زوجي تكلم علي وطردني وسب اهلي عشان مابي اسافر معاه شورو علي ياكبيرات####

[عسوله ونص]

السلام عليكم

انا ضايقه فيني الدنيا ومتضايقه حتى من ملابسي اللي فوقي ودي اصيييح بس استحي من الله وخلقه

انا متزوجه من 10 سنوات وزوجي عود كبير بالسن عمره الحين 45 وانا توني 26

المشكله طويله مررره بس بختصرها

اول كنا نتهاوش مثل اي زوجي هواشات عاديه بس كان يطنشني وكذا الين انا اروح اعتذر منه سواء الغلط مني او منه

هذي طبعا بالسنوات الاولى وانا كنت حساسه واطفش الحالي فكنت يومين بالكثير واراضيه

طبعا هو متسلف من ابوي فلوس عشان نقلنا من مكان لمكان ويبي يأثث وابوي ماقصر اعطاه مبلغ عود

المهم زوجي كنا نتهاوش ونفس الحكايه بس يزعل مني ويرمي علي كلام عادي ونزعل واراضيه ونرجع اوكي

قبل سنه رد المبلغ لابوي وربي رزقنا بطفله لاني 8 سنوات مارزقنا الله

بس الحين من بعد بنتي اختلف صار مايبيني حتى بالفراش


الفراش هذي يبغالها موضع ثاني لاني انا شاكه فيه

المهم

اذا حصل هوشه تافه يسبني ويدعي علي ويتلفض علي الفاض سوقيه مرررررررره ويسب اهلي وامي وابوي ويقول مايسون عنديي جزمتي

والله يابنات انا نتهاوش عادي وهو يبدا يسب اهلي وانا ماقلت مثلا بروح لاهلي ولا بكلم اهلي لانها هوشه عاديه وتافه وبتعدي بس هو يبدا يسب اهلي ويقول روحي لاهلك

تخيلو اليوم بعد الغداء هوشه بسيطه عشان يقول يلا بنسافر وانا قلت له سافر بروحك انا تعبانه وبنتي تسنن وتعبانه واسهال

وسبني ولعني ودعاء علي وعلى اهلي وسب ابوي وامي وتكلم فيهم ويقولي روحي شوفي وجهك بالمرايه مدري اشفيه وجهي توه شافه مثلا

وكالعاده روحي لاهلك ليش تجلسين معاي اي هوشه او اي مناقشه يقول روحي لاهلك

انا بروح لاهلي والله ابوي مو ناقصه شي بس ابوي مقعد وتعبان بالقلب وامي نفس الشي تعبانه بالقلب وعندهم مشكلة اخوي مات الله يرحمه ومتاثرين عشانه ماكمل شهرين ميت الا انا عندهم واقلهم زوجي يقول روحي لاهلك تفااااهه

وياخذ الجوال بيدق على اخوي يقول تعال خذ اختك تخيلو التفاهه ومو اول مره تصير بس مسكت جواله منه واقوله تعوذ من الشيطان ويقول اعوذ بالله منك يعني انا شيطان في نظره وطول الوقت وانا اقول لا حول ولا قوة الا بالله تعوذ من الشيطان وربي واللي يشهد مارديت عليه باي كلمه مع انه تكلم على امي وابوي ريحة الجنه

ويقولي روحي لاهلك خليني اجرب غيرك انا بتزوج اشوف كل الحريم مثلك ولا انتي بس عوجاء

ويصيح فيني وبنتي ام سنه وثلاث شهور خافت منه ومني وانا ابكي وتتخبى ورا الكنبه وتبكي بخوف انا مسكتها هديتها وهو يطردني تخيلو

رميت بنته عليه وفتحت باب الشارع قلت بطلع من غير عباه من غير شي بس بجامتي انا ابغى اهدده وابغى اخرعه وبنتي تصيح وتدف ابوها خافت منه سحبي مع يدي ودخلني وسكر الباب ودعاء علي بدعاء يقشعر منه الجسم

وخذا ملابسه وطلع اكيد سافر

انا مابكيت كالعاده كلها دمعتين حقت التهديد اللي هددته وانا مسويه روحي بطلع واخلي بنتي عنده

جايني برود مع انه ظلمني وتكلم على اهلي واهلي مالهم ذنب

سبب تاااااااااااااااااااافه جدا وهو اصلا رجل تافه

بس قبل شوي لمن سمعت اذان الفجر وانا بروحي وبنتي نايمه غصتني العبره ودعيت عليه ان الله ينصرني عليه ويظلمه مثل ماظلمني

