زوجـــــــــــي والإهمــــال ...

[alsultana]

السلام عليكم ...

ماكتبت هالموضوع الا لأني مليت من حالتي ..

انا صارلي متزوجه تقريبا سنتين وعلاقتي مع زوجي مو عاجبتني مااحسه يهتم فيني كزوجه :eh_s(2):
ماحسه يبادلني المشاعر مايلمني مايقولي كلام حلو مايبوسني حتى رسايل مايرسلي شي حلو مع اني انا اسويله كل هدا بس مافي تبادل مشاعر .. بس وقت مايبي الشسمه يجي يلملمني يعني تقريبا وقت حاجته لي ...
وهالشي مضايقني حييل ..

شورو علي وش اسوي معه انا محتاجه انسان يهتم فيني كم مرا المح له بس يقولي مايحتاج اقولك المحبه بالقلب !!
يعني الزوجه ازا ماحصلت الاهتمام من زوجها لمين تروح ؟؟ !!

 

[am faisal]

حبيبتى عمر الحب ما كان كلام حلو وبس
كل البنات انخدعو باسم الحب لانهم شرو كلام وكلام فقط
الحب موقف
الحب وقفة
الحب ثقة
الحب شىء كبير وقد تكفى نظرة تقولك كل شى فى وقت انتى محتاجة
تفهمين شتعنى هالنظرة

 

[لوفيه]

انا مثلج بالضبط والله

بس شنو سويت عشان ارتاح وما اتعب تفكيري

كبرت عقلي واقول حق نفسي كلام يصبرني

الحياة ضغوطات

ما ادقق ليش اليوم ما باسني او لمني او حتى قالي كلمه حلوه

لان انا بعد تحوشني اوقات ودي انام عالارض من كثر الضغط اللي علي ومسكين اهو اللي احط حرتي فيه

طووووفي لا توقفين على كل نقطه بيشيب راسج

ادعيله وعيشي لنفسج وعيالج عودي نفسج فيه وبدونه

 

[جمان]

إذا مافاد وياه التلميح ,, صارحيه

مافيه أحلى من الصراحــة

 

[مريم القلاف]

أهم شي الأفعال تبين الحب مو شرط أقولج كلام حلو
واذا تبينه أبدي أنتي أول عوديه
اذا رجع من الدوام لميه وقوليله مشتاقتلك
بين فتره وفتره قوليله أحبك
أهتمي بلبسه مدحيه يستانسون عالمدح ههه
أول مايقعد من النووم يلقى ورده وناسه ريلي سوه هالحركه وستانست واايد
​

 

[شادن33]

حبيبتي مع الايام تقدرين تغيرين منه
شوفي اسلوبج يمكن يكون في شي غلط
يمكن تنتقدينه لما اتسولفين معاه
يمكن موحاسه فيه عند مشاكل وبعيد عنج وما يقولج
خلج انتي القريبه شوفي شلي يحبه وسويه عشان ايسوي اللي تحبينه

 

[مشتاقة الى الله]

نفس كلام شادن

حبيبتي يمكن المشكلة فيج انتي...اول ايامي كنت كله بس طايحة بالمنتدى واتذمر ريلي وريلي والاهمال بس اكتشفت ان المفتاح بيدي اشياء كثيرة كنت اسويها وكانت على بالي انها راح تصلح وتصحح الخطا بس طلعت انا الغلطانة يعني هالافكار دمرتني ودمرت نفسيتي وبعد كذا راجعت كل خطوة وحركة اسويها وبديت افصل المواضيع واكتشف ويش يحب وويش يضايقه المهم يعني جلست جلسة مع نفسي واكتشف الاخطاء والحين اتجنب الحركات والافعال والاقوال كنت اسويها والحمدلله اموري تتعدل وتتغير لصالحي وصالحه والله يهدي سرج ويفك كربتج

 

[حجيه هيونه]

الريال بعد الزواج يتغير نظرته للحب مو نفس ايام الخطوبة

 

[DO7AWE]

