بسم الله الرحمن الرحيم
السلام عليكم بنات
حبيت انقل لكم هالروايه وانتوا اول ناس تقرونها رفيجتي كاتبتها
( الروايه كويتيه )
واتمنا تعجبكم =)
دخلت حور غرفتها وقفت جدام المنظره تطالع نفسها كانت ام حور (ام عبدالله) معزومه على عرس وكل ماتعزم على عرس لازم تاخذ بناتها معاها ومن بين بناتها بنتها الثانيه حور ، شافت حور انعكاسها بالمنظره كانت البنت بيضه مثل القيمر وطولها مناسب160 وجسمها منسق وزنها54 شعرها بني فاتح يوصل لي خصرها المنحوت خشمها ضعيف وشفايفها ممتليه بتناسق وعيون مكحلتها الرموش الكثيفه ولونها بني كانت لابسه نفنوف بسيط للعرس قصير مع هيلاهوب وجاكيت وخلت شعرها على طبيعته ماسوت في شي وحطت مكياج خفييف بس واايد حلو دخلت عليها اختها روئ ..
- يلاّ ماخلصتي ؟؟*
- يلاّ كاني خلصت*
- شنو هذا ! هذا منظر وحدة بتروح العرس ؟؟*
- روئ تكفين شكلي عاجبني وهذا ستايلي بعدين انتي شكو موباقي غير اليهال*
- *جب جب جب في وحده تحط مكياج جذي جنج *قاعده من النوم حطي شي عدل على ويهج والله لوظليتي جذي محد بيطالعج وبتقعدين عله على قلوبنه
- اشوه انج اختي مو امي .. بعدين انا مو رايحه العرس عشان اخلي الحريم يطالعوني ويخطبوني حق عيالهم هالطريقه خليتها حق جمانه
اشوي ولا دخلت امهم (ام عبد الله) ها يا بنات ما خلصتو ؟؟*
- يمه شوفي حور شمغبره بعمرها والله انا تعبت من بنتج هذي مو كفو سنع مالت عليها*
ام عبد الله: اشوفج حور اشفيها بنتي جنها البخت .. *يلا*خنمشي تأخرنا.
بعد ما قعدت حور مع امها وخواتها كان الكل يطالعها الان جمالها ملفت للنظر وهدوئها يلفت اكثر واكثر فكانت محط انظار الجميع على قولتهم *.. بعد ما خلص العرس و صار وقت دخلة الرياييل قامت ام عبدالله عشان بيروحون حق بو عبد الله عشان يمشون بعد مادخل المعرس .. ام عبدالله : وي نسيت جنطتي حور عفيه روحي ييبيها حاطتها على الكرسي .حور: ان شاء الله. راحت حور تاخذ الجنطه وكان زححممه الان الناس كلها بين الي واقف والي يرقص والي نازل الي صاعد اشوي ومع العفسه واللويه ولا حور تتعثر وتطيح وقبل ما توصل الارض حست بإيد قويه مسكتها من جتفها وترفعها على ما توازنت حور رفعت عينها ولا تشوف ريال بطول وعرض جذااااب تفيض منه الرجوله !! قالها : سلامات تعورتي ؟؟ ردت حور : لا شكراً على مساعدتك !:$ . اشوي ولا اتيي جمانه اخت حور الكبيره وتقول: ها حور اشصار عليج طولتي . طبعا الاخ ظل ماسك جتف حور حتى بعد ما وقفت واهي ظلت تطالعه مصدومه ولمن يت اختها شافت المنظر فاستغربت وقالت : شفيج و ليش الاخ ماسك ايدج ؟ بهاللحظه استوعب مشاري ان ماهد ايدها فتركها واعتذر وقال: انا اسف بس شفتها بغت تطيح وساعدتها والله قصدي شريف ! ردت حور: مشكور وردت جمانه : مشكور ماتقصر وسامحنا على الازعاج وخذت اختها وراحت .... حور من اللحظه الي شافت فيها مشاري صوره عيونه ما تفارق خيالها تتذكر نظرته واللمعه الي بعيونه تتذكر لمسته على بشرتها تتذكر صوته القوي كل هالذكريات الي احتفظت فيها من هذيك اللحظه ،*
اما مشاري فعمره وحياته ماشاف بنت بجمال حور طبعاً اهو ما يعرف اسمها بس كل شي سكن داخله صوتها بشرتها عطرها نظرتها كل شي وظل يفكر بهالبنت لي درجة انه ما نام الليل من التفكير ،*
