زوجك والتسوق

[مايويا]

بنات اخب اسالكم اذا ذهبتى للاسواق تعملي شوبنج هل زوجك يحب يذهب معك والا من النوع اللى معندهوش صبر للشراء والتسوق ؟

 

[جامعيه طموحه]

مو متزوجه بس بتكلم عن ابوي وعمي

اول شي ابوي كلش ماله خلق يدش السوق لما نقول سوق جنا قلنا ابليس ومايطلع معانا ما يحب

وعمي الله يهداه مره طلعت معاه وهو قريب من عمري انا 20 وهو 22 على اساس انه بيدش معاي الافنيوز اول ما وصلنا جان يقول لا بنطرج بالسياره قلت له اوكى عاد انا احب اطالع واشتري بتأني مو اي شي بالضبط خذيت 5 دقايق وكان اول محل ادشه لقيته يدق يلااا بسرعه ويينج قتله اوكى شوي بس واطلع وكل شوي يدق كرهني حياتي يعني طلعتي كلها كانت نص ساعه وماشريت عدل خذيت بدون قياس ولا حتى اشوف الموديلات اسرع سريع وهو ينافخ وييينج كل هذا سنه قاعده عشان تشترين قتله امبيييه عمي الله يهداك كلها نص ساعه محد قالك اتييي معاي

وطبعآ النتيجه يوم رديت البيت قررت ثاني يوم اروح بروحي وارجع كل الي شريته

ان شاءالله اتزوج واحد يحب السوق :d

واعتذر عالقرقه

 

[مآيكبرني نك]

السؤق مع زوجي ارؤحه لتغيير جو فقط

اما اني اتشرى ع رآحتي ﻻ ارؤح مع امي وخوآتي

الرياييل مالهم خلق آلسؤق ابد من جي مآحب اخذ شي يؤم ويآه

 

[مايويا]

شكرا جامعة طموحة حبيبتي على ردك فعلا الرجال ما ليهم خلق للتسوق الله يكون في عون البنات ههههههه

 

[مايويا]

شكرا ما يكبرني على مرورك واتمنى انك تستمتعى مع زوجك في النزهات

 

[glby7sas]

بالنسبه لي بحكم اني مااسوق فرياي مطر انه يوديني غصبن عليه مو طيب لوول
المووهم طبعا حدي ثلاث محلات الباجي يقعد ينافخ ومليت وانا اكون بعدي ماخلصت خو مو كل شي اشوفه يعجبني ولازم اقايس بعد بس اهو مافي صبر معنه مايفر معاي يعني يقعد بالكوفي وانا اللي افتر بالمحلات بختصار الرجال فاشلين بالسوق لوول

 

[نـعـومـه]

يقولي روحي مع خواتج اخبر انا ماعرف لسوالف الحريم

 

[شربـــات لـــوز]

يوديني فديته ويسسكت وانا افرفر بس نرد الببت منفس ويقول ماكو سوق الا بعد سنه هههههههههه

 

[توتة UAE]

اطلع وياه لو أبا آخذ شي شيئين وما أطول .. أما لما أعرف إني بشتري ملابس وبقايس أو أي شي يطول ما أطلع وياه

عامة الرياييل ما يحبون يطولون في السوق نفسنا . . لو تبين تطلعين وياه تتشرين حطي في بالج اللي تشترينه
يعني حددي اللي تبين تاخذينه وسيري اشتريه على طول ( نفس الرياييل ) عقب مرو على كوفي شوب مثلا
عشان ما يكره الطلعة وياج وهو بعد يستانس مب بس انتي . . أما لو تعرفين إنج بتطولين في السوق اطلعي ويا
ربيعاتج أو خواتج . .

 

[نورة حسام 2]

يروح بس يزهق بسرعه يعني ما اخذ راحتي افضل اروح مع رفيجاتي مو معاه هو

 

[مايويا]

ههههههه انا شايفة ان الازواج في الغالب طبع واحد بس عارفين ليهم حق لاننا احنا يا بنات بنحب نشوف كل السوق بالتفصيل ممكن فكرة نقعد على كوفي شوب جنب السوق ونضع منوم في الكوفي الازواج علشان نتسوق براحتنا قبل ما يفوقو من النوووووم. هههههههههه

 

[يآسمينه]

عن نفسي دوم اتسوق معاه و ما احسه متملل فديته بالعكس يختارلي و اقايس و مرات لو المحل فاضي يدخل غرفة القياس يشوفه علي

احس اللي مثله نادرين خخخخ

الله يخليه لي

 

[يآسمينه]

عن نفسي دوم اتسوق معاه و ما احسه متملل فديته بالعكس يختارلي و اقايس و مرات لو المحل فاضي يدخل غرفة القياس يشوفه علي

احس اللي مثله نادرين خخخخ

الله يخليه لي

 

[غآب نورك ~]

انا اول ماتزوجت ماكنت اقوول ابي اروح السوق تقريبا 5 شهور وانااا استحي اقول

واهو متسغرب خخخخ وصار يقووول من نفسه شسالفه ماتبين السوق

بس ابدا زوجي مب من النوع اللي يتملل بوحتى لو تملل مااا يقول شي لين ماخلص واقول خلصت س اذا كان منفس ورايح السوق الله لا يوريكم خخخخخخخخ

 

[ريتاج_90]

الصراحة زوجي قثيث بالسوووق
ومايخليني اطول ولما اروح معاه ما اعرف اشتري
لان اخذ بِــ̯͡سّ شين يقول ها خلصتي ما مداني شريت
بِــ̯͡سّ مايصلح للسوق يقث ويبي تخلصين بسرعة
ومايخليج تشوفين على راحتج

 

[dalo0oa121]

ماعندي زوج
بس عادي مااهتم للاسوقة كله بالبيت ماحب المولات وزوجي المستقبل اتمنى يكون نفسي يكره المولات

 

[dalo0oa121]

ماعندي زوج
بس عادي مااهتم للاسوقة كله بالبيت ماحب المولات وزوجي المستقبل اتمنى يكون نفسي يكره المولات