كل الرجاجيل جذي بس احنا متأثرين به المسلسلات وعبأ لنا ان أزواجنا ناقصين
أنا زوجي جذي وعمري ما سمعت منه كلام غزل بس وقت الحاجة والله قبل فتره ترقدت بالطبيب حتي بجي بكي علي ولمن تعافيت رد لعوايده
خخخخخخ العبره ان الحب يبين بالمواقف والله يهديهم لناااا يااارب

 

[نعوووووومه]

اب اب

 

[لمى الهاجري]

رجال شرقي مو متعود على هالسوالف يالله الحمد لله على كل حال والحياة ضغوطات وشغل

 

[KOKO_284I]

اغلب الرياييل جذي ومع الاستمرار راح يتغير توج عرووووووووووووس سنتين يعني توكم معاريس طولي بالج

 

[Patcholli]

بالنسبه لي شرط اتي اسمع كلام حلو ..!!

كل زوجه تحتاج تسمع كلام حلو مو بس كل زوجه كل انثى بهالدنيا تحتاج تسمع كلام حلو

من جذي تشوفون البنات يكونون علاقات بالحرام يبون يشبعون هالعاطفه الي فيهم ..

فمابالج بانسان انا عايشه معاه تحت سقف واحد واخترته من بين كل الناس بالحلال .. اذا ماسمعه منه بسمعه من منو ؟؟

انطر واحد بالشارع يقط علي كلمه حلوه عشان استانس واتشقق واقول الله انا حلوه ؟؟

المفروض الزوج يسمع زوجته كلام حلو حتى لو كان مو مقصر بالفعل وين المانع انه يونسها بكلمه حلوه ؟؟

حبيبتي واجهيه وقوليله انا احب الكلام الحلو واحتاجه قوليله احنا الحريم نحتاج هالشي

واذا كلش كلش شفتي مامنه فايده انتي سئليه تحبني ؟؟ اذا قالج اي .. قوليله شكثر .. بيقولج شكثر ومن هالكلام بس مو كل يوم تزهقين الريال بهالسؤال لا يعني خليها من وقت لي وقت ..

 

[Gifts&Occaions]

الله يعينج

 

[توته الحـــلوة]

المشكله ان الرجل الخليجي
مايعترف بالرومنسيه
ويعتبرها افعال مو اقوال
الا ماندر منهم
����������������

 

[رهوفه عرعر]

احلى شي طيب يحبك بسكات ليش انتي كذا يعني لازم لازم يقول احبك اعشقك كل ساعه يحضنك بتاخذين اسبوع وتطفشين خليه يعذبك انا احب الاسلوب اللي كذا بس صراحه عذاب

 

[انت مناي]

يمكن مايعرف يقول كلام حلو انتي علميه وقولي له شنو اللي تحبين تسمعينه منه
وان شاء الله يتعدل ويااااج ............

 

[د.أطفال]

حبيبتي صدقيني ما حرمت الأغاني والمسلسلات الا لهالسبب.. لأنها تخرب بيووت !!اهو يشوف البنات كل يوم نعوومة ومكياج ولبس ونحنا نشوفهم رومنسيااات و حب و مفاجآتوهدايا 24/24.. ولاهذا وذاك موجود بالواقع..
صارحيه بدلع وقوليله احب اسمع منك هالكلام وذكريه بأيامكم الاولى..ا(( لا تقوليله اذا ما سمعت منك عيل من مين اسمع!!))
وصدقيني الرجال فصيلة ثانية مو اللي يسعدنا يسعدهم.. ولا العكس.. انتي دوري عاللي هو يحبه وسوي وخل كل طلباتك تطلبيها بدلع
وترا الفراغ مو زيييين كلشش اشغلي نفسك برياضة دورات لغات عبادة قرآن صديقات اهل قراءة اي شي تحبينه..
الله يسخره لج

 

[حلمي وامالي]

ما عليك حبيبتي زي ما قالك المحبة بالقلوب
والله العظيم كان زوجي يقول كلام حلو ولا المسلسلات وانا عكسه مااعرف اقول كلام حلو ومنه تعودت ومن اقل موقف باعني
الرجال مواقف مو بس كلام الله يخليكم لبعض

 

[زوجة عزيز]

شي عادي ترا اكثر الريايل جذي اهو اكيد يحبج بس مايعبر عن حبه