صار ثاني يوم الصبح وبدت الدوامات طبعاً حور وروئ و ساره كانو بالمدارس،حور *ثاني عشر علمي وروئ عاشر وساره بتاسع يعني مابينهم فرق اما اختهم الكبيره جمانه كانت بثانيه جامعه اما عبدالله فهو الاخ الكبير يشتغل مهندس بترول عمره 30 اما محمداكبر من جمانه بسنه او سنتين يعني عمره ويدرس مساعد فنيه ، وكل يوم لازم تصير هاللويه وهالصراخ وهالعفسه على مايروحون كلهم على دواماتهم ..: يماااااا وين ادوات الهندسه؟؟ .. يمااااا وين الجنطه الي اروح فيها الشغل مالت المخططات ... يماااااا وين ملابسي ملوت البدنيه ؟؟ ناااني وين ملابسي ؟!! .... طبعاً كل واحد يصارخ من صوب وواحد صاعد الدرج وواحدة تربط جوتيها والدنيا معفوسه فوق وتحت ههههههههه
ركب عبدالله السياره وركبو خواته معاه ..عبدالله : ها كامل العدد؟ ساره :اي يلا حرك لا نتأخر عبدالله :سايق ابوج انا ! حمدو ربكم اني انا المهندس عبدالله بوصلكم .حور: انزين انزين لاتبلش نشيدك الصباحي انا المهندس عبدالله ..وضحكو على تعليق حور .. وصلو المدرسه ونزلت حور واختها روئ .. شوي تتذكرحور الشاب الي قابلته امس وردت ذكرى نظرته ولمسته وصوته وفجأه ولا حور متكوده عند باب صفها طبعاً الحبيبه من كثر ما كانت لاهيه ما لاحظت الكرسي الي جدامها فدعمته وطاحت تيمعو عليها رفيجاتها ميتين ضحك ..
نوره: والله انج صيده ههههههههه
اماني : يالحوله ههههههههههه
سوسو: هههههههه اي حوله الاعميه ولا كرسي هالكبره ماشافته كاااااااك ههههههه
حور: بس انتي وياها مالت عليكم من رفيجات هذا بدل ماتساعدوني مالت*
سوسو: انتي من صجج ماشفتي الكرسي ؟؟ امانه شو الشي الي شغل بالج وخلاج ماتشوفين الكرسي ههههه كرسي عاد كاااك لو دفتر معقوله بس كرسي*
حور : ااااااخ ريلي تعورني ماقدر اوقف عليها .. بنات عفيه ساعدوني خل اوقف وودوني عند الوكيله ..*
وفعلا قامو البنات وخذو حور وودوها عند الوكيله وكان مبين عليها انها متعوره فظطرت انها تتصل على اخوها عبدالله ايي ياخذها*
عبد الله : الو نعم*
الوكيله : الاخ عبد الله اخو الطالبه حور بدر ؟*
عبد الله: اي نعم .. في شي ؟؟ صاير شي ؟؟
الوكيله : ان شاء الله ماكو الا العافيه بس اختك حور طايحه متعوره فياليت اتيي تاخذها عشان توديها الطبيب ..
عبد الله : اوكي انا ياي .
وفعلا بعد ساعه الا ربع عبد الله وصل المدرسه وخذا حور ووداها المستشفى*
عبد الله : انتي اشلون طحتي ؟*
حور : مادري عبدالله انعكفت ريلي وطحت !*
عبد الله : انزين اقولج ترا ماراح اقدر اردج البيت*
حور برد متسرع : لييش! انا منو بيردني بتخليني مني بروحي حرام عليك وهذا وانا اختك*
عبدالله : يالهبله انتي اشفيج كليتيني بقشوري انا قلت ماراح اقدر اردج البيت لان عندي شغل بالموقع وباخذج معاي مناك يالمطفووقه*
وهذا الي صار راحت حور مع اخوها عبد الله للدوام وقعدت بمكتبه على ما يرجع ، بهالفتره كانت حور قاعده تفكر بالشاب الي امس لانه شغل بالها ، اشوي ولا ينفتح الباب وتشوف الي كانت قاعده تفكر فيه يدخل من الباب جنه طلع من افكارها وتجسد جدامها بالبدايه عبالها ان كل هذا خيال وما استوعبت انه واقع الا لمن كلمها*
مشاري : انتي شتوين اهني؟؟*
حور: انا طحت واخوي يابني هني !
مشاري : اخوج ؟ منو اخوج؟*
حور: عبدالله *
ابتسم مشاري: وليش يابج مني عباله مستشفى !
