)::eh_s(2):

بنات شوروا علي الله يخليكم و يخلي لكم أزواجكم و عيالكم ... أمين:eh_s(2):

 

[رقة أحساس]

أش دعوة يا كويتيات عاد لما فتحت لكم قلبي ماكو احد يرد

أنا وضعي يزداد سوء فديتكم دلوني

الله يهديه الحين أخذ كم يوم أجازة وو هم مواصل النوم

و لما يصحى يقولي برد أنام لان معدتي تألمني

والله ضايج صدري حيل

 

[ثنايا الورد]

نامي معاه امزح وياج بس ابيج تبتسمين ^^ شوفي اتكلمي معاه بهدوء احتمال عنده مشكلة بشغله ويهرب بالنوم
اقصد ممكن تكون المشكلة نفسية هروب من شي معين او الاحتمال الثاني عنده خمول واوجاع بجسمه من كثر ضغط العمل
تبين رايي جربي تعرضين عليه يسوي حجامه احجزي له فالعياده خليه يسوي حجامه وراح تروح اآالام جسمه وهم راح يروح الخمول والركود اللي يجيب له النوم لساعات طويلة صدقيني راح يصحصح جسمه ويحس بالخفه مجرب شي ثالث نوعية اكلكم
خليه طبخ بيت وصحي لانه الجنك فود والمواد الحافظه تسبب كسل فخلايا الدماغ وتحفز على الخمول وبالتالي كثرة النوم
يعني جم خطوة حاولي تسوينها كتغيير وان شاء الله نسمع اخبار حلوة ومانبي دموع حبيبتي​

 

[noorrrrrr]

حبيبتي اني حاسه فيج الله يكون بعونج والله يهديه يارب ادعيلج من كل قلبي

زين انتي كم صالج مزوجة وهل هل الشغله جديدة لو من اول ماتزوجتو ؟

بصراحة اني ماعندي غير ادعيلج وان شاء الله الي تعرف تفيدج

 

[رقة أحساس]

مشكورين خواتي ع تجاوبكم معاي

ثنايا الود و نوررر
احنا أساساً نادرا لما نأكل برا البيت

ع طول نطبخ صحي خاصة لان بناتي صغار و هو من النوع اللي ما يحب أكل المطاعم

و بالنسبة للحجامة فهو جرب بس من تقريباً أربع سنوات

انشالله بخليه يروح الحين يجرب لكن من تزوجنا الحين صار لنا سبع سنين

و الحمدلله عايشين مرتاحين و هو دوم يقولي انا مبسوط معاي الحمدلله

بس هالسنة ظهرت هالمشكلة الله يكفينا شر الشيطان .........

بس ترى صعبة اني أظل مبتسمه و اهو كذي هاملنا أحاول بس والله غصب عني

حتى الدموع ما اخليها تنزل جدامه ابد....

 

[سموى88]

حياتي مشاء الله سبع سنين و ما عرفتي حق ريلج؟؟؟؟ شاركيه كل شي يسويه خلال رجعته من الدوام و كل نشاطاتج خليها في البيت لانه تعبان وماله خلق يطلع كلش فسويله حمام بخار مرة مرة مساج مرة جاي اعشاب او عصير زينيه وعطيه اول ما يدخل صدقيني راح تتغير نفسيته بس تعال و خلنا نطلع و هو تعبان اكيد ماراح يقوم بالعكس حبيبتي حببي حقه البيت و رجعه حق البيت عشان يحس بالفرق ويشتاق انه يرجع بيته تلقينه مع الوقت من نفسه باجل شغله ولا ياخذ اجازة بس عشان يقعد معاج و حبيبتي لا تقعدينه بالكلام فهمتيني خليج بكامل زينتج و عطوراتج و عقب ما ينام 8 ساعات متواصله روحي قعديه بدلع و شقاوة الزوجه راح يقوم و يتفاعل معاج بس شوية ابهارات حبيبتي

 

[رقة أحساس]

عزيزتي سموى اكيد انا عارفة حق ريلي

و كل اللي قلتيه أنا أسويه و زود بس هالوضع يديد علينا كنا بخير و سلام

فاهمه علي ,,,

 

[اميره بعيونه88]

اب اب
ان شاءالله البنات يساعدونج

 

[om3wd]

