ريل اختي جعله يموت وتفتك اختي واحنا من شره جانه بلوئ وابتلينا فيه

[nice lolo]

السلام عليكم

اخواتي فيني حررررره بموت من الحره
حسبي الله عليك ياريل اختي جعله للموت
انا حاليا في لبنان رايحين سياحه المهم عندي 4 خوات متزوجات
والخامسه كانت متزوجه واطلقت

حبينا نوسع خلقها لانها تعبانه نفسيا

المهم زوج اختي سافر معانا وواختي كاننت ماتبي
يسافر معانا لانه طبعه وايد شين ووقح ووسخ وكل خصله
موو زينه فيه واختي متحملته عشان اولادهـا
والحين اهو معانا في لبنان وحضرته مايبي الهوتيل هاذا
يطلعنا ونروح هوتيل ثاني ويمشينا على كيفه وعلئ رائيه
والوالد يطيعه لانه مايبي يتمشكل معه عشان مايطلق اختي ويضحكون الناس علينا ويقولو 2 تطلقو

وررربي ميته قهر المطع م هاذا مايبيه والوالد يطيعه ويسكت و يرفض نروح للمطعم هاذا
واليوم بنروح لسوليدير ورفض والوالد سمع حجيه ورفض نروح

والله ببجي حسبي الله عليه
احنا رايحين نفرج اختي رالي تطلقت وطلع لنا هاذا الحيوان
اختي ماستانست وكله تبجي لانهم كله حاشرينا يالاوتيل
ووالقهر ابوي واخواني 2 يسمعون حجيه
شنوووو اسوي الحين بنكمل اسبوعين واهو يسوي جذيه
انا ودي اصكه بالجوتي لانه حيوان ووسخ بس اختي ابتلت فيه
لدرجه يقولها راح اطلقج مثل اختج واخليكم مسخره عند الناس وايقول راح اتفق انا وعديلي كلهم نطلق خواتج

اهو موو صاحي وبصراحه يشرب خمر ويتعاطا مخدرات
وبصراحه اختي ابتلشت فيه معاها 2بنات و 3 اولاد

ارجوكم شنو اسوي اختي كله تبجي ولا انبسطت

 

[ذهب ابيض]

الله يعينكم ياااااااااارب

صج بلوى

 

[Tom ♥ Jerry]

.


نعآآآمـ الشرههه عليكم الصرآحه الي مطآوعينه !
شكو الناس يقولون 2 مطلقين وخير يا طير !
و فوق هاذا سكير و يشرب خمر و رآعي خرآبيط !
يبه خل ترفسه ستين ريال غيره !


شلون اصلا اهيه رآضيه تربي عيالها مع هالوصخ !؟

 

[قصه طويله]

توقيعج مومناسب لشكواج

حبوبه واضح انج مراهقه صغيره وهذا يبي يسنعكم يمكن ؟؟؟

 

[*ريما*]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

الله يهدية

 

[أم حوور]

صج خبل


شكوا حاشر نفسه بسوالفكم


انتواا رايحين تغيرون جو مو تعكنون الجو ..


انا منج اروح فوق اعلى جبل ويكون هو معاكم واحذفه ولا جني ادري



حسبي الله عليه من ريااال ..


الظاهر هذه السفره بتطلع من عيونكم ..

 

[انا البطه البلديه]

الصراحه اسمحيلي انا لو من اختج ما اعقد معاه دقيقه وحده وخل يقولون مطلقه بس ما يقهر ابوين واخواني خل يروح زين لو انا منها اعوفه قبل لا يعوفي لا وبعد سكير وخربوطي

 

[منوووووله]

اخوانج يدرون انه سكير ومخدرات وعادي !!

ويهدد اختج بالطلاق وعادي ؟!!

وابوج بعد ساكت وماشي على رايه !!

اسمحيلي يعني ماكو عايله ترضى واحد هيلقي يمشيهم على راحته الباب يوسع جمل بالطقاق

اختج على شنو خايفه اولادها بيكونون عندها تطلب الطلاق وتثبت انه سكير ومايصلح يكون زوج وخطر اصلا عليكم

غثيتيني انا الي انقهرت !!

 

[أم حوور]

انا اقووووووووووول


الطلااااااااق ابركها من ساعه من العيشه مع واحد مثل صفاته



من زين صفاته ولا اخلاقه عشان الوحده تعيش معاه

 

[دلوعة أبوهآ]

خير ان شاءالله أبوووك واخوانك ساكتين له ويمشيكم هذا ع كيفه .!!!!!

المفروض توقفونه عند حده
وخير ياطير اذا طلق اختك .! دامه سكير وراعي مخدرات المفروض تنتظروا من ربي لحظة طلاقها وتفتك منه
دام هذي اخلاقه يعني ماراح يربي عياله عدل ولا بيعرف شي عن التربيه ..

يبه خليها تتطلق منه وتفتكون منه قبل يصير شي اكبر من كذا
وماعليكم من كلام الناس لانه كلامهم لا راح يودي ولا يجيب ..,

يتكلمون يوم يومين وبعدها ينسوون واهم شي راحة وسعادة اختك ..