حوربكل برائه: لا بس اهو قالي عنده شغل وماقدر يردني البيت*
مشاري: *اها وانتي اشلون طحتي ؟*
حور : امممممم أ... ا... ليش تسأل ؟ اصلاً انا ماعرفك ولا انت تعرفني ..
بهالحظه بالذات دخل عبدالله وقال: حور اييبلج شي تاكلينه ؟؟... اوه مشاري انت اهني انا صارلي ساعه ادور عليك اقولك وين حطيت المخطط مال المشروع ؟؟*
مشاري : عند بوصالح ما عطاك اياه ؟؟*
عبدالله : والله ما سألته اللحين اروح له .. حور خلج هني على ما ارجع ماراح اطول*
حور : اوك*
وطلع عبدالله من الغرفه*
مشاري : عيل اسمج حور ؟! .. وبداخله( لايق عليج الاسم )*
حور بخجل : اي وانت اسمك مشاري ، ابتسم مشاري وكانت ابتسامته ردت فعل لمن اسمع اسمه على لسان حور حس ان اسمه وااااااااااااااااااااااايد حلو فرد مشاري: ممكن طلب ؟ حور: تفضل! مشاري: ممكن رقمج اممم انا امس مسكتج بالعرس عشان ماتطيحين وهم طحتي
فحاب اتطمن عليج بين فتره وفتره .. *حور: أ..اا.. اوكي لكن بس مسجات ، مشاري : اي اكييد ، عطت حور رقمها حق مشاري واهو بعد عطى رقمة حق حور وبعدها كل واحد رجع بيته لكن مشاري لمن رجع البيت ما قدر يرتاح ولا ساعه والسبب.....
ام احمد( ام مشاري) : مشاري وينك يمه تأخرت تعال الحق علينا !!
مشاري : خير يمه اشصاير ؟؟!*
ام احمد : اختك ليلى متهاوشه مع زوجها وخامه قشها ويايه وانا خايفه لا ابوك يدري ويروح يتهاوش مع سعود زوجها وتكبر السالفه .. عفيه يمه نظر عيني انت .. انت اقرب واحد حق اختك روح شوف شعلتها وردها حق زوجها قبل ما تكبر السالفه*
مشاري: ان شاء الله عشانج ولا ليلو انا مليت منها ومن دلعها لو زوجتي جان من زمان مطلقها ومفتك
ام احمد: ادري يمه اختك مطفوقه بس بعد شسوي فيها عنيده وراسها يابس*
صعد مشاري حق اخته ليلي ((ليلي بنت بين ثلاث صبيان عشان جذي اهي وااايد دلوعه ودايما تسوي من الحبه قبه واهي تحب مشاري اكثر واحد من بين اخوانها لان مشاري حنوون ويعرف لها ))*
طق مشاري الباب على اخته ..مشاري: ممكن ادخل؟*
ليلي: تفضل*
مشاري: ها يقولون المدام ليلى مقيمه عندنا اليوم ؟؟*
ليلى : اي اليوم وكل يوم انا مستحيل ارجع له*
مشاري: افا ليش اهو شنو مسوي ؟؟*
ليلى : تصور يا مشاري موراضي يشتريلي سياره يديده .. انا ليلى يبخل علي بسياره ام 17 الف ..
مشاري: بس سيارتج توها يديده ماصار لها سبع شهور ما مداج تملين منها .. بعدين هذا مو سبب يخليج تهدين بيتج وتيين بيت ابوج.. وفي هاللحظه رن تلفون مشاري ....
مشاري: الو ...*
سعود: قوه مشاري اقدر اكلمك ؟؟*
مشاري: اي ياهلا سعود(( لمن سمعت ليلى اسم سعود نقزت من مكانها وحاولت انها تخفي فرحتها بس مشاري شافها )) اكيد تقدر وين تبيني اشوفك؟؟ اووك يلا سلام*
وطلع مشاري من غرفه اخته وراح عشان يلاقي زوج اخته ....*
اما حور ......،
روئ: انتي متى طحتي اليوم الصبح مافيج شي.. بعدين متى مداج تطلعين من المدرسه ؟ مصييبه مسرع ما دخلتي ومسرع ما طلعتي ..*
حور: وااي انتي اخت انتي هذا بدل لا تقولين لي سلامتج ماتشوفين شر ياختي .. قاعده تحسديني على طيحتي.. وبهاللحظه دخلت عليهم ام عبدالله ..
