زوجج فيه سكري!

[عسوله مطيريه]

مرحباً ....بدش بالموضوع >انا مملجه والي مملجه عليه فيه سكر من واهو صغير وأبي معلومات عن كل شي للي عندهم خبره او متزوجه واحد فيه سكر:eh_s(7):يعطيكم العافيه

 

[نونه المنكوشه]

والله ماعندي فكره والله يوفقج ويتمم عليج بكل خير

 

[كليـ دلعـ]

يفيدوونج البنات


ااااب

 

[حبيبي مالكني]

ان شاء الله بنات بفيدونج
بس الي اقدر اقولج اياه ان حياته طبيعية وكثلنه بس يبيله يهتم بصحته ونوعية اكلة اكثر شوي

 

[سندس 90]

اب اب

 

[أروح فدوه لك]

الله يبارك لكم وخليكم لبعض ان شاءالله البنات مايقصرون عنج

 

[ديانا سبنسر]

اسألي الدكتور. راح يفيدج أكثر والله يوفقج

 

[Perfume]

حبيبتي بكون ياخذ ابر انسولين ولازم يهتم بأكله وما يكثر نشويات وسكريات
وفيه مضاعفات لمرض السكر تصير اذا كان يهمل العلاج او مع الزمن لما يصير المرض مزمن
المرض يأثر على شبكية العين وعلى القدمين ، لازم يسوي فحص للعيون بشكل دوري ولازم يهتم بنظافة القدمين وما يمشي حافي عشان ما يحوشه شي حاد او ضربة خفيفة لانه مرضى السكر يقل عندهم الاحساس وممكن تحوشه ضربة واهوا ما يحس
وفي مضاعفات الكثير يجهلها مثل العجز الجنسي

 

[Patcholli]

للرفع حبيبتي ماعندي فكره بس اللي اعرفه ان السكر درجات في سكر خفيف وفي حالتهم متطوره

 

[Perfume]

حبيبتي بكون ياخذ ابر انسولين ولازم يهتم بأكله وما يكثر نشويات وسكريات
وفيه مضاعفات لمرض السكر تصير اذا كان يهمل العلاج او مع الزمن لما يصير المرض مزمن
المرض يأثر على شبكية العين وعلى القدمين ، لازم يسوي فحص للعيون بشكل دوري ولازم يهتم بنظافة القدمين وما يمشي حافي عشان ما يحوشه شي حاد او ضربة خفيفة لانه مرضى السكر يقل عندهم الاحساس وممكن تحوشه ضربة واهوا ما يحس
وفي مضاعفات الكثير يجهلها مثل العجز الجنسي

 

[قطوووة]

حبيبتي انا صيدلانية وعمري 25 وعندي سكري بالوراثة

في نوعين للسكر ..النوع الاول الابر ( الانسولين )

والنوع الثاني الحبوب ..

النوع الثاني اهون شوي من الاول


لكن بكل حال من الاحوال .. السكري مثل الصديق
تدارينه وتحرصين عليه يداريج
تكشتين فيه يلعن خيرج ههههههههه

اذا ملتزم بعلاجة وجرعاته ان شاء الله ماكو خوف


واقري عن الاسعافات الاولية بخصوص السكري


ولاتحاتين ترى 80% من الكويتين فيهم سكر الموضوع عادي وكل يوم نصرف ادوية وعلاجات سكر

الحمدالله ع كل حال

 

[ام حسين 80]

السكر يختلف من شخص الى شخص و اذا كان مهتم بمرضه او كاشت و ما ياخذ علاج و ما يداري نفسه
السكر مرض مو عادي و يأثر على كل شي بالانسان حتى بالجنس
انا اسفة حبيبتي ما ابي اخرعج بس ان شاء الله خطيبج يكون مهتم بنفسه و يعالج نفسه بانتظام
موفقة

 

[نور وشموع]

الله يشافية ويعافية وتتزجون وتعيشون احلي عيشة

 

[نور وشموع]

اي نسيت اقولج عمي فية سكر الله يشفية وماثر علي النظر

 

[aloooya]

اب اب

 

[دلال و غلا]

الله يوفقكم

 

[رنيم الروح]

حبيبتي الي عنده سكر مثلنا تقريبا كل الي يبيه اهتمام بنوعية الاكل والراحه النفسيه
وملاحظه -ترا مريض السكر يشعر على طول في الارق والتعب ودائما يقولك جسمه يعوره لانه السكر يتعب العضلات اشوي
والاهتمام ايضا بصحته من ناحية يتجنب الاشياء الي ممكن تسبب جروح اله لانه اي جرح مايبرى بسرعه وممكن يكون ملوث ويسبب غرغرينه الله يبعد الشر يعني يحاول يبتعد وينتبه حق نفسه
ويفضل يمشي بكثر عشان يحرق السكر ويكثر من شرب الماء ياخذ حصه من الفواكه وخاصة التفاح الاخضر يوميا لانه بتعوضه بالفتامين و اذا عنده نسبة كالسترول راح يساعد على تقليل النسبه
خلي معه احتياط دائما في جيبه قطعة حلاوه صغيره عشان لو لا قدر الله ينزل السكر معاه وحس بالدوار والرعشه والتعرق ياخذها مباشره0
التقليل من تناول الحوم الحمراء لانه نسبة الدهون المشبعه عاليه فيها والدهون المشبعه مرتبطه مع السكرممكن ياكلها لكن بقله افضل شي الحوم البيضاء
وخلي دائما وجبات اضافيه اتكون خفيفه وصحيه بين الوجبات مثل سااندوتشات من دقيق البر مع العصير الطازج وقت المغرب او اتكون على الساعه 11 الصبح او ممكن اتكون فواكه وجميعها مناسبه وسكرها طبيعي ويروح مايضل بالجسم ماعدا البطيخ وانواعه لانه نسب السكرفيه عاليه
خلي وجباته متقاربه ومابينها وقت طويل مثلنا لانه يحس بالجوع بسرعه مريض السكر
خلي وجباته دائما حميه مناسبه ماعدا يوم في الاسبوع يكسر النظام لانه اذا استمر على طول وماكسره ماراح يفيده بعدين وهذا في حالة انه ياخذ حبوب مو ابر ويتناول اي شي مثل الارز والمعكرونه والخبز الابيض - بستثناء الحلويات والسكريات ممنوعه دائما لا في حالة نزول السكر ياخذ قطعه

وبالنسبه حق العلاقه -راح يكون عنده نسبة ضعف بسيطه وتزيد كل ما اهمل بصحته وتقدم بالعمر
واتمنى افدتك وماطولت عليك هههههه

 

[جذابه بنت ذيابه]

الله يشفيه ويعافيه



الحمدالله على كل حال لابد كل انسان يشتكي من شي معين يالله لك الحمد واسالي دكتور عن حالته وان شاء الله مافيه شي

 

[mi corazon]

مبروك حبيبتي

 

[عسوله مطيريه]

ماقصرتو جعل ربي يرزقكم ويوفقكم وين مار