ريوق خدمة مدارس

[سفيرة الكويت]

السلام عليكم خواتي ،،،

أخوي مدرس وحصل على ترقية

ويبي يسوي ريوق حق زملاءه المدرسين

عددهم تقريبا 150 شخص :nocommint:

ياريت تنصحوني بمطعم ريوق يسوي بوفيهات

ويكون ريوقه حلو :rerrerek::rerrerek:

أنا أتوقع أكل الرياييل يختلف عن الحريم

والا اشرايكم

يعني الرياييل يفضلون الفطاير أكثر والا لأ ؟؟؟
:eh_s(10):
من وين تنصحوني أطلب له ؟؟

ياريت اللي جربت أو سمعت عن مطعم تفيدني

ويكون سعره مناسب

ولكم الشكر الجزيل مقدما :eh_s(7):
والفال لكل وحده منكم

 

[NaYoob]

اب لعيونج البنات يفيدونج

 

[سفيرة الكويت]

وينكم يا بنوتات

الظاهر اليوم جمعة والبنات لاهين بالزوارة

يا ريت تفيدوني

 

[حسن الخاتمة]

اولا الف مبروك بعدين اخوك مدرس ويت له ترقيه يعني رئيس قسم مادري العددالي ذكرتييييه وااايد150مدرسين وأداريين بمدرسه وحده؟؟؟كلنا نشتغل بمدارس انا بالأبتدائيه وعددنا مايتجاوزالسبعين والمدرسه كبييييره وفيها500طالبه خليييه يتأكد من العدداول لأن أذا يبي بوفيه لهل عدد كثييير راح يطلع عليه ألي أنا مجربته وحلووللريوق اهو موفنبيك رويال بس منزمان من ثلاث سنين تقريبا وكان50شخص تقريبا120دينااارلكن انا عندي فكره تصلح للرياااييل وهي يختاااراحد مطاعم الفطاااير الزييينه وايسوي له تشكييله من الجاطات شي فطاير عاديه الكبيره بس مقطعه وشي صحوونبخلطات متنوعه بخبز الصاااج الفطاير الصغيره وبعد يطلب جاطات من الكنااري اكله حلو ونظيييف وياخله تشكيله جاطات حمص ومتبل وفووول وجاط فلافل وجاط مقاالي وييشتري مشروبات غازيه وماي وسخان من المدرسه للشاي وخلاص وصار بوفيه والرياييل مالهم بفناتق الحريم هذي وحده اعرفها زوجها سوي جذي ووايد استانسو وشكرووه وهاذا اقتراحي وحبييت افيدك

 

[انيقه الملامح]

^

فكرتها حلوة وسهله

اب اب

 

[سفيرة الكويت]

أختي حسن الخاتمه
فكرتج وااايد حلوه واعجبتني
وصج كلامج الرياييل ما يعجبهم شغلات الحريم الميني والفناتق
مشكورة حياتي
أهو قالي العدد 130 بين مدرسين واداريين بمدرسة متوسطه
بس يقول بيطلب حق 150 عشان يكون الأكل راهي
بس اتهقين مطاعم الفطاير العادية ممكن يسوون كميه كبيرة
انزين اختي
مطعم كناري اللي ذكرتيه
أهو كناري ما غيره
والله فكرتج حلوة
أشكر نصيحتج

 

[سفيرة الكويت]

NaYoob

أنيقة الملامح

أشكر مروركم

 

[حسن الخاتمة]

حبيبتي والله استانست ان فكرتي اعجبتك واعتقد اعتمدي علي محلات معروفه عشان لا يوهقونك عندك مثلا انا يعجبني عنده الفطاير الي تجي بالدرزن وااايد حلوه وحجمها متوسط ويصلح للرياييل وعندهم جبن بالمشرووم عجيبه وكل شي حلو واعتقديسوي طلبيات كبيره بس اكيد طلبو قبلها بكم يوم وعندك شهريار معروفه الجاطات الي يسويها بالخبز الأيراني المقطعه دواير وصحيح كناري ماغيره ناخذ منه جاطات واسعاره معقوله وأكله حلووطلبو منه بعد يقصص لكم الخبز اللباني الي ايي مع الأكل وحتي المخل يحطه بصحون وبالتوفيييق

 

[حسن الخاتمة]

وي ماكتبت الي يسوي الفطاير الي بالدرزن اهو فطاير علي الطاير

 

[سفيرة الكويت]

ههههههه
إي أنا قاعده أقرا وأقول ما كتبت اسم مطعم الفطاير

جزاج الله ألف خير
ومشكوره

راح أسوي بكلامج
ريحتيني وعندي احساس كبير انه راح يعجبهم

الله يوفقج دنيا وآخره
وينولج مرادج
ويسخر لج عيال الحلال
ويسهل أمورج
مثل ما شلتي عني هالهم
بالتوفيق حياتي