ريوق لونوتر هذا الريوق الي يفتح النفس

[british rora]

ريوق يفتح النفس واطلاله حلوة على البحر اكيد بتكون في مطعم لينوتر

بوفيه الريوق بالديكور اليديد

وشوفوا ديكور البوفيه حالياً شلون كسروا الالوان بأحلى لون (الابيض) وايد راقي وهادي

البوفيه كان وايد يشوق والواحد مايقدر يقاوم خصوصاً اليوعان وانصحكم تيوعون نفسكم لأن كل شي يستحق تجربونه عندهم

 

[british rora]

الحلوم ريحته عجيبه

رولات التوست بحشوات لذيذة مثل الفلافل واللبنة وايد لذيذ وترف

يتبع

 

[british rora]

كلب ساندويتش الفول بالسمسم

اللي مجرب من قبل الريوق بلينوتر كانت اللبنه مدوره والحين سووها مبرومة ,, التغيير وايد حلو حتى لو بالشكل .. احب لبنتهم بالسماق حموضة اللبنه مع السماق لذيذة

شيش البطاط مع الزيتون وبيبي شيري توميتو


يتبع

 

[british rora]

اجبان مختلفه

طريقة عرض البيض المفيوح نايس

السويت بالبوفيه .. كيك الجوكليت يمي يمي

يتبع

 

[british rora]

هذي الكيكة المفضلة للامير وليم وايد لذيذة ومشهورة ببريطانيا عباره عن جوكليت وبسكوت

انواع من الكب كيك

فواكه فرش مفيده من الصبح

انواع من الكرواسون الطازج

 

[british rora]

خبزهم احبه حااار وفريش




قطع الزبدة

ة

وكعادة الريوق في لينوتر 3 اطباق لذيذة تشوفونها على الطاولة بعد ماتختارون من البوفيه​

الفلافل بالطحينه

الفول بطريقة لينوتر


النخي
​

 

[british rora]

انواع لذيذة جداً من البيض
اومليت الفطر والجبن .. اومليتهم شي ثاني لذيذذذ


اومليت الخضار

بيض السكرامبل .. وايد لذيذ انصحكم فيه
اومليت بياض البيض بالهليون .. وايد مفيد وصحي
هالبيضة حبيتها .. بيضة داخل قطعه خبز طريقتها مثل الكيكة ووايد لذيذة

​

 

[british rora]

منقوشة زعتر

 

[british rora]

انواع من الصاج من الفرن لي الطاولة .. بالحلوووم واللبنه بالزعتر
مو يقولون ختامها مسك لالالا كان ختامها اجرااام رسمي بعد​

طبقين اذا جربتوهم بتذوبون ​

قطع البان كيك الحاره مع سوس الجوكليت​

شقولكم خطيررررة .. انصح وبقوة

تقدرون تقاومون الجوكليت السايح .. انا وحده استسلم لوول​

​

هني عاد صج صج شي ثاني الوافلز بالنوتيلا .. اكلوها وبتروحون عالم ثاني
قطع وافلز ترررفه بجوكليت النوتير اللذيذ مع رشات من السكر البودر والفراولة يمي يمي
​

 

[british rora]

للامانه الموضوع وصلني BC و عجبني وايد
من بلوق WWW.PINKGIRLQ8.COM
يعطيها الف عافيه التقرير وايد حلو وما حبيت احرمكم منه

 

[دلوعه ززوجي]

ابي عنوان المطعم

 

[emankuwaiti]

وايد يشهي

حدي سعبلت

 

[amani]

وااااااااااي يعت

ماشاء الله خوش ريوق يبيله على اويكند

مشكووووره على النقل

 

[عبق البنفسج]

أنا رحت مطعم لونوتر عشى وماعجبني بس وايد امدحولي ريوقه فأمس رحتله الساعة 8 وشي الصبح وطلع وايد زحمة مافي طاولة فاضية والناس الي ناطرين شكثرهم وقالولنا تقريباً ننطر نص ساعة على ماتفضى طاولة .. فطلعنا وللأسف ماجربته

 

[بنت المجمعة]

:eh_s(15)::eh_s(15)::eh_s(15)::eh_s(15)::eh_s(15)::eh_s(15):ريوق خطير حرام عليش جوعتينا بليز العنوان

 

[*مطبخ الذواقة*]

هذي صج خطيييييييييرة !!!

تسلم ايدياتج حبيبتي

 

[ّأشواق]

واااااااو روعه يسلموووو

 

[british rora]

لي اسألو عن العنوان مطعم لونوتر موجود عالبحر شارع الخليج العربي يم ابل بيز
و موجود بعد بالفنار والافنيوز و mall 360

 

[british rora]

هذي صج خطيييييييييرة !!!

تسلم ايدياتج حبيبتي

صاجه حدها تشوق

 

[الغنج والدلع]

فيه 360 وين صاير