اللللله خوووش زاوية ديفا شغل عدل
احم احم بسم الله نبدا القرقة ههههههه
انا فاطمة المرزوق من السعودية عمري 22 سنة ادرس بكالوريوس تمريض عام والحين في السنة الثالثة
وباجي سنة على التخرج وسنة على الانتيرن
احب الكتابة من كنت صغيرة واحب المونتاج الصوتي
لمه كان عمري 18 سنة سويت اول برنامج صوتي ( شبه اذاعي ) وعرضته في احدى المنتديات
ولمه صار عمري 19 نشرت أول عمل روائي لي ( غربة زمن ) بواقع 230 صفحة تقريباً
من اصدارات دار فراديس للنشر والتوزيع في مملكة البحرين <<< نهائياً لم أوفق وتحسفت قد شعر راسي
لمه صار عمري 20 سويت برنامج صوتي ثاني لمنتدى ثاني
و أصدرت ثاني رواية لي ( منزل 105 ) من اصدارات دار رواية للنشر والتوزيع في السعودية << هالرواية متواجدة في الكويت في مكتبة ذات السلاسل
بعدها لمه صار عمري 21 جاني عرض من مخرج سينمائي كتابة فلم سينمائي قصير مدته 20 دقيقة
عشان نشارك فيه في المهرجانات والحمدلله كتبته وخلصته وحالياً يتم التحضير للوكيشن والكاست
لمه صار عمري 22 ههههههه
تعاقدت مع دار بلاتينيوم بوك في الكويت بعقد احتكار و ان شاء الله في المعرض
راح أصدر رواية جديدة ( حكاية سعودية ) ويارب تكون بالمستوى المطلوب وافضل من الي قبلها
قاعدة أحضر لعمل جديد وان شاء الله أوفق فيه وماراح اتعمق بالعمل الا بعد الاصداء الي بتوصلني
عن الرواية الحالية لتفادي الأخطاء
ديفا قلتي قرقة وحدة؟؟؟ يبت لج قرقات وايد ههههههههه
وسلامتكم تفضلوا المايك
