زوجي أحس أنه عادي عنده بس يرفض!! احد يستوعبها معاي حبة حبة

[قمة^الانوووثة]

مرحبا جميــعا


بنات انا زوجي قبل لا نتزوج قال حق اهله أبي وحدة متحضرة حيل بس تكون متحجبة طبعا

و دايم كانت امه تردد هالكلمة انه مايبي منقبة و متغطية من فوق لتحت !!!!!

المهم تزوجنا و استانسنا اول شهر و انا الحمدلله يني شكلي محتشم عباة و شيلة و ميك اب خفييييييييييييف بحاول احط صورة يعني توصف الميك اب اللي احطه بنهاية الموضوع
المهم

فجأة الريال فصل قال تلبسين عباة راس و لما تتمكيجين غطوة!!!


يعني مع احترامي للبنات اللي مو منقبات و يلبسون عباة راس!!
انا ماعرف و لا وحدة كاشفة الوجه و عباة راس!!!
ممكن بعض البنات بس من عايلتنا مافي نهائيا بالمرة و لا من اهله!!!

قلت له مابي عباة الراس على طول قال ماشي كيفج
بعد فترة قال ويهج بالمكياج يتغطى
قلت على عيني و على راسي يا عمري تامر امر


بعدين بنات انا انسانة اقعية يعني افكر بالمستقبل وظيفة و الحريم بالمدارس يكشخون المدرسات و الاداريات و انا طبعي امووووووووووووووووت على شي اسمه ميك اب غراااااااااااااامي

ناقشته قلت له حبيبي انا باجر وراي دوام و بمدرسة ان شاء الله يعني مو معقولة اسوق سيارتي و مغطيه ويهي و رايحة رادة شكلي من امه غلط
جان يقول لا تحطين مكياج
قلت انا ماتحمل ما احط انا ماقلت لك اذا رحت طبيب و الا مجمع بتمكيج و بكشخ حدي و مكياجي انا بسيط حيل

و الله وكيلكم يا بنات فاااااااااااااصل على هالسالفة
قلت زين نقاب مع اني ماطيقه بس عالاقل احسن من غطوة و عباة كتف يعني مع احترامي نفس لبس باكستانيات!!
جان يقول مابي نقاب و تطلعين عيونج!!!!


قلت اهلك و اهلي حتى اللي متنقب عيونها مكشووفة


جنني يا بنات و الله اني و لا 10 مرات ازعل من هالسالفة قلت له انا جذي و الحين صارلنا سنتين على هالوضع انا مو قادرة اتعود

بنات و الله اللي حاسة فيني و طبعها تحب التكشخ و الميك اب و ماتستغني عنه تساعدني


الغريب بالموضوع
ان زووووجي و الله يا بنات احس عادي عنده و ادري انه بالنسبة له شي عادي لدرجة كذا مرة اذا ردينا من الشاليه اقول بفسخ الغطوة و الطريج ظلمة يقول قطيها !!!

غريب امره!!

انا ماعندي خبرة بالرياييل بس يمكن وحدة منكم مار عليها هالنوع زوجها اخوها ابوها !!!


يعني حتى يا بنات لما اناقشه يكلمني عادي يعني ما يعصب بس يقول لا انسه الموضوع!!!


تعبت وراي بإذن الله دوام و مليت من الغطوة لو نقاب ابرك و اهو بعد مايبي النقاب
و انا مشكلتي الحين ابي تفسير لمعاملته هذي
و امي تقول ان لو اشتغلت و صار معاشي بإيدي راح يتغير و يرضى على طول

تقول امي ان اغلب البنات اللي تعرفهم جذي قبل الوظييفة يرفض و بعد الوظيفة يصير عسل!!


تهقون جذي السالفة؟؟
و بعدين انا الحين ابي اقنعه اقط الغطوة مو البس النقاب !!

لان ماحب اغطي ويهي !!!





هذي صورة نفس طريقة مكياجي تقريبا












و اذا غمجته وخليته اوفر تقريبا جذي يعني اغلب الواني فواتح اذا ما كان الشدو بيج او بني فاتح اساسا











ادري موضوعي غريب !!!!!

