زوجي ذبحني كل يوم والثاني يقول بروح تايلند والسؤال؟؟؟

[الشيرازية19]

السلام عليكم بنات شلونكم شخباركم
بقولكم مشكلتي...
انا توني متزوجة وريلي ذابحني هالأيام يحن علي إلا يسافر مع ربعة لا وبيروح تايلند!!!! اقوله وليش ماتروح مع زوجتك يقول لأ طلعة الربع غير اقوله شلون غير يقول وناسه وضحك قتله لييييش انا أمللك؟؟؟
المهم... اذا عصب علي بأي مشكلة صارت اييبلي طاري تايلند ويقول شوفي اسافر اسافر غصبن عليج مو انتي الي تتحكمين فيني :eh_s(2):
وماله داعي اقولكم يا بنات عن تايلند وسوالف تايلند ووصاختها لا ويبي روح المنطقه الي اسمها باتايا انتو دشو قوقل وكتبو pattaya وشوفو الصور والوضع هنااااك وااااي انا انصدمت حده يبط جبدي..
ألحين ودي لما يفتح الموضوع مره ثانيه أسمعه جم كلمة عشان يبطل يقولي هالسالفه مره ثانيه ويتحسف اذا قالها..
بليييييز بنات مساعدتكم:yaaaaaarb:

 

[سارووونه22]

قوليله معروفه مايروحون هناك اله حق الخرابيط بس الحين في وايد مشاكل هناك وحروب وترى ذابحين كذا خليجي مناك خليه يدير باله ترى عصابات هناك كثرت

 

[هيونه.المزيونه]

حبيبتي عادي خليه يروح

ترا تايلند تونس صج انا ريلي دايما يروح عادي

لان اذا يبي الخراب راح يلقاه حتى بالكويت

وانا عندي حكمه مارد الجلب حق خناقه

بيروح يومين ويستانج و بيردلج

نفسيته حلوه وراضي عليج

اما اذا اهواش وعناد بيسافر برضاج ولا عصبن عليج

و الله يهدي سركم

 

[‏إنگِسَارْ آلشَـوْق ..!]

رد : زوجي ذبحني كل يوم والثاني يقول بروح تايلند والسؤال؟؟؟

مدري شقول لج ..~
بس عليج بالدعاااء ..~

 

[حرم يوسف بيك]

رد : زوجي ذبحني كل يوم والثاني يقول بروح تايلند والسؤال؟؟؟

موشرط يروح اهناك حق الخرابيط يمكن زوجج يحب السباحه والطبيعه ويحب رحلات سفاري

 

[selen]

رد : زوجي ذبحني كل يوم والثاني يقول بروح تايلند والسؤال؟؟؟

الله يكون بعونج حبيبتي لا تفكرين انج الوحيدة اللي زوجها بيسااااافر مع ربعة ثلاث ارباع بنات المنتدى يشكون من هالمشكله
الله يكون بالعون

 

[جذابه بنت ذيابه]

رد : زوجي ذبحني كل يوم والثاني يقول بروح تايلند والسؤال؟؟؟

قوليله روح .. بس ماني راضيه

ودايم استغفررري بنية عدم روحته لتايلندا

 

[الشيرازية19]

حبيبتي عادي خليه يروح

ترا تايلند تونس صج انا ريلي دايما يروح عادي

لان اذا يبي الخراب راح يلقاه حتى بالكويت

وانا عندي حكمه مارد الجلب حق خناقه

بيروح يومين ويستانج و بيردلج

نفسيته حلوه وراضي عليج

اما اذا اهواش وعناد بيسافر برضاج ولا عصبن عليج

و الله يهدي سركم

لو ربعه أوادم جان خليته بس ربعه اهمه أساس الخراب كله انا مره بالغلط شفت مسجات ربعه بالمسنجر كله كلتبين له ها ليش ماتكلم بنات و استانس ترا عادي ماردها زوجتك بتتعود عليك مع العلم ان زوجي الحمدلله ما يخوني بس ربعه يخربونه وكلما يروح الديوانيه يرد متشيش ويقول بسافر وراح يودونه هناك اماكن كلها خراب وبنات وشرب شلون ارضى؟؟؟؟؟ اناا حدددي ما حب سوالف الخيانه لأ مجرد ما ادري ان راح وخربط والله راح أطلب الطلاق انا اعرف نفسي

 

[الشيرازية19]

رد: رد : زوجي ذبحني كل يوم والثاني يقول بروح تايلند والسؤال؟؟؟

موشرط يروح اهناك حق الخرابيط يمكن زوجج يحب السباحه والطبيعه ويحب رحلات سفاري

لو زوجي صج يحب الرحلات والسباحه والطبيعه جان قالي بروح معاج ما قال بروح مع ربعي ومصمم قتله خل نروح انا معاك قال معاج شسوي بالله!!! جذي قال
و مع العلم ترا انا باجر بسافر معاه ومع عمته لبنان ساعه 6 الصبح يعني شفتي ان نيته مو سباحه وطبيعه؟؟؟ قتله خو بنروح لبنان ليش بعد بتروح تايلند يقول بس بجرب اسافر مع ربعي عشان نضحك!!!

