زوجـي خيرني !!

[الزين _M]

مرحبــا اخباركم الله يهدي سركم مع ريايلكم إن شاء الله :yaaaaaarb:

انا عروووووس بس حبيت استشيركم بشغله ،،

زوجـي كلمني اليوم وقالي شرايج نسكن بروحنا مع العلم انه لنا شقه في بيت اهله وقاعد يسويها عشان عرسنا ،، بس اخوه الي اصغر منه ملج قبل فتره وبيتزوج ويقول شرايج اعطي اخوي شقتي ونطلع احنا بشقه بروحنا واخلي اخوي يسكن بشقتي ويعوضني ع الفلوس الي سويت الشقه فيها !!

صراحه انا محتاره واهوا قال كيفج اذا تبين نسكن عند اهلي اخلي اخوي يدور شقه واحنا نقعد بس اهوا وده نطلع لان يقول اخوي صغير وليما الحين ماكون عمره ومعاشه ع قده وريلي الحمدلله معاشه زين وله منصب ،،

وانا فكرت بيني وبين نفسي وقلت ودي اطلع احسسن حتى امي وخواتي يقولون احسسن تاخذين راحتج انتي وريلج وماتخلين اهل ريلج يتحكمون فيج وبكيفج تطلعين لا خاله تناشبج ولا حماه تتناجرين معاها ومتى مااشتقتيلهم زوريهم واقعدي عندهم وبعدين روحي شقتج ع راحتج احسسن لج ولريلج عشان مايتدخلون بينكم لان امي كانت عايشه عند اهل ابوي قبل ويدتي ورتها نجوم القايله من كثر النجره ف ماودها اجرب الي جربته


~ شرايكم انتو قولولي اقعد عندهم ولا اطلع بروحي ،، قولولي تجاربكم شلون وشنو الاحسسسسن لي لاني قلت لريلي عطني فتره بفكر ،،
وماودي اتحسسف عقب مااخذ قراري ؟؟؟

*صججج يقول اهلي مالج شغل فيهم انا اتفاهم معاهم واقولهم الموضوع اذا كنا بنطلع يعني عادي عندهم !! :eh_s(10):


بليييييييز الي ماعندها رد ترفع الموضوع:eh_s(22):

 

[لتين ~]

هلا حبيبتي
اولا مبروك والله يوفقكم ويهنيكم
ثانيا من رايي توافقين والحلو انها جت من زوجج وماراح تحسفين بإذن الله
اللحين اغلب اللي ساكنين مع الحموله مو مرتاحين ويتمنون الخصوصيه
وعسى ربي يسعدكم

 

[لمن يجرؤ]

مبروك غلاتي وجعله زواج سعيد

جات منه اتحمدي ربك البعد في السكن عن اهلك واهل الزوج راحه نفسيه وما راح تندمي ان شاء الله

ودي وتقديري

 

[الأميرة جوري]

اكيد بعيد عنهم بدون تفكير

 

[خجل آلعذارى]

اطلعي اكيد احسن
استقلاليه وخصوصيه

 

[baa6aa]

الله يوفقكم و يهنيكم و يوفق اخوه بعد

نصيحة من اختج اللي ساكنة مع الحمولة طلعي طلعي طلعي

اريح لج و له صراحه و تاخذون راحتكم وااااااااااااايد

 

[الزين _M]

مشكوووورين حبايبي عسسى الله لايحرمني منكم

 

[اميره بكلمتي]

بصراحه احسللج تاخذين راحتج اكثر وتحسين بالاستقلاليه

 

[brettey]

واااي استانسي انها طلعت منه والله سكني بروحج اريح لا ترى السكن مع اهله ما وراه الا المشاكل حتى لو حليوين ساليني انا بزواجي الاولي ضيييم والنهاية طلاق والحين الحمدلله مع زوجي الثاني بشقه بروحنا ووايد اريح

 

[miss_7sawiya]

بروحج اريح لج وتكونين بعيدة عن المشاكل

 

[الزين _M]

ههههه
يعني انحـاش بريشـي واوهـق حمـاي ومـرته

 

[Om.saad23]

يقولج المثل بعيد عن العين وقريب من القلب

السكن الاستقلالي راحه ورباحه انج تربحين معرفتج فيهم وتبعدين عن النجره
حتى مايجبرونج تنزلين جنه فرض عسكري


بس هم السكن الخاص يبيله طباخ وتنظيف واهتمام يعني تعلمي الطبخ والتنظيف

 

[شمس الشموسة]

من صجج تشاورين بعد؟؟ توكلي على الله ووافقي!

بس لازم تتحملين مسوولية البيت

 

[أميرة-]

حرام عليكم مو كل الحمولات مو زينين

صج اذا عند حمولة تتقيدين شوي وماكو خصوصية بس هم فيه ايجابيات كافي تفتكون من الاجار وان شالله لما تجيبين عيال اذا ببيت حمولة تطلعين ماتحاتينهم مع الخدامة بروحهم وكافي لو ضاق خلقج تنزلين تلقين احد يونسج خالتج وحمواتج

انا اقول اذا شقتج مو ضيجة خليج عند حمولتج احسن والسلبيات اكيد موجودة كلنا مو كاملين

 

[الزين _M]

ويييين الباجي تعالو شاركووووونا ؛)

 

[لؤلؤةالكويت]

السلام عليكم


الف مبروك والله يتمم لج على خير. يا اختي.

انا مع كلام الاخت. اميره. مو كل الحمايل يتحشرون بكل شي. اذا كانت شقتج وسيعه ومريحه. احسن لج تسكنين عندهم


اذا رزقج الله. بعيال. ماراح تحاتينهم. تخلينهم. عندهم. استخيري. اهم شي. والله يسر امورج كلهااااا.

 

[$قطوه$]

انا اقول خلج بيت ريلج اوفر لج على الاقل معاش ريلج تستانسين فيه


وشدراج يمكن خيره اهلج زوجج يكونون خوش ناس ووترتاحين وياهم وصدقيني اذا الله ارزقج عيال بيتدللون اكثر ويحبونهم اكثر لان عندهم وعلى طوول يشووفوونهم

 

[زوجة حياتي]

وااااااااااافقي الاحسن تعيشين بروحج وتاخدين راحتج

 

[زين ودلال]

طلعي احسن

وتفكير زوجج بصراحه حلو ماشاء الله عليه هذا الصح

الله يهنيكم ويسعدكم

 

[نجمه السيد]

اني ساكنه مع اهل زوجي الوضع عادي جدا ودام زوجك قال لش تطلع وهو مقتدر ماديا يكون افضل من احلى من الاستقلال