بس صراحه جداً مستغربه من موقف أبوكِ واخوانك ،، شلوون راضيين وساكتين ع هالحال ولا ..! بعد يمشيكم ع كيفه الاخ .,

 

[مرتاحه]

الله يعينكم على ما بلاكم
والله يصبر زوجته

 

[برد ابو الذهب]

الله يعينكم ؟ بس بأسأل الاخت اللي علقت عالتوقيييع شكووو

 

[سمو الغلآ]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

لاحول ولاقوة الابالله

احنا لو نفتك من كلام الناس احنا بخييير..,,


عسى ربي يفرج عليكم ويرزق اختج باللي احسسن منه ويعوضها ان شاء الله..~~

 

[مليت من الاسامي]

من جدج ولا تغشمرين انتي؟؟؟
شكو ثنتين مطلقين اختار يقولون عني مطلقه ولا معاشره واحد سكير خمار راعي مخدرات
وان شالله عيالها مب ضايعين واذا نفصلت اتوقع المحكمه بيوقفون معاها العيال يصيرون لها اذا هذا ابوهم
صج ماعندكم سالفه سمحي لي بس من قهر مافيني شقالت ثنتين مطلقين
مو شرط تطلقو ثنتين ولا عشر خوات يعني الردى فيهم لا

 

[brettey]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

يعني لاتزعلين ليش ابوج واخوج ماعندهم كرامه ومخلين واحد مثل هذا يمشيكم المفروض انهم يبهدلونه حتى لو اختج مو راضيه يقولون له اذلف يلا مايشرفنا انك تكون معانا مادري حيل سلبيين
وبعدين خمر ومخدرات تقدر اختج توديه بستين داهيه هذا اصلا ما ينقعد عنده اشلون صابره عليه ؟
تصدقين في بيتنا القديم بفريجنا ولدهم تزوج ماوعينا عقب شهر الا قبضوا عليه المباحث طلع راعي مخدرات وزوجته الي اشتكت عليه والصراحه زين تسوي
عاد هالسالفه من قبل لا اتزوج صار لها يمكن 11 او 12 سنه

 

[لؤلؤية]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

ماادري
احس انه فيه شي ناقص بالقصة:gr4uu:

 

[منطوق الغلا]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

الله يعين


هذا بلوه شكله ولزقه بعد



المفروض دام يشرب ماتقعد وياه اختج


بعذبه شكله الله يهديه

 

[ترانيم القصيم]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

وش فيها المطلقة و خير يا طير

لا يكون ناقصها إيد و إلا رجل

و من قال إن المطلقة لازم تكون منعزلة و منطوية كأن الطلاق عار نشابن بها أبد الدهر

المطلقة إنسانة مثلي و مثلك و مثل كل الناس و من حقها تعيش حياتها بهدوء و تختار القرار آللي تبيه و تسووي آللي تبيـه

( طالما القرار هذا بحدود الحلاااااااااااااااااال ) حالها حال الباقين , سلامات ليـه النظرة الدونية هذي للمطلقة

بخصوص زوج أختك لا تسبينه يختي و حاولي إنك تترفعيـن عن بعض الكلمات حبيبة قلبي

لا يآخذك الغضب بسفيـنته حتى ما يوجهك لشط أنتِ ما تبيـنه ..

ما عندي حل لهذي المشكلة لكن إذا الأذى واصل للأختك لو أنا مكانها مستحيـل أعيش مع واحد حاله سيء

أوكي واجبي كـ زوجة أنصحه و أوجهه لكن إذا ما فاد أعتقد الطلاق أرحم بكثير من هذي العيشة

الرسول صلى الله عليه و سلم كان يهجر الصحابة إذا ارتكبوا ذنب بسيط فما بالك بشارب خمر و يتعاطى مخدرات ..

ما أحب النظرة الدونية آللي تنأخذ عن المطلقة , بالنهاية هي بشر و إنسانة له مشاعر و أحاسيس مثلها ..

و إذا ما اتقينا الله في كلامنا و أشبعنا هذي الفئة نقد و تجريح ممكن تدور الدنيـا و نحصل أنفسنا تماماً بنفس الموضع و الناس تضحك

و تتمسخر عليـنا ,,

الله يعيـن أختي الكريمة و يوفقك و ييسر لك أمور و يوفقك أختك بعد و يهدي زوجها و الكل و الجميـع

و أرجوك لا تدعين عليه ,, و إنما ادعي له بالهدايـة و الصلاح , لعلك تكونين ممن إذا أقسموا على الله لأبرهم

احترامي و تقديري

ترانيم القصيم

 

[يـونـيـك الغـلا]

لا حول ولا قوة الا بالله

الله يعينكم والله ..

حبيبتي مافيها شي المطلقة .. خل يشووف سوالفه .. مطلقة ولا تقعد عند واحد نفسه ..

الله يهديييه يااارب ويصبر قلبهاااااا

 

[ضحكت حبيبي]

رد : ريل اختي جعله يموت وتفتك اختي واحنا من شره جانه بلوئ وابتلينا فيه

بدون تعليق