بقولج شغله اذا متزوجه 7 سنوات وهالعاده جديده شوفي شنو الشي اللي تعود عليه خلال سبع سنوات واهو نايم وفقده يبيج تحسين وتردين مثل ماكنتي
انا تقريبا متزوجه صارلي سنه زوجي متعود حتى لو متهاوشين وزعلانين ودم على قولتهم لركب اسبح ايده وانا عليها واعطيه ظهري وازعل بس مو بفراشي من حملت والوحام وبلاوي الحمل كرهته حتى ريحته صاير يقعد بالفراش وايد ويدعي النوم على شان ياخذ شي تعود عليه ولما بس ارتف الحمل رديت مثل قبل
انتي شوفي شنو شي اللي معوده ريلج عليه وفقده ويبيه تراهم مثل البيبيات
واذا لا بقولج جم شغله سويها نايم نامي معاه تحرشي فيه قعديه بغريزته وانتي تعرفين شلون
بقولج شغله ينام بيتج ان شاء الله العمر كله ولا يطلع ولا تعرفين شنو يسوي صح ولا لا وبنات الحرام واجد يمكن تكون نعمه من ربج هالنوم يبعده عن شي او يقربه لج
اهو ينام وانتي شغلي رادار الانوثه سوي له كل شي شي لاتكلمينه بموضوع النوم بعدين يقول انتي تكرهين لي الراحه انتي سحبيه بدون ماتحسسينه انج متضايقه والحمدالله وانا اختج انه جدام عينج

 

[ام الاسيرالشهيد]

اعانكِ الله ابنتي الفاضله
واصلح حالكم ان شاء الله

 

[حجيه هيونه]

عندنا وعندج خير

كان ودي افيدج بس تقريبا نفس المعاناه

 

[sosowaty]

انا احس المسكين من قلة النون ف يستغل الاجازه كلها نوم عشان يعوض ما عليه حبيبتي هذا زوجج حبيبج خليه يرتاح اذا بتزعجينه بيكرة البيت و مراح ينام فيه والله.يوفقكم

 

[tbola]

ماعليه حبيبتي ان شاء الله راح تنحل المشكله اهو يشتغل اكيد حقكم واهم شي انه طيب معاج وحنون

 

[كنوشة 2009]

احتمال تكون المشكلة مرضية مو بس نوم عادي
خلي يسوي تحليل الغدة ويشوف الهرمونات

 

[دآنة آلرشآيده]

الله يعينج والله يهديهـ لج يآرب ​

 

[اللؤلؤ المتناثر]

الله يسخره لج
موفقه

​

 

[اخت خالتهم]

انـا كنت جذي قبل الزواج ههههههه لا تلومينه
والله كنت اسهر واروح دوامي الجامعه مواصلة ارد ما انام لييي اذان الفجر اصلي وانام س3 ساعات بس وارد اقوم
ألبس واروح الجامعه
وهذي حالتي طول الاسبوع
وفي العطله تلقيني نايمه طووووووووول الوقت ما اقعد الا 4 ساعات باليوم حق اكل و حمام و سبوح

في ناس جذي طبيعتهم
بس عقب الزواج تغيرت طبعا صرت ما اعرف النوم نفسيا
اهو يمكن مرتاااح في البيت فـ نفسيا يبي ينام
خلييييه مارده بيشتاق

 

[أم توتو]

الله يعينج اختي هذا مرض 24 ساعه نايم والصلوات شلون يجمعها لا تسكتين حاولي انج تتقربين منه بطريقتج الخاصه وذكريه باوقات الصلوات وخليه يكثر من المنبهات مثل الشاي القهوة لاتخلينه انتي ماجربتي تصحينه من النوم شيبي يسوي بيعصب مثلا انصحيه قوليله ان هذا مرض روح اكشف على الغده وفكره الحجامه كويسه خليه يسويها الله يهديه ويسخره

 

[سفيره الكويت]

وايد رياييل ينامون ساعات طويله خليه ينام بس قولي له يمارس الرياضه عشان يوخر هالخمول والكسل اما اذا كنتي تبينه حاولي قبل

ماينام

 

[Moim]

حبيبتي النوم اللي فيه شي مو طبيعي لان حتى لو كان الانسان تعبان يزيد معدل نومه بس مو لي هالدرجه
بسوفي يكن فيه نقص حديد ام فقر دم فقوليله يراجع الطبيب
او يكون عنده مشكله نفسيه وترا اللي ينام وايد مرات يكون هروب من مشكله فحاولي تعرفين والله يعينج ويوفقج