زميلتي ملابسها فاضحة ؟؟؟؟

[اميره1980]

شلونكم حبيباتي و شخباركم

زميلتي بالدوام ملابسها فاضحة و تفشل اهيه مو متحجبة و تلبس نفنوف قصير حيل و مره كانت لابسه قميص شفاف و صدرها مبين من جدام يماااااااااااااااااااا على الفشلة

اليوم مصختها لابسه بنطلون جينز صاك على فخوذها و اللي خبري خبركم بارز و مبين بالتفصيل احنا يا البنات قعدنا نخزها شلون الشباب؟؟
و يا ريت لبسها على سنع جسمها مو متناسق و متينة
بنات لا تفهموني غلط انا مو قاعدة اتظنز عليها بس لان جسمها ما يساعد على هاللبس كلش و يا ريته بس ضيق عوراتها الفوقيه و التحتانيه تبين انا ما ابي اكتب اللفظ الصريح للاماكن بس انتو فاهمين ، انا صاحبه الموضوع مستحيه و الله بس شنو الحل وياها حيل تفشل وديانصحها بس اخاف من رد فعلها يمكن ما تتقبل لان علاقتي فيها سطحية حيل

 

[دنيتى زوجي M]

الله يهديها ان شاءالله ..

 

[lolo style...]

قوليلها اختي لبسج حده ساتر..ماكو افصخ من جذي..؟
ههههههههه والله مادري شقول..
او قوليلها نصيحه اختي لمن تضعفين لبسي لأنه شكله مو حلو جذي..عاد انتي وطريقتج.

 

[Qumaar]

الله يهديها ان شاء الله

 

[PinkY Dreams]

اووووووووه شكثر الي جذي
اتذكر وحده كانت معانا بالمعهد لابسه ليقن ابيض وبلوزه قصيره وصروالها حددددددددددددددددددددددددددددددددددددددددددددددددددددددددددده واضح وطبعا البنات كلهم مستغربين ويطالعونها حتى استاذنا هذا قليل ادب طالعنا شلون نخزها مستغربين منها جان يقولنا عااااااادي عادي خلوها حريه شخصيه مافيها شي خخخخ



قوليلها اشكره الحمدالله والشكر تراج تفشلين وامشي عنها

 

[miss mama]

ترا الله يا كثر هالاشكال بكل زاوية من زوايا الادارات تلقين شكل ونوووع !

تقدرين تكلمين؟ بينكم ميانه؟ تكلمي او شوفي احد عزيز عليها او يقدر يتكلم واهي تتفهم وتاخذ الكلام منه عادي

اما اذا -
ماكو ميانه وخري عنها = لانه بالنهاية هالاشكال يبلشووونج بمشاكل وتطلع اهي بالزينه و تخلي لج الشينه واخرتها تدوووووووووورين نقل خخخخخخخخ


ادعيلها بالهداية ...

 

[غزلان]

كيفها شعلينا فيها
اخاف تكلمينها الحين محد يتقبل النصيحه تهب بوجهج وتطيح حطج مناتسوى عليج

 

[frketa1]

حبيبتي ليش انتي مفتشلة اهي المتفصخة ومو هامها وانتي شايلة همها،،

 

[ღ كحلاء العين ღ]

؛

آلسسلآم عليكم ورحمة آلله وبركآته


مو لآزمـ تنصحينهآ مبآشرهـ في طرق غير مبآشرهـ و فعآله آكثر ..!



آول شيء صفي النيه و اعزمي إنـج تبينهآ صج تهتدي ..~

و عشآن تآخذين الآجر ..~

في شريط اسمه " و غآرت الحورآء " عجييييييب و ممتع ابــ شكل لآيصدق ..~

للدكتور عبد المحسن الآحمد اشتري منه على عدد البنآت اللي معآج بالقسمـ ..~

مآ يكلفج إن شآء الله بسسّ ابــ ربع دينآر و لو ابــ عشرهـ اخذيه ..~



و لآ تنسين اخذي لج بعد لآنه كنز و لآزمـ يكون عند كل بنت ..~



المهـمـ الله يسلمج على يومـ جيبي هالشريط ..~

و كلمي بنآت قسمج قولي عند لكـمـ شريط اسلآمي بسسّ غير غير ممتع و يونس ..~

و لآزمـ تسمعونه و من كثر مآ آعجبني جبت لكمـ منه للآجر و علشآن بعد رآح يونسكم حييل ..~




و انتي اسمعيه قبل لآ توزعينه .~

لآنه صج يرفع المعنويآت و يعطي رآآآآآآآآحه و تقدرين اتكلمين من كل قلبج ..~

لمآ تبين تشوقين البنآت علشآن يسمعون هالشريط ..~

و إن شآء الله إذآ ربج كآتب لهآ الهدآيه ابــ تهتدي ..~

و بالتوفيق ..~





..[ :eh_s(17): ]..

