السلام عليكم ورحمة الله وبركاته ..
لا إله إلا الله أستغفرك ياربي وأتوب إليك
بأكتب لكم مشكلتي وأتمنى ما تحرموني من آرائكم ونصايحكم
أنا عمري 21 وتملكت على واحد عمره 32 , حبوب ولما سألنا عنه مالقينا إلا كل خير
الي صار انه بعد ملكتي ما طلب رقمي ولا شي (وإحنا بعايلتنا عادي الرجال يكلم زوجته لأن هذا مو حرام وحتى أخواتي كلموا من قبلي ) لكن أهله كانوا رافضين هالشي لكن بعد تلميح من أهلي في الشبكة تنازل وخذ رقمي
وما كان يوصلني منه إلا مسجات وكل يومين مرة وحدة ,لدرجة أني صرت أحسبها وأعرف الأيام الي بيرسل فيها او لا
حتى المسجات صارت روتينية أعرف أيش محتواها وكيف بيكون الرد مني والرد عليه لدرجة أني صرت أحس أنها مثل الواجب عليه يأديه بالوقت وباليوم أسم أنه أرسل لزوجته شي والسلام .
كنت أكتم في خاطري شوقي لسماع كلمات شوق أو حب أو أي شي منه غير الي معودني عليه
بس كنت أمني نفسي وأقول يا بنت ياما عرسان كلموا بعض وكل كلامهم كان زيف وكذب ينقلب عليهم بعد الزواج
الحين ما بقى على زواجي إلا 4 أيام وما أعرف عن هالشخص إلا أسمه وعمله وشكله
حتى عدد أخوانه وخواته ما أعرف ,وش يحب ياكل وش يكره ما أعرف , وين بأسكن أنا وياه بالضبط ما أعرف
مع أن في شغلات في بالي كثير لازم نتفق عليها أنا وياه قبل الزواج ( مثل حبوب منع الحمل ومتى أزور أهلي وأشياء في بالي كثيييييرة أبغى أعرفها من الرجل الي بيشاركني حياتي )
والي شاغل بالي أكثر ما أدري متى بيعطيني مفتاح الشقة مع أنو ما بقى على زواجنا شي وما ابي ألمح لكن والله فيني قهر وحسرة .
أنا مشاعري حاليا متلخبطة ساعات أحس بدمعتي تمشي على خدي وساعات الابتسامة على وجهي
ساعات أحس أني أحمل تجاهه مشاعر بسيطة وساعات أحس ببروووود
ساعات أحس أنه كان قرار صحيح أني أتزوج وساعات احس اني تسرعت
حبيت أفضفض عندكم لعلي ألقى من يهون علي أو يصارحني , هل الي يسويه طبيعي وأيش يدل عليه ؟
ولكم مني جزيل الشكر والعرفان .
لا إله إلا الله أستغفرك ياربي وأتوب إليك
بأكتب لكم مشكلتي وأتمنى ما تحرموني من آرائكم ونصايحكم
أنا عمري 21 وتملكت على واحد عمره 32 , حبوب ولما سألنا عنه مالقينا إلا كل خير
الي صار انه بعد ملكتي ما طلب رقمي ولا شي (وإحنا بعايلتنا عادي الرجال يكلم زوجته لأن هذا مو حرام وحتى أخواتي كلموا من قبلي ) لكن أهله كانوا رافضين هالشي لكن بعد تلميح من أهلي في الشبكة تنازل وخذ رقمي
وما كان يوصلني منه إلا مسجات وكل يومين مرة وحدة ,لدرجة أني صرت أحسبها وأعرف الأيام الي بيرسل فيها او لا
حتى المسجات صارت روتينية أعرف أيش محتواها وكيف بيكون الرد مني والرد عليه لدرجة أني صرت أحس أنها مثل الواجب عليه يأديه بالوقت وباليوم أسم أنه أرسل لزوجته شي والسلام .
كنت أكتم في خاطري شوقي لسماع كلمات شوق أو حب أو أي شي منه غير الي معودني عليه
بس كنت أمني نفسي وأقول يا بنت ياما عرسان كلموا بعض وكل كلامهم كان زيف وكذب ينقلب عليهم بعد الزواج
الحين ما بقى على زواجي إلا 4 أيام وما أعرف عن هالشخص إلا أسمه وعمله وشكله
حتى عدد أخوانه وخواته ما أعرف ,وش يحب ياكل وش يكره ما أعرف , وين بأسكن أنا وياه بالضبط ما أعرف
مع أن في شغلات في بالي كثير لازم نتفق عليها أنا وياه قبل الزواج ( مثل حبوب منع الحمل ومتى أزور أهلي وأشياء في بالي كثيييييرة أبغى أعرفها من الرجل الي بيشاركني حياتي )
والي شاغل بالي أكثر ما أدري متى بيعطيني مفتاح الشقة مع أنو ما بقى على زواجنا شي وما ابي ألمح لكن والله فيني قهر وحسرة .
أنا مشاعري حاليا متلخبطة ساعات أحس بدمعتي تمشي على خدي وساعات الابتسامة على وجهي
ساعات أحس أني أحمل تجاهه مشاعر بسيطة وساعات أحس ببروووود
ساعات أحس أنه كان قرار صحيح أني أتزوج وساعات احس اني تسرعت
حبيت أفضفض عندكم لعلي ألقى من يهون علي أو يصارحني , هل الي يسويه طبيعي وأيش يدل عليه ؟
ولكم مني جزيل الشكر والعرفان .
