رَجيَمْـيُ نَـزَلنْـيَ 4 كَيَـلوَ بـ8 آيَـآ‘إمَ ، بَس احَسْ إرـآدتَـيُ بلشَـتُ تتراجع

[غرور 9]

قووة رشيقاتنا

شلونكم عساكم بخير

امممم بدش بالموضوع دايركت
انا مسوية ريجيم لنفسي من يوم الثلاثا الي طاف

والحمدالله رب العالمين نزلت عليه 4 كيلوات الحمدالله الحمدالله ماشاء الله ولاحول ولاقوة الا بالله

المهم انا وزني مو وايد بس وايد زاد عن وزني من شهرين كنت 55 صرت الحين 64

وقبل ما ابلش ريجيم كنت 68 الحمدالله

الحين الموضوع والي فيه ابي بنوتات يشجعوني اماااانة او يدشون معاي ونواصل ريجيم مع بعض لاني احس بخربط ارادتي صارت زيرو ع الشمال

اشتهيت كل شي محرومة من كل شي ملييييت وللعلم انا احب الاكل واااايد بس ماكان يبين فيني وانحسدت من وحدة وصرت اكل ادنات الدون واسمن عليه كيلوين لا اله الا الله

عفيه شجعوني عطوني بوووش ابي اكمل ليما اوصل وزني

منو تتواصل معاي ولها الحرية اذا تبي ريجيم خاص فيها او ريجيمي اهيا براحتها بس ابيييي بوووووش

ومشكورين وايد :eh_s(7):

 

[تفاصيل الغرابه]

لاتتراجعي واصلي وفكري فجسمج كيف بيكون بعد الضعف وراح تتشجعي
حاولي تكثري من الفواكه وشربي ماي واااايد

 

[غرور 9]

حبيبتي تفاصيل ماقصرتي الله يرزقج باللي تتمنينه يارب
دعواتج فديتج

 

[mo104on]

الله يقويك للأمام ياقلبي برافو كملي وكلنا معاكي وبنشجعك
والله الرشاقه طعمها روووووووووووووووعه الله ينحفنا على خير
بس ماقلتيلنا ايش ريجيمك؟؟؟

 

[granted]

تدرين شلي يخلي الوحدة تتراجع
لمن اتشوفين نقص وزنج وايد وسريع اتحسين انه شي سهل وخلاص يبدا التطنيش والتسويف
حطي اببالج انه لو طنشتي الدايت معناته كيلوات زياده وحرمان فترات اطول
الله يوفقج
وحطي خلفية فونج عارضة ازياء ومن تطالعين بتنسد نفسج تلقائياً
الله يوفقج

 

[الكويت&الكويت]

الله يتمم لج علي خير حبوبه
البدايه دايما صعبه
انصحج دشي المواضيع المثبته اللي بقسم السمنه والنحافه خاصه في موضوع توه مفتوح من اسبوع اهوه عباره عن مسابقه وكل وحده تشجع الثانيه دشي وصدقيني راح تتحمسين
موفقه يارب

 

[ياغروري]

انا مثلك وزني 59 وابي 55

بسس قوليلي على رجيمك ياليت برساله خاصه افهم اكثر من هناا

 

[ركووزه]

اب اب اب

 

[BeNt PaRiS]

انا ٥٦

و ابي ٥٠



شسووووووي

 

[غرور 9]

مشكوووورين الي ردو علي يارب يرزقكم كل الي تتمنونه والي قالت ابي رجيمج من عيوني بس هااااا. عشان انا ممرضه وفاهمة شنو يعني صحة
وشنو قيمتها من الحين اقولج اذا فيج مرض انيميا او ديابيتك او هايبر تنشن او او او اي مرض
لاتسوين رجيمي لانه رح يتعبج ورح تدعين علي


تابعوني بالرد الياي بكتبلكم رجيمي

 

[غرور 9]

رجيمي رح اسويه لمدة ٣ اسابيع بأذن الواحد الاحد

اول شي نبلش بالفطور اختاري كل يوم من الاسابيع الثلاث هالاختيارات:


١-بيضه مسلوقه + نص حليب ككاو + ١/٤ رغيف خبزه وافضل تحطين التوست الاسمر الوحده سعرتها ٤٩ يعني اتينن
٢- مقدار ١ توسته او ١-١/٢ + لبنه لايت وافضل ماركة عن تجربه فيلادلفيا تلاقونها لونها سلفر اتينن وطعمها وااااو + سلطه منوعه بدون طماط وقللو الملح ياحبايبي لانه الجسم اول مايبلش ينزل اثناء الرجيم السوائل فيبلش بالماي وبعدها الدهون عشان جذي تلاقون في اسابيع الوزن يثبت ويطلع الروح والنزول بطئ وايد ف عشان كل هالقصه لازم الملح انقلله لانه يحبس سوائلنا وثانيا يطلع زوائد وتعضلين منه


وبيوم خليه كله ريوقج فواكه ، وبيوم الي وراه شربي الي تبينه مع بيضه جذي بروحها ،، وانا اشرب الي ابيه والمشروبات مامنها سمنة بس كلشي مايزيد عن ٣ اكواب يوميا