الحين انا وبنتي الحالنا بالشقه وهو مسافر ولا قلت لاي احد عن المشكله ابد ابد شكلي بعيد الحالي ولا معاي فلوس ولا شي لو ابغى اروح الصيدليه او شي مافكر فينا

والله حاله

هو ينطبق عليه مثل اذا لك عند الكلب حاجه قله ياسيدي توني اكتشفت انه قبل كان عادي مايدعي علي ولا يسبني ويسب اهلي عشان متسلف من ابوي بس من بعد ما رجع فلوس ابوي ماخذ راحته كانه ماخذني من الشارع

الحين وش اسوي.....؟؟

شورو علي وش اسوي ادق عليه ولا اطنشه ولا اعاتبه ولا وش اسوي

اهلي ماني مكلمتهم لان السبب تافه واهلي تعبانين

الله يوفقكم ويسهل عليكم شورو علي

 

[جعلي فدوه لبوي]

حبيبتي طنشيه وحتي لو جا هم لاتستقبلينه ولاتعتذرين خليه يحس انه فاقدج ويحس بقيمتج

 

[قلوس وردي]

الحل وااااحد ماكو غيره
حبيبتي مالج الا ربج افرشي سجادتج وقومي الليل
واكثري الدعاء وسورة البقرة والقرآن كله
صدقيني ان الله بيكون عون لج ويفرج همج
الله يسخره لج ويهديه ياااارب

 

[أم توتو]

الله يعينك اختي هاذا اكيد شايف له شوفه ثانيه عشان كذا قاعد يتسبب عليك وانتي خليك ببيتك اذا شايفه ان روحتك لاهلك ثقيله بس لازم تعطينهم خبر ان انتي لحالك سبحان الله تحتاجين شي ولا شيات يكونون عند على علم واهو طنشيه لا تفتحين له مجال انك تهدين بيتك اهو هذا اللي يبيه والعمر للرجال ماله شغل بالمعامله انا زوجي 47 بس بس الحمد الله امورنا ماشيه حتى لو نتهاوش ماهد بيتي اهو الي يطلع وانا اللي اظل بالبيت الين نتراضا لا اهلي يدرون ولا شي المشاكل ملح الحياه بس يبيلها صبر الله يعينك لا تدعين عليه ادعي له ان ربي يسخره ماتدرين يمكن يتغير ويصير خوش رجال الله يصلحه

 

[قره عيني صلاتي]

حببتي مثل ماقالو خواتي قومي اليل وصلي لج ركعتين وقري سوره البقره وعسئ ربي يسخر لج زوجج ويهديه ان شالله

 

[PuPa^^SWeeT]

ماني عارفة شقوولج


قاعدة ارجف من مشكلتج

بس بدعييلج ياقلبي


انه ربي ينصرج علييه

وكافي دعوتج علييه

صدقييني ربي بيرده لج مذلوول لأنج مظلوومة


ربي ينصرج علييه اللي مافيه نخوة للاسف

 

[PuPa^^SWeeT]

بس ترا لازم اتبلغين اهلج انج لحالج ياقلبي

صعبة اتكونين بروحج و محد يدري

لو صار شي عالاقل مايقولون وين ريلج

قوليلهم سافر الديرة الفلانية و بسس

 

[قطوووة]

لاحؤل ؤلا قؤه الا بالله

 

[قاهره عذالي]

الله يعينج

تقريبا نفس حركات طليقي

 

[تفاحة الربيع]

بصراحة كرهته كل شيء

الا الام و الاب لا يقرب صوبهم ولا بكلمة

بس شنقول اذا طلعت من الزوج ان شاء الله حبيبتي

تشوفي الفرج ويهديه ربي لما يرجع من السفر

ويشافي ابوش وامش يالله يا كريم

بس حبيبتي عندي ملاحظة على مشكلتش انش قلتي الله يظلمه

مثل ماظلمني انتبهي اختي الله سبحانه مو ظلام لعبيده والله ياخذ حقش منه

احسن من انش تاخذيه انتي منه ..

دعائي لك بحسن التوفيق ..