 

[نـ(المطيري)ـازكـ]

ليش ماحاولتي تكلمينها .. بينج وبينها لا اكثر ..

بضحك وغشمرة .. يعني مثلا ..

فلاانة جسمج وايد حلو وانا خايفة عليج من العين لا تلبسين شي يفصل جسمج تعرفين الناس ماتعطي خير ..

ومن هالحجي ..

 

[[[ عيون جابر ]]]

ميخالف نصيحها الله يهديها بس
قوليلي لها انا لو ما احبج وانتي مثل اختي جان ما اخاف عليج من كلام الناس ومن غضب ربج ميخالف مو متحجبه بس يا كثرهم الي لبسهم ستير وبالهطريقه والتفصخ محد بيفكر انج زينه بالعكس بتيبين السمعه الشينه لروحج وانتي بنت والسمعه تلزق فيج باجر محد يطق بابج
بس بإسلوب حلوو مو بعصبيه

 

[كتكوته ورديه]

انصحيها الله يهديها

 

[مزيونة مكه]

اصبحنا في زمن القابض ع دينه كالقابض ع جمر


نسال الله السلامه وحسن الختام


اختي انصيحها واخلصي النيه لله انصحيها وانتي مبتسمه صدقيني راح تسمع منك

 

[فوشية...]

انا اقول ابعد عن الشر وغني له
وارائنا مختلفه شوفي شنو الانسب لج وسويه

 

[Tutti-Frutti]

قـولـيـلـهـا سـتـري عـلـى روحـج الله يـسـتـر عـلـيـنـا دنـيـا واخـره

لا تـنـصـحـيـنـهـا بـطـريـقـه تـتـنـرفـز منـهـا عـشـان لا تـكـون رد الـفـعـل عـكـسـيـه

او تـدريـن شـلـون

كـتـبـي لـهـا حـديـث او كـلام عـن اهـمـيـه الـسـتـر وجـذي
وحـطـيـه بـمـكـان عـلـى مـكـتـبـهـا

بـيـن كـل فـتـره وفـتـره وسـوي روحـج مـاتـدريـن وتـصـرفـي ويـاهـا عـادي
بـس حـطـيـه بـمـكـان تـشـوفـه

وطـبـعـي الـكـلام احـسـن عـشـان لا تـعـرف الـخـط

 

[عهود الحب]

والله الله يعينكم بنات
والله يعينها على نفسها
ان نصحتيها انصحيها بشكل غير مباشر
يعني لما تصير سوالف بينكم
جيبي طاري يعني مثل ما تقولين الله بنات امس بنت عمي [ مثلا ] تحجبت الله يثبتها و صارت تلبس عباية بعد ماشاءالله
قبل كان لبسها ضييييييق حده حده وكنا ننصحها انه ما يجوز خصوصا دوامها مثل دوامنا مختلط ولبسها يفشل وخصوصا انه مناطق العورة تبين

والله انا دايمن كنت اقولها البنت ما الها الا سمعتها واللبس الساتر زينة للبنت والشباب ينحاشون من البنت الي لبسها فاضح
واللحين الحمدلله البنت حتى شكلها احلوت حيل وتغيرت 180 درجة

انا كتبت لج مثال انتي عاد ضبطي الامور على قد ما تبين



اذا سمعت النصيحة كان الاجر لج
واذا النصيحة ما وصلتها بشكل غير مباشر
عمرها ماراح تسمعها بشكل مباشر
وبنفس الوقت
انتي ما غلطتي عليها ولا احرجتيها ولا سببتي لنفسج احراج ولا شي
وحتى ما تقدر تقول انج كنتي موجهة الكلام لها

عرفتي
والاعماااااال بالنيات وانتي ان شاء الله نيتج زينة و خالصة لوجه الله

 

[فينوس]

الله يهديها

 

[♥√طمـوحي غيـر√♥]

الله يهديها الاشكال هذي منتشره بكل مكان الله يهديهم

 

[happy&single]

أنت حر ما لم تضر >>هذا مبدأ ... ما ضرتج ما عليج منها

والنصيحه تكون بالافعال مو بالاقوال .. صيري القدوة وتقبليها مثل ما اهي
والصاحب ساحب .. صاحبيها وسحبيها لدرب الخير معاج

انما تكلمينها!! لأ برأيي لأن أبسط كلمة بتقولها مـــــالج شغــــل واهي صاجه!!
وهي حرة وبالغة وطالعه من بيتها بهذا الشكل .. يمكن عندهم عادي !؟
الناس أجناس ... الله يهديها .. ويعطيج على قد نيتج

 

[وردة في نهر الزمان]

الله يهديها