ام عبد الله : ها حور يمه اشلون صرتي اللحين ؟؟ ليش مادقيتي علي عشان اخذج من المدرسه ؟؟
حور: الحمد الله يمه احسن .والله مادري عبدالله كان توه موصلنا عشان جذي اول ماطرى ببالي اهو*
روئ: يماا ليش حور اليوم غابت انا بعد بغيب مالي شغل*
ام عبدالله: اكلي تبن اختج تعبانه انتي شكو تغيبين بعدين انتي عندج امتحانات انثبري وقعدي درسي .. يمه حور ترا عمامج وعماتج بييون اليوم على العشا عشان يتطمنون عليج خلج مستعده ..،
روئ: ايي خلج مستعده حق حبيب القلب*
ام عبدالله :: جب جبج الله انتي لسانج يبيله قص قومي درسي احسن لج من طولت اللسان هذي ..،*
وصار الليل ويو عمات وعمام حور(( نبذه عنهم : عمتها سلوى عمتها العوده ماتحب ام حور ولا تحب حور وخواتها عشان جذي كانت دايما تقط حجي مثل السم عليهم ودايماً تتفلسف ،،، عمتهم ناديه العمه الوسطيه و كانت تمووووت عليهم ( ام عبدالله وبناتها) واهم بعد كانو يحبونها ،،، عمهم خالد عمهم الكبير وكان من النوع الحنون والطيب بس مافي علاقه قويه بينهم وبينه ،، عمهم حسن كان هالعم طييب وحبووب وكان على علاقه وثيقه ببيت بوعبدالله،، عمهم حسين كان اصغر عمامهم وكان ميانه معاهم اصلا كان مثل اخوهم لانه اكبر من عبدالله ب5 سنين بس ،،، اما فيصل فكان ولد خالد العود وكان شخصيه ومركز والاهم انه كان يحب حور بس حور تعتبره مثل اخوها اما اختها جمانه كانت تحب فيصل بس اهو مادرى عنها ))*
.. طق طق .. *حور: تفضل *،، جمانه : يلا وينج قاعدين يسألون عنج ( وطالعت اختها بنظره حقد لان حور طالعه مثل القمر من غير ماتحط شي على وييها )) ... نزلت حور مع اختها جمانه وبدت تسلم على الموجودين واولهم عمتها سلوى ..، سلوى: هلا هلا سلامات عسى ماشر ؟ اشلون طحتي ؟؟ ..، حور: الله يسلمج عمة ا..اا وحده من البنات دزتني من غير ماتقصد..!،، سلوى : اي اكيد تطرين اذا احد هفج من ضعفج جنج مومياء شنو امج ماتعطيج اكل ؟؟ ام عبدالله: والله يا ام ناصر اشكثر اقولها اكلي ماتاكل تعبت معاها وبعدين قمت اسكت عنها بيني وبنج ،،والضعف احسن بوايد من المتن الله يكفينه شره ( طبعاً نغزه على بنت سلوى البطه ) ..، ناديه : سلامات يالغالي سلامات * بعد عمري ماتشوفين شر ..، حور : الله يسلمج عمه حبيبتي ....، اشلونك عمي خالد ؟ ..، خالد : هلا بنيتي بخير الله يسلمج الا ام عبدالله بوعبدالله ما اتصل فيكم من هناك؟ ..، ام عبد الله: امبلا والله اتصل ويسلم عليكم وايد وايد.. خالد: ايه الله يسلمه ام عبدالله اذا بغيتوا شي ترا انا حاضر وبالخدمه ..، ام عبدالله: مشكور بوفيصل ماتقصر .. حور: سلام فيصل اشلونك؟ .. فيصل وعيونه ما فارقتها من نزلت : الله يسلمج( بداخله حبيبتي) انتي اشلونج سلامتج( عسى فيني ولا فيج) اشلون طحتي ؟ .. حور بخجل من نظراته : أ..ا .مم مادري قلت لك وحده دزتني من غير قصد . ،،،.. حطو العشى والكل كان لاهي ولا يرن تلفون حور ... والمتصل ... مشاري ...!*
حور : الو ..!