 

[الشيرازية19]

ودي اقوله جم كلمه أخليه يبلع لسانه ولا اييبلي هالطاري مره ثانيه

 

[محبوبه25]

رد : رد: زوجي ذبحني كل يوم والثاني يقول بروح تايلند والسؤال؟؟؟

لو ربعه أوادم جان خليته بس ربعه اهمه أساس الخراب كله انا مره بالغلط شفت مسجات ربعه بالمسنجر كله كلتبين له ها ليش ماتكلم بنات و استانس ترا عادي ماردها زوجتك بتتعود عليك مع العلم ان زوجي الحمدلله ما يخوني بس ربعه يخربونه وكلما يروح الديوانيه يرد متشيش ويقول بسافر وراح يودونه هناك اماكن كلها خراب وبنات وشرب شلون ارضى؟؟؟؟؟ اناا حدددي ما حب سوالف الخيانه لأ مجرد ما ادري ان راح وخربط والله راح أطلب الطلاق انا اعرف نفسي

حبيبتي ربع ريلج ما كتبو هالكلام من فراغ
اكيد قبل الزواج كان مثلهم
مادري شقولج
ان شاء الله البنات ينفعونج

 

[فوفو22]

رد : زوجي ذبحني كل يوم والثاني يقول بروح تايلند والسؤال؟؟؟

اشكره ويقولها

بروح بتايا

ليش

بيختمون القرآن هناك يعني ؟؟؟؟

الله لا يعاجبنا يارب

حبيبتي

السالفه مو سفر

ولا سالفة سفر مع ربع

كل هالامور تهون


الخووووف

انه يجيب لج

ايدز وامراض الله هم يا كافي

الموضوع مو بسيط ترى

ولا فيه مزح وغشمره


ترى لو هي زياره بانكوك بس

اقولج عادي انا رايحه لها فيها مناطق سياحية كثيره وسوقها رخيص وحلو

بس بتايا

no way

حاولي كثر ما تقدرين تمنعين السفره هاذي من مبدأ خوفج من المرض

واعرضي عليه يسافر مناطق ثانية على الاقل مو تخصص ايدز

فوفو

 

[غروري بتواضعي]

الله يعينج مالج الا الصبر والا العناد والتنرفز والهواش ماييب نتيجة اسئليني انا مجربة
وماكو احد ماراح مع ربعه كلهم الشباب جذي خليه ع راحته وعطيه جوه وخليه يردلج مشتاق ترا احيانا السفر له فوائد
وادعي ربج انه يبعده عن اصدقاء السوء واهل الخرابيط ودايم لاتظنين ظن السوء بزوجج مهما كان الا اذا كنتي ماسكة عليه دليل او مو واثقة فيه واستغفري ربج وايد وادعي والله يكون بعونج ,,,

 

[كويتksa]

رد : زوجي ذبحني كل يوم والثاني يقول بروح تايلند والسؤال؟؟؟

موشرط يروح اهناك حق الخرابيط يمكن زوجج يحب السباحه والطبيعه ويحب رحلات سفاري

تكلميييييين جد انتي
طبيعة هااا؟:eh_s(12):
اكيد طبيعة الحريم هناك مثل ماجابتهم امهاتهم ع الطبيعة

 

[AquaBlue]

اذا مو بتايا في 10000 دوله فيها خراب امريكا امستردام وهم في دول خليج اذا الكلام الي بتقولينه بيب نتيجه قوليه

 

[Geisha]

انا رايحة بتايا وعععععععععع ريحة خايسة وكل امريكان شياب وخليجين والبنات اللي هناك من 20 وحدة وحددددة بس مملوحة قلة ادب وععع يعني استغرب من الريال اللي يعجبه هال الاشكال اجسامهم اجسام يهال وفيهم ريحة عطنة والله ماتغشمر الحمدالله والشكر شوفي انا رحت قبل زواجي ولاعت جبودنا اما بوكيت لا خياااااااال وبانكوك عادية

