زهقت عيشتي وافكر بالطلاق؟

[دلوعة كويتيات]

بنات مشرفات لاتنقلونهة خلوه اهني بليز
انا وايد مهمومه ادعولي الله يريحني ويسخر لي ريلي
بنات احس اني كارهه ريلي مادري ليش وكله اوسوس انه يخوني اسغفرالله
اهو زين معاي يعني عادي كأي زوج
بس يابنات مضايقني حيل
اهو طبيععه عمله يسافر برا وايد هذي وظيفته
ولما يجي من السفر يكون مشتاق بس حق الشسمه؟
يعني العصر نوم ولما يقعد يطلع ما ايي الا نص الليل علشان يبي حاجته وبس؟
وبعدين ينام ويقعد ويطلع وايي بالليل!!!!!!!
يعني احس محليني مكينه اله كل ما اشتهي عفوا ياني؟
اول الزواج ماكان جذي بس الحين متغير مدري فيه
ومرات يسافر لحكم طبيعه عمله ولكنهاطتشف انه يروح بوقت مايكون عنده شغل؟؟؟؟؟؟؟؟؟؟؟؟؟؟؟؟؟
يابنات ابي حلول ابي اشياء تريحني غير الدعاء لان الحكدالله الدعاء ملتزمه فيه
بس انا زهقت وافكر بالطلاق
لاتخلوني بنات

 

[om 7sony]

تعوذي من ابليس حبيبتي
انتي تقولين طبيعه عمله ،، يعني مو بايده يسافر
ودام انه ييج ولهان عليج يعني مو شبعان من هالشغله ،،،، بالتالي ما اتوقع يخونج
حبيبتي هذا ابليس قاعد يلعب بمخج ،،، تعوذي منه
والله يسخر لج زوجج ويتمم عليج يا رب

 

[كتالونيه]

حبيبتي راح انقل الموضوع
للانه مو القسم المناسب
واذا ماتبين نقله راح ينلغي من القسم

 

[السنافيه]

تعوذي من ابليس حبيبتي
انتي تقولين طبيعه عمله ،، يعني مو بايده يسافر
ودام انه ييج ولهان عليج يعني مو شبعان من هالشغله ،،،، بالتالي ما اتوقع يخونج
حبيبتي هذا ابليس قاعد يلعب بمخج ،،، تعوذي منه
والله يسخر لج زوجج ويتمم عليج يا رب

نفس كلامها وكثررري الاستغفارر

 

[دنيا جديدة]

اختي قوي قلبج هذا الشيطان تدرين ان في شيطان موكل خاص للمتزوجين
اشغلي نفسج بوظيفة
استودعي زوجج اللهم استودعك زوجي سبحانك الذي لا تضيع ودائعة
وبصلاتج وبكل وقتي قولي ربي اللهم ارضى عني وعن زوجي

 

[زوجة عزيز]

الله يفرجها عليج

 

[منال $]

حبيبي انتي بنفسك عم تقولي انة بحكم شغلوا
بيسافر كتير
بعد هيك دورك
قوليلي يلة نطلع عالسوق سوا نجيب اغراض للبيت من الجمعية
جيبي فيلم واحضروة بالبيت
حاولي تحمسية لانة يقعد بالبيت

 

[ام حسين 80]

اكيد قبل الزواج عارفه طبيعة عمله يعني ما قص عليج
ليش جذي صايرين على اي سبب تطلقون

 

[دلوعة كويتيات]

بنات احس انه متزوج استغقرالله الشيطان يوسوسلي
كل ما اكلمه يكون نايم ليش مايروح شغله؟
تعبت بنات منه زهقت

 

[ام كوثر2007]

حبيبتي اهو قاعد يعاشرج معنااه مو قاعد يخونج ..


يعني ما يجوز بعد تقولين هالكلام انه يبيج بس حق هالشغله


انتي حلاله اذا ما يالج وين يروح بالله عليج ؟


تعوذي من بليس وقدري طبيعه عمله

وشيلي من راسج فكره الطلاق

وحتي لو تطلقتي بتظمنين انج بتاخذين ريال يجابلج اربع وعشرين ساعه ؟

ترا يا قلبي الرياييل الحين ماكو واحد فيهم فاضي

كلهم دومات واعمال خاصه لهم مثل تجاره او حلال مباشرينه


عينيه علي شغله وخليج له الام اللى تغفر زلات عيالها والاخت الحنونه علي اخوها .. والزوجه الصابره

تعوذي من الشيطان الرجيم .. ترا اكبر فرحه للشيطان اعويذ لله منه اهي الطلاق ..

شغلي دايم قراءن في بيتج ولهي نفسج بأي شي عشان ما تقعدين توسوسين وان شاء الله مافي لا خيانه ولابطيخ


لا توسوسين وعسى الله يمسح علي قلبج ويهديج ..