مشاري : انا اسف .. انا ادري اتفقنا على مسجات .. بس ماقدرت امنع نفسي !*
حور: أ..ا..امم
مشاري: اشلونج اللحين ان شاء الله احسن ؟؟*
حور: أ...ا.. الحمد الله *احسن شكراً على اتصال......... ،، ولا صوت من وراها !! منو تكلمين؟؟ بهاللحظه حست حور ان الدم نشف بعروقها .. وتلتفت .........،،،،،
السلام عليكم بنات
حبيت انقل لكم هالروايه وانتوا اول ناس تقرونها رفيجتي كاتبتها
( الروايه كويتيه )
واتمنا تعجبكم =)
دخلت حور غرفتها وقفت جدام المنظره تطالع نفسها كانت ام حور (ام عبدالله) معزومه على عرس وكل ماتعزم على عرس لازم تاخذ بناتها معاها ومن بين بناتها بنتها الثانيه حور ، شافت حور انعكاسها بالمنظره كانت البنت بيضه مثل القيمر وطولها مناسب160 وجسمها منسق وزنها54 شعرها بني فاتح يوصل لي خصرها المنحوت خشمها ضعيف وشفايفها ممتليه بتناسق وعيون مكحلتها الرموش الكثيفه ولونها بني كانت لابسه نفنوف بسيط للعرس قصير مع هيلاهوب وجاكيت وخلت شعرها على طبيعته ماسوت في شي وحطت مكياج خفييف بس واايد حلو دخلت عليها اختها روئ ..
- يلاّ ماخلصتي ؟؟*
- يلاّ كاني خلصت*
- شنو هذا ! هذا منظر وحدة بتروح العرس ؟؟*
- روئ تكفين شكلي عاجبني وهذا ستايلي بعدين انتي شكو موباقي غير اليهال*
- *جب جب جب في وحده تحط مكياج جذي جنج *قاعده من النوم حطي شي عدل على ويهج والله لوظليتي جذي محد بيطالعج وبتقعدين عله على قلوبنه
- اشوه انج اختي مو امي .. بعدين انا مو رايحه العرس عشان اخلي الحريم يطالعوني ويخطبوني حق عيالهم هالطريقه خليتها حق جمانه
اشوي ولا دخلت امهم (ام عبد الله) ها يا بنات ما خلصتو ؟؟*
- يمه شوفي حور شمغبره بعمرها والله انا تعبت من بنتج هذي مو كفو سنع مالت عليها*
ام عبد الله: اشوفج حور اشفيها بنتي جنها البخت .. *يلا*خنمشي تأخرنا.
بعد ما قعدت حور مع امها وخواتها كان الكل يطالعها الان جمالها ملفت للنظر وهدوئها يلفت اكثر واكثر فكانت محط انظار الجميع على قولتهم *.. بعد ما خلص العرس و صار وقت دخلة الرياييل قامت ام عبدالله عشان بيروحون حق بو عبد الله عشان يمشون بعد مادخل المعرس .. ام عبدالله : وي نسيت جنطتي حور عفيه روحي ييبيها حاطتها على الكرسي .حور: ان شاء الله. راحت حور تاخذ الجنطه وكان زححممه الان الناس كلها بين الي واقف والي يرقص والي نازل الي صاعد اشوي ومع العفسه واللويه ولا حور تتعثر وتطيح وقبل ما توصل الارض حست بإيد قويه مسكتها من جتفها وترفعها على ما توازنت حور رفعت عينها ولا تشوف ريال بطول وعرض جذااااب تفيض منه الرجوله !! قالها : سلامات تعورتي ؟؟ ردت حور : لا شكراً على مساعدتك !:$ . اشوي ولا اتيي جمانه اخت حور الكبيره وتقول: ها حور اشصار عليج طولتي . طبعا الاخ ظل ماسك جتف حور حتى بعد ما وقفت واهي ظلت تطالعه مصدومه ولمن يت اختها شافت المنظر فاستغربت وقالت : شفيج و ليش الاخ ماسك ايدج ؟ بهاللحظه استوعب مشاري ان ماهد ايدها فتركها واعتذر وقال: انا اسف بس شفتها بغت تطيح وساعدتها والله قصدي شريف ! ردت حور: مشكور وردت جمانه : مشكور ماتقصر وسامحنا على الازعاج وخذت اختها وراحت .... حور من اللحظه الي شافت فيها مشاري صوره عيونه ما تفارق خيالها تتذكر نظرته واللمعه الي بعيونه تتذكر لمسته على بشرتها تتذكر صوته القوي كل هالذكريات الي احتفظت فيها من هذيك اللحظه ،*