شوفي في ريال لو يروح اي مكان تثقين فيه وفي لا ! انتي ادرى بريلج ادعي الله تروح من باله الفكرة وحاولي تلهينه طلعوا استانسوا لا تهاوشين معاه علشان لا تكون حجة للسفره و بعدين توكم متزوجين مو سنع يسافر ويخليج !!!! قوليله انا بخاطري اسافر معاك شرايك نروح دبي ولا ماليزيا ولا بوكيت؟ شوفي رده

بتايا منطقة وصخة وكلها عرب ترى مكان حيوي شوفي في ناس يروحون هناك يشترون بخور ويشوفون ويردون وفي لا

الله يهديه وصدقيني الزين زييييييييين لو قطتيه بوسط الخراب

 

[فوفو22]

رد : رد: زوجي ذبحني كل يوم والثاني يقول بروح تايلند والسؤال؟؟؟

اذا مو بتايا في 10000 دوله فيها خراب امريكا امستردام وهم في دول خليج اذا الكلام الي بتقولينه بيب نتيجه قوليه

حبيبتي منظمه الصحه العالمية

باحصائيتها لسنه 2009

نسبة الايدز بتايلند 85%

واذا ما تعرفين بتايا اقولج شنو بتايا

بتايا حبيبتي

بحر وبنات وبس

البنات مسعرين عيني عينك

المفتوحه لها سعر

والبنت لها سعر

غير عروض الاستبتريز وغيره

وحتى لو هو شريف وما يبي شي ....... فقط يبي يتطمش

ما يخلونه غصب يطبون عليه 3 او 4 بنات لحد ما يستسلم

ديره خراااب بخراب

دول الخليج والاسلامية على الاقل تسمعين صوت الاذان فيها

فوفو

 

[zoom]

ماكو اللا تخرعينه بسوالف الامراض اللي هناك وذكريه بمخافة الله سبحانه وقولي له اذا رجعت لا تقرب مني لين تفحص وانه خالي من الامراض يمكن يخاف وادعيله بالهدايه وان الله يبعد عنه صحبة السوء لانهم الخراب وكثري من الاستغفار الله يصلح احوالج

 

[عادت ذكرياتي]

رد: رد : رد: زوجي ذبحني كل يوم والثاني يقول بروح تايلند والسؤال؟؟؟

حبيبتي منظمه الصحه العالمية

باحصائيتها لسنه 2009

نسبة الايدز بتايلند 85%

واذا ما تعرفين بتايا اقولج شنو بتايا

بتايا حبيبتي

بحر وبنات وبس

البنات مسعرين عيني عينك

المفتوحه لها سعر

والبنت لها سعر

غير عروض الاستبتريز وغيره

وحتى لو هو شريف وما يبي شي ....... فقط يبي يتطمش

ما يخلونه غصب يطبون عليه 3 او 4 بنات لحد ما يستسلم

ديره خراااب بخراب

دول الخليج والاسلامية على الاقل تسمعين صوت الاذان فيها

فوفو

معاها %%%
وكلامها عين العقل
بس إنتي حاولي بطريقة حلوة تمنعينه بس مو بالهواش لأنه أكيد بيعاند فهمتي!!!
ربي يوفقج​

 

[ضايعة بدنيتي]

رد : رد: زوجي ذبحني كل يوم والثاني يقول بروح تايلند والسؤال؟؟؟

حبيبتي منظمه الصحه العالمية

باحصائيتها لسنه 2009

نسبة الايدز بتايلند 85%

واذا ما تعرفين بتايا اقولج شنو بتايا

بتايا حبيبتي

بحر وبنات وبس

البنات مسعرين عيني عينك

المفتوحه لها سعر

والبنت لها سعر

غير عروض الاستبتريز وغيره

وحتى لو هو شريف وما يبي شي ....... فقط يبي يتطمش

ما يخلونه غصب يطبون عليه 3 او 4 بنات لحد ما يستسلم

ديره خراااب بخراب

دول الخليج والاسلامية على الاقل تسمعين صوت الاذان فيها

فوفو

ااايه والله فوفو معاها حق

هناك لا شافو رجال ماشي مع زوجته يركضون صوبه ويتلصقون فيه . اجل كيف لا شافوه لحاله !!

ياحبيبتي خرعيه بالكلام وبمخافة ربه لان دام مقتنع م راح يفيد رفضك . لازم تحاولين معاها لآخر لحظة . قولي له لو رجعت ما تقرب مني شهر كامل لين اتاكد انك سليم . قولي هالكلام حسسيه انك بتنفرين منه . بس الاهم من هذا كله ادعي من كل قلبك ياحبيبتي وعسى ربي يسخره لك ويهديه ويغض النظر عن هالسفرة