 

[سمو]

اللهم صل علي محمد وال محمد


عزيزتي لو شفتي مشاكل غيرج بتهون عليج مشكلتج .....تري الكل عنده مشاكل ...ولا تنخدعين باللي تسافر مع ريلها وتطلع وتروح ....ما تدرين ورا الباب شنو اكو من مشاكل

يعني العصر نوم ولما يقعد يطلع ما ايي الا نص الليل علشان يبي حاجته وبس؟

هذا دليل حب ....ودليل انه ما يخونج ...... جان ما همته هالسالفه معاج :eh_s(15):


والله يسهل اموركم يارب ....ويوسع صدرج ...ويفرج كربج ......ولا تفكرين بالطلاق ابدا

 

[om 7sony]

بس حبيبتي
انا عندي تعليق بسيط
مو على كل مشكله ولا احساس قلتي بتطلق
وبيتج تهدينه عشان مجرد احساس؟؟
مو معقوله

 

[قمر كويتي]

الله يهدي سركم ويسخره لج ويسخرج له والله يطمن قلبج عليه بس دام ان اهو زوجك وتقولين ان شغله لازم سفر وكل ماتدقين عليه نايم؟
ليش اهو يسافر يعني مثلا طيار؟؟؟؟
والا مؤتمرات والا شنو ولمه تلقينه نايم ليش ماتسولفين معاه وتقولين له حبيبي ليش مورايح شغلك

 

[DeSeRt RoZe]

الله يهديه ويسخره لج
ويريح قلبج
سافري معاه
وانا اشوف ان مافي شي يدل على انه متزوج

الا اذا كان يمثل انه يبيج عشان لا تشكين فيه
انتي ادرى بهالموضوع
والله يبعد عنكم كل شر

 

[غارقة بأحزانها]

انا خابرتج عروس يديدة يعني توكم متزوجين ليش ماتسافرين معاه دام مو مرتبطة بيهال وجذي
راح تتطمنين وبنفس الوقت تغيير جو وكسر الروتين وانتي حاولي تتكلمين معاه
انج مشتاقتله وتبين وقت مخصص لج طلعات وسينما سفرة خاصة
واذا معاملته زينه معاج ومافي حاجز بينكم وكلي امرج لله ولا تكرهينه فيج ويحس انج مو واثقة فيه
خلي علاقتكم مثل الاصدقاء لا تضايقينه بكثرة الاسئله
وترى انا اعرف اللي يروحون سفرات شغل يكون وقت مخصص باليوم مؤتمر او اجتماع وبعدين يردون فنادقهم فاضين ماعندهم شي
ولا تحاتين ان يكون متزوج
شاللي يخلي معرس جديد يتزوج واذا ايي مشتاق معناته مافي شي
تعوذي من ابليس
واقترحي عليه تروحون عمرة وانتي قوي علاقتج بربج واستودعيه زوجج ماينفع اللي انتي قاعدة تسوينه بنفسج
جذي راح يكون الوضع متوتر وزوجج بيحس ان انتي نكدية ومومقدره شغله
وراح ينفر منج

 

[ام عمار]

لا تفكري بالطلاق

وحاولي تحببيه يقعد معاكي وحببيه في البيت بأساليب كتير

بس لا تفكري ابدا بالطلاق ما في سبب

 

[mmloo7a]

اه من بعض البنات مادري شيبون

لو الزوج مشغول مابيه وبطلق

لو اهيا مشغوله دورات العصر ودوام وتسافر مع اهلها ومخليه ريلها ولمن الريل يحاسبها تقعد تعصب ومومقدرني ولا مقدر شغلي

يعني الوحده لي شافت ريلها مشغول تقول انا فاضيتله لو مشغوله ماتفضي حقه


امبيه ليش جذيه البنات ؟

 

[نشيج الروح]

المسلسلات شكلها حشت مخج وبتخرب بيتج لانج وايد متأثرة فيها
وطبعا الشيطان مستغل احاسيسج ولاعب براسج
الحين بالله عليج دام ما عندج دليل هل من المنطق انج تحطين افتراضات؟
وين الثقة المتبادلة بينكموالي على أساسها بنيتو بيت واخترتيه؟
انتي مو اخترتيه لان صاحب سمعة زينة ؟
الثقة الثقة حبي ولا تنبشين وراه واذا في شي ربي بيكشفه ويحاسبه.
وشي ثاني دام انه يعاشرج هالشي حلو وينحسب له هو صبر هناك لما شاف البنات وحط شهوته فيج مو فيهم .
ولا تبينه يلعب وما يعاشرج كلش عشان يصير طبيعي؟
ترى الريال ماله وقت ولا روتين للمعاشرة متى ما حس بحاجة يالج
وأتوقع في خلل بمعاشرتكم وطريقتها راجعي نفسج
وبالاخير ما فهمت سالفة ما يداوم؟؟؟؟؟
لان لازم يداوم ومجبور

 

[سكوون انثى]

حبيبتي أنتي قلتي إن شغله جذي يسافر وآيد !
ومثل ماقلتي إنه يروح أوقات مافيه شغل يمكن يكمل شغل ولاشي

لاتخلين الشيطان يلعب بمخج , ترى فيه شياطين يفرقون بين الزوج وزوجته ويوسوسون لج

ولو إنه عنده حركات هالسوالف جان ماجالج وهو مشتاق بيكون شبعان من اللي هناك !

 

[Flower20]

الله يهديج تحملي يعني تصيرين مطلقة ولا تصبرين احسن؟
الصبر احسن ان الله مع الصابرين
باجر ربي يرزقج بيبي تلهين معاه وحاولي تلهين نفسج بهوايات مفيدة
وانتي حاولي تحببينه بقعدة البيت لما يكون عندج