اما مشاري فعمره وحياته ماشاف بنت بجمال حور طبعاً اهو ما يعرف اسمها بس كل شي سكن داخله صوتها بشرتها عطرها نظرتها كل شي وظل يفكر بهالبنت لي درجة انه ما نام الليل من التفكير ،*
صار ثاني يوم الصبح وبدت الدوامات طبعاً حور وروئ و ساره كانو بالمدارس،حور *ثاني عشر علمي وروئ عاشر وساره بتاسع يعني مابينهم فرق اما اختهم الكبيره جمانه كانت بثانيه جامعه اما عبدالله فهو الاخ الكبير يشتغل مهندس بترول عمره 30 اما محمداكبر من جمانه بسنه او سنتين يعني عمره ويدرس مساعد فنيه ، وكل يوم لازم تصير هاللويه وهالصراخ وهالعفسه على مايروحون كلهم على دواماتهم ..: يماااااا وين ادوات الهندسه؟؟ .. يمااااا وين الجنطه الي اروح فيها الشغل مالت المخططات ... يماااااا وين ملابسي ملوت البدنيه ؟؟ ناااني وين ملابسي ؟!! .... طبعاً كل واحد يصارخ من صوب وواحد صاعد الدرج وواحدة تربط جوتيها والدنيا معفوسه فوق وتحت ههههههههه
ركب عبدالله السياره وركبو خواته معاه ..عبدالله : ها كامل العدد؟ ساره :اي يلا حرك لا نتأخر عبدالله :سايق ابوج انا ! حمدو ربكم اني انا المهندس عبدالله بوصلكم .حور: انزين انزين لاتبلش نشيدك الصباحي انا المهندس عبدالله ..وضحكو على تعليق حور .. وصلو المدرسه ونزلت حور واختها روئ .. شوي تتذكرحور الشاب الي قابلته امس وردت ذكرى نظرته ولمسته وصوته وفجأه ولا حور متكوده عند باب صفها طبعاً الحبيبه من كثر ما كانت لاهيه ما لاحظت الكرسي الي جدامها فدعمته وطاحت تيمعو عليها رفيجاتها ميتين ضحك ..
نوره: والله انج صيده ههههههههه
اماني : يالحوله ههههههههههه
سوسو: هههههههه اي حوله الاعميه ولا كرسي هالكبره ماشافته كاااااااك ههههههه
حور: بس انتي وياها مالت عليكم من رفيجات هذا بدل ماتساعدوني مالت*
سوسو: انتي من صجج ماشفتي الكرسي ؟؟ امانه شو الشي الي شغل بالج وخلاج ماتشوفين الكرسي ههههه كرسي عاد كاااك لو دفتر معقوله بس كرسي*
حور : ااااااخ ريلي تعورني ماقدر اوقف عليها .. بنات عفيه ساعدوني خل اوقف وودوني عند الوكيله ..*
وفعلا قامو البنات وخذو حور وودوها عند الوكيله وكان مبين عليها انها متعوره فظطرت انها تتصل على اخوها عبدالله ايي ياخذها*
عبد الله : الو نعم*
الوكيله : الاخ عبد الله اخو الطالبه حور بدر ؟*
عبد الله: اي نعم .. في شي ؟؟ صاير شي ؟؟
الوكيله : ان شاء الله ماكو الا العافيه بس اختك حور طايحه متعوره فياليت اتيي تاخذها عشان توديها الطبيب ..
عبد الله : اوكي انا ياي .
وفعلا بعد ساعه الا ربع عبد الله وصل المدرسه وخذا حور ووداها المستشفى*
عبد الله : انتي اشلون طحتي ؟*
حور : مادري عبدالله انعكفت ريلي وطحت !*
عبد الله : انزين اقولج ترا ماراح اقدر اردج البيت*
حور برد متسرع : لييش! انا منو بيردني بتخليني مني بروحي حرام عليك وهذا وانا اختك*
عبدالله : يالهبله انتي اشفيج كليتيني بقشوري انا قلت ماراح اقدر اردج البيت لان عندي شغل بالموقع وباخذج معاي مناك يالمطفووقه*
وهذا الي صار راحت حور مع اخوها عبد الله للدوام وقعدت بمكتبه على ما يرجع ، بهالفتره كانت حور قاعده تفكر بالشاب الي امس لانه شغل بالها ، اشوي ولا ينفتح الباب وتشوف الي كانت قاعده تفكر فيه يدخل من الباب جنه طلع من افكارها وتجسد جدامها بالبدايه عبالها ان كل هذا خيال وما استوعبت انه واقع الا لمن كلمها*
مشاري : انتي شتوين اهني؟؟*
حور: انا طحت واخوي يابني هني !
مشاري : اخوج ؟ منو اخوج؟*
حور: عبدالله *
ابتسم مشاري: وليش يابج مني عباله مستشفى !
