زوجة صديقه !!

[أوريانتيا]

مرحباا بنوتاات ،،

في سالفة صادمتني بقوووة بعد

مادري اذا مر عليكم هالشي او لاء بس لاني اول مرة اسمع بشي جذي فمنصدمه

واحد يصير صديق العائلة نعرف من زمان انه اهوا متزوج ثنتين بس الي توووي عارفته من عمتي انه زوجته الثانيية
كانت زوجة صديقه الصدوق !! وعندها ثلاثة عيال من صديقه يمكن 4 بعد موو شووي يعني ومو صغيره اهيا يعني المفروض عاقله
وانه صار من بينهم قصة حب وتطلقت من صديقه وتزووجته متخيليييييين
والحين اهوا يربي عيال صديقه

وشلون نشأت قصة الحب انهم كانوا دايما يطلعون خلط الاصدقاء بالزوجات وجذي شوي شوي كبرت العلاقه !!

يعني بصراحة وحده ماخذه زوج صديقتها مانستغرب صرنا بسسس زوجة صديقه !!!!
مادري شنو شعور الصديق الي خسر اثنين مرة وحده
صراحه مستغربه الواحد صار مايثق بأحد :flower:


الي ابي اعرفه شنو علاقتكم باصدقاء ازواجكم يعني تعرفونهم تقعدون معاهم تطلعون معاهم كجماعه
اجوف لانه وايدد بنات جذي اولهم رفيجتي طلعاااتها مع زوجها على طووول جذي انه مع ربعه وزوجاتهم وكلهم يقعدون مع بعض وسوالف وقهاوي وشيشه والميانه طايحه والحياة حلوة مادري شلوون
حمدلله انا خطيبي كلش مايعجبه جذي ..

 

[Tulips]

رد : زوجة صديقه !!

الحمدلله الذي عافانا

حبيبتي البيوت اسرار وتصير بلاوي محد يدري عنها حتى اللي بالبيت نفسهم

اما اللي يرضى زوجته تقعد مع ربعه وتطقها ضحك وسوالف فهذا بالكويتي مو ريال

الله يستر من هالناس

 

[TamraBarney]

رد : زوجة صديقه !!

الحمد لله الذي عافانا مما ابتلاهم وفضلنا على كثير من خلقه تفضيلا كثيرا


شكل الرجال عيونه زايغه من الاصل وهي ماحافظت على نفسها وعلى علاقتها بزوجها وصارت تطالع لبرا واول واحد طاحت عينها عليه صديق زوجها

والله الواحد صار يسمع قصص عجيبه غريبه كأننا في اوروبا مو دول اسلاميه محافظه مدري شصاير للناس


​

 

[monmon12]

اذا طلق اختها وتاخذ ريلها عاادي صار

هالمرة صديق ريفيجها

عااادي عاادي 2010 احنااا اشفيكم هذي الحياة الخايسة الحين

 

[*peace*]

رد : زوجة صديقه !!

لاحول ولاقوة الا بالله

الله لايبلانا يارب

 

[love love]

صديق ريلي الصدووق اهو نفسه ريل اختي

فاطلع عادي لانها اختي وهذا ريلها

وفي رفيج واحد بسسسسسسسس الي يسمحون نطلع مع مرته ويصير الرياييل بروح واحنا الحريم برووح اما اي واحد ثاني يعتذروون


وبما اني الحين بالغربه في اثنين ويانا بس ليلحين ماصار لا طلعات ولا سفرات داخليه
بس الي متربي عدل هالاشياء ماتهزه قطع ماكو الا رفيج ريلي

هذي اصلا وصخه ولا جان ماطالعت ارفيج ريلها

 

[DốǾốDї]

واااي اي شييي

امممم مادري ما احب هالنووع من الطلعات استملقهاا حدي لووول شكوووو اطلع ويا رفيج ريلي ومرته ماكو شغل @@

 

[هرانية وأفتخر]

رد : زوجة صديقه !!

ربع ريلي ما اشوفهم ولو بسوق ولا جمعية بصدفة ريلي يشوف واحد من ربعه
.. يعطيني خزه اروووووووووووح آآآآآخر الممر ...:RoadRunner::RoadRunner::RoadRunner::RoadRunner:


بس على طاري هالبنت عادي

الخبيثون للخبيثات ..


هرانية وأفتخر​

 

[M!sS v!P]

شهالحاله ياااربي

إي فيي

بس الحمدلله انا وزوجي مو من هالنوووع لا انا ولا اهوو مانحب

وزوجاتهم اصلا مالي علاقه فيهم ولاعمري شفتهم


والحمدلله الذي عافانا من ما ابتلاهم

 

[noo7a]

الله لايبلانا يارب

 

[جوري الجبيل]

اللهــم اجــرنــآ ولاتبــتليــنا

 

[!الجادل الصعب!]

رد : زوجة صديقه !!

آخوانه ماقعد معآهم هالمره ربعه وحريمهم ..!

 

[مطيرية متواضعة]

حتى القعدة الجماعية بين الآهل زوجي يشوف زوجة اخوة والعكس

هم بعد خطييييييرة والدين الاسلامي نهانا عن هذا وقال الحمو الموووت يعني حمااج

فمابالج بالصديق الي يشوف زوجتك ورسمت ضحكتها اعوذ بالله واعتقد الي زوجتة تركته وتزوجت رفيجة

ضعييف شخصية لهدرجة اطلقها واخلي عيالي عنده بعد ماتزوجت تربيهم لاحول ولاوة الا بالله العلي العظيم (( والديوث لايشم رائحة الجنة)) الي مايغاار على محارمة

ثانيا شلون تسمينة صديق العائلة هذا حشاكم حقييييييير ومافية اي نوع من انواع الكرامة ولا الشهامة وينخاف منة الله لايوفقة

 

[one two 3]

ما ترافجون حريم ربع ريلج؟؟

 

[جوري الكويت]

رد : زوجة صديقه !!

عيل سمعي هالسالفه اللي سمعتها ... و اعرف صاحبه القصه

وحده كانت تحب واحد و ما خذاها

قامت رافجت اخوه و خذته عناد بأخوه


الحمدالله ما عندنا جذي و لا اشوف ربعه اصلا

 

[لوازم العائلة]

لاحول ولاة الا بالله

 

[ام جودي الحلوه]

رد : زوجة صديقه !!

دنيا غريبه توقعي الا موتوقع الله يستر علينا دنيا واخره يارب وصدقت اللي قالت الخبيثون للخبيثات

 

[*سوسو ستار*]

لاحول ولا قوة الا بالله



الله لايبلانا

 

[الاحساس والطيبة]

رد : زوجة صديقه !!

اعرف ربعه بس بالاسم ولما يسولف عنهم بس اما روحه وطلعه معاهم مستحيل

 

[نبض انثى]

لاحوووول ولاقوة الا بالله

الله لايبلاناا يااارب ,,