 

[أعشقه]

خليك قويه من بعد هالهوشات الي تصير لك
و مو شرط يكون شايف له شوفه ترى .. بس هو كبير يمكن عليك فا مو قادرين تتفاهمون ..
انتي خليك في بيتك ولا تطلعين منه واذا احتجتي فلوس او غيره كلمي اخوك او اختك اي احد وطلبي منهم مبلغ وبعدين ترجعينه
بس لاتطلعين من بيتك .. وخليك مداومه ع الاستغفار والدعاا وربي مابيقصر معك ان شاء الله
وربي يفتحها عليك ويفرج همك يارب

 

[عسوله ونص]

ياحبااااااايبي مشكورات مره مره

والله لا دق ولا دقيت عليه

والله دعيت عليه لا ني مقهوره مره

ظلمني وسبني باشياء عمره ماقالها لي هل هو مخبيها طول عمره في قلبه وامس افصح عنها ولا وشو

وكمان له صديق تزوج على زوجته ويوقل لزوجي تزوجت وعشت شفت الدنيا الاولى مهمله وماتتعدل

شكله دخل الزواج براسه ولا دايم يقولي منتي مقصره وامس يقولي بشوف لي وحده بجرب غيرك

عما بعينه الا عمى انا تحملته وصبرت عليه

بس مثل ماقلتو انا جالسه ببيتي ولا كلمت اهلي ولا شي لانه يمكن بكره يجي على قوله قبل الهواش اننا نسافر ونجي الجمعه

الله يهديه ويسخره لي تعبت منه مرره

الله يغنيكم بالعافيه ويوفقكم

 

[يؤ !!]

يا حياتي على البنوته ترى مو زين تشوفكم تصارخون وتشوف مشاكلكم ترى يمكن تتعقد لاقدر الله
المشكله اثنينكم تشدون على بعض لازم واحد فيكم يرخي ويبسط الامور مو على اي شي صراخ وزعل وتهديد
شغلي سوره البقره في بيتك +عليك بقيام الليل قبل صلاه الفجر +الدعااااء +كثره الذكر والاستغفار +حسبي الله لا اله الا هو عليه توكلت وهو رب العرش العظيم
الله يهدي سركم ويعدل الحال

 

[اسراب الطيور]

حبيبتي انتي كتبتي انك دعيتي عليه ان الله يظلمه لانه ظلمك
حبيت بس اصحح ان قصدك الله يأخذ حقك منه
لان الله عادل مايظلم احد



الله يسخرزوجك لك ويحنن قلبه عليك وعلىبنتك

 

[love u 4ever]

روحي لأهلج عيدي معاهم وريحي عندهم جم يوم دامه مو هنيه .. لا تقولين لهم شي .. غيري جو لج ولبنتج واعليا عليها ..

وادعي ربج يسخره لج ولبنته .. الله يهديييييه

 

[ديانا سبنسر]

وليش ماسافرتي معاه يوم تشوفينه شاد حيله ارخي وعطيه على جوه

 

[أم فرووووحه]

حبيبتي اول شي احب اقولج اذا فرشتي السجاده وجيتي تدعين ادعي له مو عليه ادعي ان الله يهديه ويصلح اموركم

ثاني شي اللي بينكم عشرة سنين وما تهون والمشاكل وارده ومثل ما يقولون ماحد مرتاح

ولا تخلين الشيطان يدخل بينكم والكلام اللي قاله في حق اهلك انا عارفه انه مو هين يغلط على والدينك لكن اللي يعصب يقول كل شي يعني اذا هدت اموركم انشالله والله يهديكم عاتبيه بشكل لطيف وهادي ابوي كان يقول اللي يعصب يسب حتى الملك ولا شاف الملك ......( كلمه مشفره )

وبالنسبه لنفسج حاسبي نفسج ولا تربطين الموضوع بالسلف اللي اخذه من ابوج اهتمي بنفسك فرصه يوم سافر غيري بنفسك واهتمي انا ما اعرف وش ظروفكم بس يمكن هو شايف اهمال منك او اهتميتي بالبنت ونسيتيه

الرجل طول عمره طفل فما بالك زوجك اتوقع انه بعمر يبي الاهتمام والدلع مثل بنتك الصغيره الله يحفظها ويمكن اكثر

اقري كلامي اكثر من مره وانشالله بتقتنعين والله يسخره لج ويهديكم لبعض وصيري ذكيه ولا تخربين بيتج ولا تهون عليج العشره الطويله وحافظي عليها قدر المستطاع

*

 

[Ԏỡґἰᾷ]

انا صراحة مو معاج
الحين يمكن الرجال حاجز ومسويها مفآجأة
اخر شي مابي وبوز وبنتي وبنتي

لان من طلع ما رد شكله حاجز لليوم الي تهاوشتوا فيه
حرام عليج يجي يبي يونسج وتكدرين خاطرة
انتي لونج قلتيه اجلها لين تصير زينة البنت وتاخذونها معاكم
لان فترة التسنين كل شهرين

وعوار السن يقعد اسبوع

 

[@ DLOO3TAH@]

الله يعينج

 

[om al ghaleen]

استغفر الله يارب
شكو يسب ويدعي
اهو مو عارف قيمتج الحين
حسبي االله على كل ظالم
انربط لساني

\