 

[شادن33]

ياعمري يمكن اهو يشوفج مغريه بالمكياج لو حتى خفيف وانتى ماتستغنين عن المكياج حاولي ما تحطينه لما تطلعين مجمعات اوسوق وتاخذين إثم الناس وهذا مصلحه لج بالاول ولما تروحين زوارات حطي اذا تازم الموضوع ألبسةي عبا يه كتف ونقاب ارتب من الغطوه بس ما تكون العبايه مخصره وعموما اهم يكونون فى البدايه جى كله اوامر بعدين يخفون

 

[يارب احفظ عيالي]

يمكن انتي حلوه ولما تحطين شوي ميك اب تصيرين احلى عاد اهو لانه يحبج يغير عليج سوي له اللي يبي

 

[بربروسا]

ميخالف سايسيه شتسوين بعد
الله يعينج

 

[بنت حظوظ]

بسيطة حطي مكياج ناعم ما يبين

 

[sha3oolah]

هههههه
اتوقع سامع سوالف من ربعه
مايتغير الريال الا من ربعه

انا برايي سويهاا من باب الغشمره ان تطين نقابج بس بدون مكياج كلش
يعني تبدين معاه من الصفر

ومره نسيتيه ومره بدون مكياج شوي شوي
مع الكلمه الحلوه مووو تعصبييين او تتهاوشين لان راح يعاند

وان شاء الله بيتعود

 

[mrs.abk]

أنا برد عليج لأن هالموضوع صار لي وتعبت منه ..

أنا متحجبة .. وطلب مني أتغشى ( الغطوة نسميها غشوة في الامارات )

المهم كانت صعبة علي وايد وصارت فيها مشاكل لها أول مالها تالي

بعدين فكرتين صغار غيروا الموضوع وخففوه على نفسي

الأولئ إن غيرة الريال على زوجته مالها أي شبيه في غيرته على خواته أو أمه .. هذيلاك صوب وهي بصوب ثاني .. هالانسانة تشاركه جسمه وحياته .. فغيرته عليها من منظور ثاني ..

الثانية .. إن ما يسوى يزعل وأزعل بسبب هالموضوع .. خلي الزعل لمواضيع كبيرة .. وخليها إنج سويتي شيء علشان خاطره وهو بيحسبها لج .. وصدقيني بتلاقين من المحبة جزا كبير

النقطة الثالثة اللي استجدت مع الوقت ..

تغيير النية ..

مع الوقت غيرت النية علشان تكون لوجه الله ..

وعلشان أكون صادقة أنا للحين موب دايما غشوتي على ويهي .. فكل يوم أجدد النية ,. يوم أكون في مول أو عيادة أو مكان لازم أتغشي وأنا فيه أجدد نيتي

بالنسبة للسواقة إحنا في الامارات عندنا مخفي للسيارات ,, فموب لازم أتغشى .,, بس أول ما أنزل أتغشي

ما أحب النقاب لأنه يكتم النفس .. الغشوة تتحكمين فيها أكثر وترفعينها على راحتج علشان تتنفسين


أنا موب مع إنج تحاولين أكثر مع زوجج .. لأن يبدو كل ما حاولتي كل ما عاند ,, فلا تخلين الموضوع يكبر .. وهو بسيط .. ريال غيور وزوجته حلوة ,, فحقه يغشيها


بس اوصلي معاه لحل في مٍسألة السيارة ,, والباقي هين ..

 

[$$king moon$$]

انا مع mrs
احتسبيها لوجه الله

 

[قطوووة]

المرة الجاية اللي يفاتحج بالمؤضؤع ؤافقي ع طؤل ؤقؤلي نؤ ميك اب اؤكي

تحملي مرة مرتين فترة ؤابدي حطي بالتدريج خفيف

ابتدي بكحل ؤمسكرا .. صدقيني بيطخ ؤبينسى ؤ اريح لج من الحنه مؤ ؟

 

[** محبوبه**]

لاحول ولا قوه ألا بالله
الله يهدي بعض الخوات ألي تقول بالتدريج كحل بعدها مسكرا بعدها مادري شنو بعدين قطي كل شئ وسوي فل ميك أب كانها تعطي جرعه لزوجها ثم تزيد الجرعه لدرجه يفقد الغيره الحمدلله والشكر ماتخافين من ربج لما توزينهاعلى منكر ووتأخذين وزرها معاج
أختي صاحبه الموضوع الغاليه أذا ماتبين تلبسين النقااب لله فلا تلبسين لزوجك والله ماتدرين ان الله يبيلج الخير عشان ماتفتنين الشباب لومكياج ناعم مرات يفتن اكثر من الاوفر بعدين اذا كان دوامج كله حريم وتحبين تكشخين روحي بدون ميكأب لدوامج وروحي الحمام وضبطي عمرج ولما تطلعين أمسحي مكياجك وألبسي نقابج ووحي بيتج والله حافظج

 

[دريم]

