زواج الصديقات من اخوان شرأيكم فيه ؟!

[عجميه حلا]

بسم الله الرحمن الرحيم
حبيت في هذا الموضوع نناقش زواج الصديق من اخوان
شنو ايجابياته و شنو سلبياته و اللي عندها تجربه او سمعت
عن مثل هالزواج تشاركنا لا هنتوا حبايبيي
و مشكورين مقدماً

 

[شوق الوليف]

اهم شي تكون صداقتهم حقيقيه مو نفاق
ايجابياته متفاهمين يساعدون بعض يحترمون بعض
سلبياته يعرفون كل شي عن بعض هالشي اشوفه سلبيه لاني من اشد المؤيدين للرسميه مع حريم الحموان بالذات
ومن سلبياته المقارنه اللي ممكن مع الايام تولد الغيره

 

[فوفو22]

اذا كانت علاقتهم بالصداقه حقيقيه وقويه


ما اتوقع لو يتزوجون اخوان يتغيرون على بعض

لانه اهدافهم ومصالحهم مشتركه

ما اعرف نماذج. اعرف العكس صاروا صديقات بعد الزواج باخوان

يعني حريم حما تحولو الى صديقات لتقارب افكارهم واذواقهم

فوفو

 

[صدع القلب]

بالحالتين عادي
ما أدري أحس ماله شغل زوجهم مو واحد وكل وحده بالأخير لها حياتها الخاصة حتى لو كانوا صديقات
إذا كانت صداقتهم حقيقية وقوية بتصير أحسن وبيصيرون أقرب
أما إذا كانت صداقتهم خربوطية كل وحده مع الوقت بتحط حدود وبتصير العلاقة عادية
​

 

[عآليه !]

حالهم حال اي ثنتين ماخذين اخووان ..

وعلى حسب علاقتهم اذا كانت قويه ماعتقد بتأثرر بالعكس بيكونون قراب من بعض أكثر ..

موفقة

 

[الجوهره70]

ما ايد الفكره لانه غيرة مرت الحما راح تخرب الصداقه وهذا غصب عنكم لان اكثر الحريم تغار من مرت الحما

 

[M!SS.LOBY]

اب اب اب

 

[Royof]

عادي ماتفرق بس المثل المركب يمشي بالجارات ولا يمشي بالسلفات >> ممكن الغيره تخرب كل شي ..

 

[طيشن على جديه]

يعني مااظن سبب لازم تفكرون فيه قبل الزواج شعليج منها انتي تزوجتي واهي تزوجت والغيره موجوده بين كل الحريم خوات صديقات جيران حموات البنات طبعهم الغيره عادي ..​

 

[هيبة ملك]

عادي

 

[~ بنت الهدى ~]

عادي

 

[ميممآإ]

ما أيد أبد انا ما خذه أخو رفيقتي بكل بساطه فقدت صديقتي اللي كنت اشكي لها و افضفض لها و هي بعد لان العلاقة بين الحماة و مرت الاخو تجئ فيها حدود نوعا ما

 

[اميره1980]

اذا الخوات ياخذون اخوان يقعدون يتهاوشون و المقارنات بينهم شغالة هههه
الصداقة بعد هالزواجه بتنقلب و الله العالم

 

[عويتقة]

ياربي ارزقني باخو زوج رفيجتي يااارب

 

[رسايل البحر]

اتفق مع هذا الراى تماما
يعني مااظن سبب لازم تفكرون فيه قبل الزواج شعليج منها انتي تزوجتي واهي تزوجت والغيره موجوده بين كل الحريم خوات صديقات جيران حموات البنات طبعهم الغيره عادي .

 

[عن النسآ أفرق ~]

انا مرت حماي كنت اعرفها من الثانوي و صرنا بكليه وحده
صج ما كانت رفيجتي الخاصه ولا من القراب حيل
بس عادي بالعكس وناسه اذا قعدنا مع بعض فيه شي نسولف فيه
واذا عن الغيره ابدا والله ما أغار
الوضع عندي عادي
بالعكس بس ما أبالغ بالصكحاقه لكل شي حدود
الحمدلله محترمين بعض وحياتنا ماشيه بفضل ربي
وحتى لو.بتكون رفيجتي الخاصه والله اونس واونس
بالعكس بتكون علاقتي فيها خارج عن علاقتي بزوجي
اذا الوحده طبعها تقارن و غيرتها زايده يمكن اهنيه تكون المشكله
بس هي لها حياتها وانا لي حياتي
مرات نروح الكليه مع بعض و تلحياة حلوه

الله لا يغير حياتي الا للأحسن

 

[نـعـومـه]

اعرف وحده تزوجت ولد عمها واخته صديقتها قبل لا تاخذه يعني بنت عمها وصديقتها وعلاقه قوبه مع بعض وخذت اخوها والله ماكتب ان يستمرون ونفصلو

وطبعا مايكلمون بعض الحين وعلاقتهم نقطعت

 

[أم يزيد &سديم&]

ما أعرف ولا عندي رأي وشكرا

 

[الغضى]

عادي مره حالها حال اي مرة حما
والصداقة اذا صج قوية راح تمشين وياها
واذا لا بتصير مرة حما فقط.

 

[الغضى]

والناس عادي تاخذ خوات تاخذ بنات عم بنات خال بنات اخت
هذي اذا حمولة كبيره عادي ياخذون من بعض وعادي لو تصير لج
وبالعكس تعرفج وتعرفينها احسن من الغريبة
لا تفكرين فيها بالسلبية