حوربكل برائه: لا بس اهو قالي عنده شغل وماقدر يردني البيت*
مشاري: *اها وانتي اشلون طحتي ؟*
حور : امممممم أ... ا... ليش تسأل ؟ اصلاً انا ماعرفك ولا انت تعرفني ..
بهالحظه بالذات دخل عبدالله وقال: حور اييبلج شي تاكلينه ؟؟... اوه مشاري انت اهني انا صارلي ساعه ادور عليك اقولك وين حطيت المخطط مال المشروع ؟؟*
مشاري : عند بوصالح ما عطاك اياه ؟؟*
عبدالله : والله ما سألته اللحين اروح له .. حور خلج هني على ما ارجع ماراح اطول*
حور : اوك*
وطلع عبدالله من الغرفه*
مشاري : عيل اسمج حور ؟! .. وبداخله( لايق عليج الاسم )*
حور بخجل : اي وانت اسمك مشاري ، ابتسم مشاري وكانت ابتسامته ردت فعل لمن اسمع اسمه على لسان حور حس ان اسمه وااااااااااااااااااااااايد حلو فرد مشاري: ممكن طلب ؟ حور: تفضل! مشاري: ممكن رقمج اممم انا امس مسكتج بالعرس عشان ماتطيحين وهم طحتي
فحاب اتطمن عليج بين فتره وفتره .. *حور: أ..اا.. اوكي لكن بس مسجات ، مشاري : اي اكييد ، عطت حور رقمها حق مشاري واهو بعد عطى رقمة حق حور وبعدها كل واحد رجع بيته لكن مشاري لمن رجع البيت ما قدر يرتاح ولا ساعه والسبب.....ام احمد( ام مشاري) : مشاري وينك يمه تأخرت تعال الحق علينا !!
مشاري : خير يمه اشصاير ؟؟!*
ام احمد : اختك ليلى متهاوشه مع زوجها وخامه قشها ويايه وانا خايفه لا ابوك يدري ويروح يتهاوش مع سعود زوجها وتكبر السالفه .. عفيه يمه نظر عيني انت .. انت اقرب واحد حق اختك روح شوف شعلتها وردها حق زوجها قبل ما تكبر السالفه*
مشاري: ان شاء الله عشانج ولا ليلو انا مليت منها ومن دلعها لو زوجتي جان من زمان مطلقها ومفتك
ام احمد: ادري يمه اختك مطفوقه بس بعد شسوي فيها عنيده وراسها يابس*
صعد مشاري حق اخته ليلي ((ليلي بنت بين ثلاث صبيان عشان جذي اهي وااايد دلوعه ودايما تسوي من الحبه قبه واهي تحب مشاري اكثر واحد من بين اخوانها لان مشاري حنوون ويعرف لها ))*
طق مشاري الباب على اخته ..مشاري: ممكن ادخل؟*
ليلي: تفضل*
مشاري: ها يقولون المدام ليلى مقيمه عندنا اليوم ؟؟*
ليلى : اي اليوم وكل يوم انا مستحيل ارجع له*
مشاري: افا ليش اهو شنو مسوي ؟؟*
ليلى : تصور يا مشاري موراضي يشتريلي سياره يديده .. انا ليلى يبخل علي بسياره ام 17 الف ..
مشاري: بس سيارتج توها يديده ماصار لها سبع شهور ما مداج تملين منها .. بعدين هذا مو سبب يخليج تهدين بيتج وتيين بيت ابوج.. وفي هاللحظه رن تلفون مشاري ....
مشاري: الو ...*
سعود: قوه مشاري اقدر اكلمك ؟؟*
مشاري: اي ياهلا سعود(( لمن سمعت ليلى اسم سعود نقزت من مكانها وحاولت انها تخفي فرحتها بس مشاري شافها )) اكيد تقدر وين تبيني اشوفك؟؟ اووك يلا سلام*
وطلع مشاري من غرفه اخته وراح عشان يلاقي زوج اخته ....*
اما حور ......،
روئ: انتي متى طحتي اليوم الصبح مافيج شي.. بعدين متى مداج تطلعين من المدرسه ؟ مصييبه مسرع ما دخلتي ومسرع ما طلعتي ..*
حور: وااي انتي اخت انتي هذا بدل لا تقولين لي سلامتج ماتشوفين شر ياختي .. قاعده تحسديني على طيحتي.. وبهاللحظه دخلت عليهم ام عبدالله ..
ام عبد الله : ها حور يمه اشلون صرتي اللحين ؟؟ ليش مادقيتي علي عشان اخذج من المدرسه ؟؟
حور: الحمد الله يمه احسن .والله مادري عبدالله كان توه موصلنا عشان جذي اول ماطرى ببالي اهو*
روئ: يماا ليش حور اليوم غابت انا بعد بغيب مالي شغل*
ام عبدالله: اكلي تبن اختج تعبانه انتي شكو تغيبين بعدين انتي عندج امتحانات انثبري وقعدي درسي .. يمه حور ترا عمامج وعماتج بييون اليوم على العشا عشان يتطمنون عليج خلج مستعده ..،
روئ: ايي خلج مستعده حق حبيب القلب*
ام عبدالله :: جب جبج الله انتي لسانج يبيله قص قومي درسي احسن لج من طولت اللسان هذي ..،*
وصار الليل ويو عمات وعمام حور(( نبذه عنهم : عمتها سلوى عمتها العوده ماتحب ام حور ولا تحب حور وخواتها عشان جذي كانت دايما تقط حجي مثل السم عليهم ودايماً تتفلسف ،،، عمتهم ناديه العمه الوسطيه و كانت تمووووت عليهم ( ام عبدالله وبناتها) واهم بعد كانو يحبونها ،،، عمهم خالد عمهم الكبير وكان من النوع الحنون والطيب بس مافي علاقه قويه بينهم وبينه ،، عمهم حسن كان هالعم طييب وحبووب وكان على علاقه وثيقه ببيت بوعبدالله،، عمهم حسين كان اصغر عمامهم وكان ميانه معاهم اصلا كان مثل اخوهم لانه اكبر من عبدالله ب5 سنين بس ،،، اما فيصل فكان ولد خالد العود وكان شخصيه ومركز والاهم انه كان يحب حور بس حور تعتبره مثل اخوها اما اختها جمانه كانت تحب فيصل بس اهو مادرى عنها ))*
.. طق طق .. *حور: تفضل *،، جمانه : يلا وينج قاعدين يسألون عنج ( وطالعت اختها بنظره حقد لان حور طالعه مثل القمر من غير ماتحط شي على وييها )) ... نزلت حور مع اختها جمانه وبدت تسلم على الموجودين واولهم عمتها سلوى ..، سلوى: هلا هلا سلامات عسى ماشر ؟ اشلون طحتي ؟؟ ..، حور: الله يسلمج عمة ا..اا وحده من البنات دزتني من غير ماتقصد..!،، سلوى : اي اكيد تطرين اذا احد هفج من ضعفج جنج مومياء شنو امج ماتعطيج اكل ؟؟ ام عبدالله: والله يا ام ناصر اشكثر اقولها اكلي ماتاكل تعبت معاها وبعدين قمت اسكت عنها بيني وبنج ،،والضعف احسن بوايد من المتن الله يكفينه شره ( طبعاً نغزه على بنت سلوى البطه ) ..، ناديه : سلامات يالغالي سلامات * بعد عمري ماتشوفين شر ..، حور : الله يسلمج عمه حبيبتي ....، اشلونك عمي خالد ؟ ..، خالد : هلا بنيتي بخير الله يسلمج الا ام عبدالله بوعبدالله ما اتصل فيكم من هناك؟ ..، ام عبد الله: امبلا والله اتصل ويسلم عليكم وايد وايد.. خالد: ايه الله يسلمه ام عبدالله اذا بغيتوا شي ترا انا حاضر وبالخدمه ..، ام عبدالله: مشكور بوفيصل ماتقصر .. حور: سلام فيصل اشلونك؟ .. فيصل وعيونه ما فارقتها من نزلت : الله يسلمج( بداخله حبيبتي) انتي اشلونج سلامتج( عسى فيني ولا فيج) اشلون طحتي ؟ .. حور بخجل من نظراته : أ..ا .مم مادري قلت لك وحده دزتني من غير قصد . ،،،.. حطو العشى والكل كان لاهي ولا يرن تلفون حور ... والمتصل ... مشاري ...!*
حور : الو ..!
مشاري : انا اسف .. انا ادري اتفقنا على مسجات .. بس ماقدرت امنع نفسي !*
حور: أ..ا..امم
مشاري: اشلونج اللحين ان شاء الله احسن ؟؟*
حور: أ...ا.. الحمد الله *احسن شكراً على اتصال......... ،، ولا صوت من وراها !! منو تكلمين؟؟ بهاللحظه حست حور ان الدم نشف بعروقها .. وتلتفت .........،،،،،