شفيه النقااااب شحلاته تنقبي ولو تحطي بوجهك حفلة عرس من الميك اب
واذا دخلتي ع الحريم قطيه واستانسسي واول شي خلي نيتك لوجه الله مو علشان زوجك

 

[مفاهيم الخجل]

انا مع محبوبه كلامك عين العقل
والله الستر افضل البسي نقاااب وش فييه بالعكس كذا انتي ترضين ربك اولا ثم زوجك واكيييد انتي تدورين رضا الله سبحاانه وتعاالى ثم رضا من نحب شنو تستفيدين لما اللي يسوى واللي مايسوى يتمتع بجمااالج ويشوووفج وهو مو من محااارمج
صيري الماااسه ماايشووفهاا الا الغااالي واكييد زوججج غااالي عندج
الله يهديهم بناتنا شنو ما احب النقااب اصلا الشرع امرنا نتنقب حتى نبعد عن كل فتنه وننااال الجنه باذن الله ترى الدنيا فانيه وملاذاااتهااا بالاخر رااح تكووون مراااره علينا في القبر
اسالي كل وحده منقبه وعباتها وااسعه شلوون تمشي رااح تقوولك انا امشي وكل فخر اني ما اعطي فرصه لاحد انه يتمتع بشووفتي الحمدلله ع نعمة الاسلااام كرم المراءه بحجاابهاا الكااامل والحقيقي مو وحده مخصره العباايه وكااشفه نص شعرهاا وتقوول هذا حجاااب
اسفه ع الاطااااااااله بس والله اني اتكلم من مصلحتج وعشااان مايلحقج اثم لاسمح الله

 

[فيلجاويه كيوت]

واضح في احد مشيشه

حاولي تكلمينه بهدوء

 

[| تفاصيل |]

الله يسخركم لبعض

 

[Qatar girl]

ليه تحطين ميك اب؟؟؟ ترا حرام واغلب العلماء لو انتي سنيه حرم كشف الوجه لو كان فتنه وانتي بالمكياج لابد بتفتنين البعض ومنهم زوجك اللي لاحظ ان شكلك بالميك اب يزين اكثر ،، حبوبه لا تحطين ميك اب اللهم اخفي العيوب بكريم اما لو بشرتك تمام ماله داعي كريم بعد،، وان وصلتي المدرسه حطي غلوس وكحل عن خاطرك ما يجي اخر الدوام الا وهو ممسوح بروحه،، اما الزوارات والمولات وهالاماكن اكشفي وجهك بدون ماتطلعين قذله وبدون ميك اب ،، لا تزينين وجهك لكل من هب ودب في الشوارع يتمقل ويكحل عيونه بملامحك الحلوه

 

[توتا حمرا]

رايي من راي قطوووة
ابدي معاه بالتدريج ليما يتعود​

 

[فديـــتك]

يابنات اتقو الله كشف الوجه حرام والدليل واضح من القران والسنه الله يهدينا بس

ارضي الله ثم زوجج الله يوفقج

 

[عيني عليه]

يؤؤؤؤؤؤ خل اسووولف لج عن زووووجي اجل ... نفس طقة زوووجج ... بس انا الحيين جاايه من الدواام تعباانه ... برووح انااام لي شوي وبعدييين اتفرغ لج :d

 

[إم بــــرٍآك]

الله يخليكم لبعض ويسخرج له ويسخره لج

 

[مالك غيري]

لاحول ولا قوه ألا بالله
الله يهدي بعض الخوات ألي تقول بالتدريج كحل بعدها مسكرا بعدها مادري شنو بعدين قطي كل شئ وسوي فل ميك أب كانها تعطي جرعه لزوجها ثم تزيد الجرعه لدرجه يفقد الغيره الحمدلله والشكر ماتخافين من ربج لما توزينهاعلى منكر ووتأخذين وزرها معاج
أختي صاحبه الموضوع الغاليه أذا ماتبين تلبسين النقااب لله فلا تلبسين لزوجك والله ماتدرين ان الله يبيلج الخير عشان ماتفتنين الشباب لومكياج ناعم مرات يفتن اكثر من الاوفر بعدين اذا كان دوامج كله حريم وتحبين تكشخين روحي بدون ميكأب لدوامج وروحي الحمام وضبطي عمرج ولما تطلعين أمسحي مكياجك وألبسي نقابج ووحي بيتج والله حافظج

انا مع حبوبه بكل اللي قالته والنقطه اللي هي روحي بدون مكياج وحطيه لما توصلين

ربي يوفقك ويسخر لج زوجج ومافيه احلى من غيرة الرجال ع زوجته