انيي حق الغدا:
١- مشاوي مشاوي خصوصا الشيش طاووق واكلي حدج حدج اذا بتموتين يوع ٦ حبات بس مو علئ بو انه مشوي اكل الي ابيه لااااا غلط لانه متروس ملح واي شي ينسلق ولا ينشوي يعني ملوحته زادت واشربي معاه بيبسي دايت او عصير اذا حابه وسويلج سلطه منوعه واهم شي خسسسسس لانه يضعف ويترس معدتج وشربي روب معاه خالي او قليل الدسم وبرتقاله او تفاحه

٢- عيش ابيض مسلوق حدج حدج ٥ قفاش وروب كامل اشربيه مع شويه سلطه وجم حبة اناناسه


٣- معكرونه سباغيتي مسلوقه + خضار مسلوقه + عصير برتقال فريش وروب كامل


٤-يبيلج بطاطتين اكبر من الحجم الصغير بشويات يعني حجمها وسط وسلقيهم ولاتشلين القشره واذا تبينها جذي خليها واذا حبيتي تشوينها اشويها وحطي معاها قفشه ز زيتون + سلطه منوعه وهاااا مو تكثرون ملح بالبطاط ومعاها اي مشروب لج مفضل


٥- يبي همبرغر دياي لانه اقل دسم من اللحم واشويها وحطي وياها بصل وطمام شوي وكثري كرافس تطلع جنها كباب عراقي اكثر عدد حدج مسموحلج ٢ وبدون خبز ترا


٦- واخيرا وليش اخرا شوربه عدس وكثري ليمون عليها اعصري نص ليمونه وسوي سلطه معاها وشربي الي تبين بس انصح بعصير البرتقال الفريش
وسوي معاها سلطتج وصج لاتنسون الخس الاحمر تررررررا عجيب بالتنحيف ويطلع خصر لانه يشتغل ع البطن والارداف والفخوذ



ثالث شي العشا :
اذا كنتي حدج يوعانه اسلقي بيضه واكليها مع قفشه ز زيتون وسط بس بدون خبزه اكليها جذي
او اكتفي بخيار بروب او تفاحه وعصير اناناس




هذا رجيمي الخاص فيني ما اتوقع فيه حرمان ابد و٤ ممرضات معاي ماشيين عليه وتبارك الله بلشت التغيرات اتبين
ورح اسمي هالرجيم ( رجيم سستر بشاير ) >>>> اقعد ههههه


واي سؤال كاني اهنيه

 

[غرور 9]

وصج انا امشي ساعه يوميا وماعندي شي اسمه سناك اذا بغيت سناك اكل شي يفيدني ويفيد بشرتي ليمتا واحنا ككاو وشيبس وخرابيط نضعف وناكل الي نبيه وبفخر بعد >> تشيشكم

 

[غرور 9]

بنات انا كاتبه جدام الاختيارات ارقام يعني مو كل هذا تاكلينه بيوم لاااااا عندج بكل وقت جم خيار تختارين واحد منهم

 

[غـلاي غيـر]

يعطيج الف عااافية ولاتوقفييييين كملي

 

[غرور 9]

يعافيج فديتج من عنوني وين الصفقه بنات شجعونيييييييييييي

 

[78MariMar78]

موفقة ان شاءالله

 

[ســومي]

:rgewrg:
الى متى واحنا كدا أجسامنا وماعندنا شغله الا :botetoo:>>>>بتشيشهااا
أحمدددددي ربك ماشاءلله انك نحفتي انا كنت مثلك سويت رجيم ونحففت وتكاسلت مره بمتابعت رجيمي وفلت جسمي فلته بالسمنه والى الان مو قاادره ارجع وزني السابق :eh_s(11): والحين قدددد شعر راسي ندماانه :eh_s(16):


أنصحك استمري استمري استمري
وعلى طوووول تدكري الدبا ولا شي يلييق عليها وشكلها اكبر من عمرها

**رجيمك حييل أعجبني بسس أنا المصيييبه سمنتي من فوووق وربي تعبتتتت ومن تحت ممسوحه
ادا عندك حل ساعديني

 

[اخت-اخوها]

وااااااي نفس الحاله بس اختلاف الوزن بس أنا قلت اتلاحق نفسي قبل لا ازيد أنا كله اقعد أطالع جسمي وأقول لا بضعف ؛( شدي حيلج وتلاحقي نفسج

 

[غرور 9]

ههههههه فديتكم والله

حمستووووووني وربي


عسئ ربي يجبر بخواطركم مثل ماجبرتو خاطري

 

[مخمليـهَ]

انتي حطططي اباآلج هالاكل اللي بتاكلينه مصيرة بيتراكم بالجسسم دهوووووون
وبتصيرييين ثقيلة والله ماجنج غزال يمشي وخفيفه الا دب !!
خلي اراتج قوووية صيري مثلي اذا شفت كاكاو او شيبس او ببسي هو الاشياء اللي تمتن اطالع ايديني واقول هذا كاكاو وهذا بيبسي وهذي وجبة :krkrkr:

وكل شي لاحقة عليه الاكل مو طاير بس اهم شي جسمج يكون حلوووووو ومرتب وتلبسين بثقة مو بطة والشحم يتراكم من يمينج ويسارج ووووووع :bbbiu: