زمـــن

[سلمى الخير]

امبيه يابنات

معقوله الزمن يتغير خلال 10 سنين بس

يعني

بنات العشرينات مو نفس بنات الثلاثينات

معقوله

اي معقوله

شفتها من واقع حياه

من ردود البنات

معقوله بنات الثلاثنيات يمتلكون من العقل والرزانه مايميزهم عن جيل العشرينات ؟؟

معقوله جيل العشرينات جيل لامسئول

واذا حملتيه مسئوليه اضرب واعتصم وتحلطم

بقولكم الفرق

جيل الثلاينات ترضى بالمقسوم وترضى باي شي بيت على قدها تسافر ماتسافر عادي

مستحمله واي شي يسعدها

مساهمه وفعاله بالمجتمع تركض بايدها وريولها لتحقيق رزقها

جيل العشرينات دايما مطنقره وماتقبل باقل من دوله اوربيه واذا ودها شرق اسيويه او عربية

شافت غيرها من بنات جيلها وقارنت وحست انها محبطه الخ الخ

مالها شغل الا بنفسها وحتى اذا عندها مبلغ ممكن تقطه على موبايل يديد !!

جيل الثلاينات طباخات وحوفهم حلو

جيل العشرينات قليل منهم الي تعرف تطبخ ويحبون الوجبات السريعه

جيل الثلاينات اول اهتمامتها عيالها

جيل العشرينات اول اهتمامها نفسها

جيل الثلاثينات جيل كادح وفاهم وذويق

جيل العشرينات جيل اعتمادي ويحب المظاهر

جيل الثلاينات جيل يصبر ع الواقع

جيل العشرينات جيل يرفض الواقع

وهذا سببي زيادة نسبة الطلاق

انتو شرايكم ؟؟

 

[shayom al-q]

مو شرط وايد بنات اعرف بالعشرين من عمرهم ومشالله عليهم هبات ريح وناجحين بدراستهم ومشالله تلقينهم متزوجات
انا اعتقد هالشي يعتمد على التربيه نفسها مو العمر يعني اذا وحده من واهي عمرها 20 مو متحمله المسؤوليه اذا وصلت سن ال30 هم ما راح تتحمل

 

[nsoom777]

موشرط حبيبتي هذا انا ووايد بنات كلنا بالعشرينات والحمدلله عقل وثقل وقناعة باللي الله كاتبة لنا ومتحملين مسئولية البيت والعيال وتدريسهم وندلع نفسنا بمعاشنا اللي من تعبنا ان ماتدلعنا واستانسنا اليوم متى بنستانس بس مومعنات هذا اننا مبذرين وماعندنا احساس بالمسئولية والواجبات وبالنسبه للسفر موشي اساسي اذا حصلت لنا وكانت ظروفنا تساعد ليش لأ واذا مانقدر مولازم
وانا اشوف هالشي يعتمد على تربية البنت وشخصيتها والمحيط اللي عايشة فية

وصج ترى بنات العشرينات بعد مدة يصيرون بنات الثلاثينات ومن شب على شيء شاب علية

وتقبلي مروري مع فائق احترامي

 

[ما في مثلهااا]

مو شرط في بنات بالثلاثين ويتصرفون كانهم تحت العشرين

 

[ام فطوووم]

مووووووووووووووووووشرط
انه وين ووين اسافر وعمري ماحنيت عالسفر
انه يوميا ادش المطبخ
محد يشتري ماجله البيت غيري
محد اذا اخترب شي بالبيت وقلبه حااااااار واول اباول غيري انه
ومحد كثري ايجابل بنته واذا طلعت خذيتها معاي وقلبي مايطاوعني اخلليها بروحها
محد كثري ايفضل ريله وعياله كثري
لامشتريات ولالبس الا لمن اشوف ريلي وعيالي شاريين قبلي
لدرجه لادخلت السوق اتحسف اشتري حق نفسي ومن اشوف شي حق ريلي او بنتي الا ركضت وشريته
وماشريت حق نفسي
ومن تزوجت عمري لافكرت لابماركات ولاذهب ولا ... ولا .. .

اعتقد كااااااااااااااااااافي

مع ان معاشي ومعاش ريلي ايغطينا وزود
الحمدلله ووايد بنات اعرفهم نفسي بس الله ليلحين مارزقهم بعيال اللي ممكن اقول ايفضلون عيالهم على
نفسهم بس حق رياييلهم وبيتم اهم اول نااااااس ايسوونها

<<< تبين زود اقولج قلبي مترووووووووسه :dddds:


بس الحمدلللللللللللللللللللللله مليون مره كفايه راحة البال بالبيت ومع العيال والريل
ترى عمري 22 سنه عشان لاتقولييييييييين بنات العشرينات وبنات الثلاثينات :tomato2:

 

[كيكه توفي]

كلش مو شرط

 

[أم غمااازه]

لا موشرط واايد كبار ومهبل وصغار عاقلين والعكس

 

[حباري المملوحه]

لا حبيتبي ماله شغل
اهو له شغل بركادت البنت :$

 

[أجمل انسانه]

لاااااااااااااااااااااااااا موووشرط <<< ظلمتينا

 

[نــ..الوجود..ـــاادرة]

الزمن عمره مايتغير والله التغير بالبشر مو بالزمن .......؟؟؟؟

 

[نانوة]

لا حبيبتي مو شرط
انا وحدة بالعشرينات الحمدلله قايمة بمسوؤلية بيتي وعيالي واطبخ وانا اربي عيالي ماعتمد على الخدامة مثل غيري بالعكس اعرف وحدة بالثلاثينات الخدامة هي اللي تربي وهي اللي تطبخ
بالعكس اختي موشرط كل وحدة وتربيتها والحمدلله واحنا جيل المستقبل
الثلاثينات

 

["البتول"]

مووووشرط حبيبتي هذا أنا عمري22 وأطبخ وماعندي خدااامه وعندي ولدين وماأسااافر حدي أهلي ومكه عشان أعتمر وراضيه بكل أموري

 

[ام بديير]

مو شرط حبوبه اصابعج مو سوى على حسب الوحده وتفكيرها ,., اهو مو بالعمر ,., ومثل ما قالت كويتيه كل وحده وتربيتها وعلى حسب البيت اللي طالعه منه ..

 

[دلع^مطير]

لا مو شرط في حريم توصل لفوق الاربعينات وهي للحين ما تعرف تطبخ وتبي تسافر وتبي تستانس وتبي تلبس
اتوقع الشخصية اهي اللي تلعب الدور

 

[فـدوه]

أنا مادري ليش إنتي حاطه هالفكرة فبالج!!!!!!!

السنع و العدال و المسؤلية موجودة بكل الأعمار.....
و الإستهتار و الكسل و العوابة هم موجودة بكل الأعمار.......

 

[سمسومه]

لا ياقلبي ... ياحلو كل بناتنا صراحه بنات الكويت مكافحات و قد المسؤليه بمعنى الكلمه

هذا شفتا من واقع حياتي ... ماشالله تبارك الرحمن الله يبارك فيهم و في أعمارهم

موشرط ياقلبي ماشالله أنا أعرف بنات ب 20 ماشالله عليهم كل الزين و السنع عندهم

 

[شنكولة]

لاتعمين
هذا انا من جيل العشرينات وما امدح بنفسي بس الحمدلله اطبخ حتى للحمولة وفيني محاتا موطبيعي وعيالي هم حياتي وعلى فكرة من تزوجت ما سافرت الا مرتين ووين عاد................... هههههههههه
بس الحمدلله راضية