زوجي عطاني مهله سبع شهور بسسس

[Awtaar]

السلام عليكم

ببدي بسالفتي علئ طول بدون مقدمات

البارحه كنت سهرانه مع زوووجي .. وفجأه جابلي موضوع اول مره نتناقش فيه..
قال بعطيج مهله بعد ولادتج شهرين تتغيرين فيهم.. اضعفي وشوفي حل لشعرج وبشرتج سوي نيو لوك بعد الولاده ..
>> اهني انا انصدمت .. اول مره نتناقش بهالموضوع واول مره يقولي عيوبي ..
الليل كله ماقدرت اناااام بس افكر امبييييييه شلون نطرت لين هو اللي لاحظ ليش مالاحظت قبله

.. بصراحه انا يبيلي شغل واااااااجد عشان اتغير وعشان اصير اللي يبيهااا زوجي..
اهملت بنفسي واهملت ليييين عضيت اصابعي ندم..

راح اقولكم عيوبي:
1. وزنـــي 90 ابي اقط 30 كيلووو ع الاقل
2. صدري وزنودي وجسمي مترهل ابي شي يشدهم
3. ابي حل لكرشتي بعد الولاده
4. ابي اوحد لووون جسمي المبقع*
5. بشرتي الشاحبه والمبقعه والسواد حرل شفايفي
6. ابي اورد شفايفي صايره عشرين لون بشفه وحده
7. ابي نعووووووومه وابي اصير انثئ ابهر زوجي
8. شعري خفييييييييف حيييييل وفراغات صوب القذله
>> ادري بتقولون مالوم الرجال فيج بس ان شاء الله راح اتغير


ماكتبت مشكلتي هذي الا ابي فزعتكم ووقفتكم معاي .. ابي اتغير شلووووووون؟؟

وابي تشجيعكم لي عشااان اتحمس واواصل هالسبع شهور هذي..

علئ فكره انا حامل بالخامس دعواتكم لي حبيباتي*

 

[لين-لين]

انا اكيدة انج تملكين اطيب قلب بالعالم و لا تخافين كل شي بيتعدل و بتصيرين احلى من الحلى

 

[مألوفة]

وى انتي حامل الحين الصراحه ريلج ما عنده سالفه انتي حامل ما قدرج لانو المرا شي طبيعي تتغير وتمتن بالحمل

اتمنى البنات يفيدونج لاني انا حامل الحين ومو قاعده اسوي شي غير الخلطة الصابونية مالت مزيونه وشقرا والسنفرات بس

بعد الولاده يصير خير

 

[بـربـوشـآ]

يلآ ان شاء الله تكونين احلى واحلى
وخلال هالسبع تطلعين احلى وحده
وخصوصآ بعيون رجلج ..

واهتمي بنفسسج ما الومج حمل وهالسوالف متعبه ..

ويلا ان شاء الله تحصلين اللي تبينه

وشوفي انا بأعطيج جم عضوهـ صرآحه أنا اثق فيهم ثقـه عميآء واي شي ينزلونه اشوفـه ..

1- وردة سلفر ..
2- انجل كات ..
3-مزيونة وشقره ..
4- مس انجل ..
5-انـل ..
6-مريومـه ..
7- مس وآو ..

وبأنزلـج ان شاء اللـه بأفتر وانزلـج السوآلفـ ..
​

 

[معشوقتهـ]

ابدي من اللحين ليش تنطرين لين بعد الولاده روحي لاهلج وطلعيله اي عذر يخليج تقعدين اقل شي 10 ايام

وبحطلج روابط انا بنفسي مستفيده منهم وجزاهم الله الف خير خواتي كويتيات ..

http://www.q8yat.com/t879458.html

http://www.q8yat.com/t774597.html>> للامانه ماجربتها بس ناويه عليها ان شاء الله

http://www.q8yat.com/t782027.html>> تجنن هالسنفره روووعه

http://www.q8yat.com/t851855.html>> خلطه انل عجيبه وربي

واذا ذكرت شي برجع للموضوع أهتــــــــــــــــــــــمي تكفين ..

 

[استغفرالله]

الله يعينك حبيبتي

اممممم انحفي بعد الولاده سسوي تمارين
اشربي زنجبيل واكليل الجبل والشمر هذولي حييييل ينحفون
واشتري فساتين ناعمه وتخفي عيوب الجسسم وقصي شعرك صبغيه
حطي مكيااج ناعم اهتمي في ريحتك

وروحي سوي تنظيف بشره حطي الخلطه الصابونيه

وشوفي
وانتي حامل حطي كريم جلسوليد وليمون وزيت الوز المر فازلين وشوي نشاء وكركم حق الجسسم
واستخدميهاااا يوميا
وبعد الولاده سوي حمام مغربي عند مراكز حلو شغلها
وبسس هذا الي في بأألي
وشوفي فيه بودره تملي فراغات الشعر تلقينها في المشاغل حطيها
وبعدين عاد سوي لك جدول كامل من الخلطات وابدي فيييييييه وربي يقومك ب السلامه
وينهبل عليك زوجك ويطير عقله عليك

 

[معشوقتهـ]

اي صح صابونيه مزيونه وشقرا اطلبيها من الللللحييييييييييييييييين

http://www.q8yat.com/u11757.html

تلاقينها بتوقيعها وخلي سبوح كل يووووووووووووووم مررررررررررتين ..

 

[آثار حمده]

الله المستعان عليج بالدعاء أولا قبل بذل أي سبب ثم ابذلي الأسباب الصحية واسألي الله تعالى أن ينفعج بالأسباب ويسخر لج قلب زوجج

 

[Awtaar]

لين فديتج بعد عمري قلبج الاطيب

 

[Awtaar]

فديتكم بنااات ونستوني احس ودي ابجي

من جد كلامكم راح يشجعني واتغير بسرعه


ربي لايحرمني منكم ويحققلكم اللي تبووون

 

[شذونه]

اب اب

 

[بـربـوشـآ]

هذآ ملف انجل كآت
http://www.q8yat.com/search.php?searchid=8725180

ملف وردة سلفر
http://www.q8yat.com/search.php?searchid=8725243

هذا ملف مس وآوآ
http://www.q8yat.com/search.php?searchid=8725232

هذا ملف مزيونة وشقره
http://www.q8yat.com/search.php?searchid=8725339

هذا ملف مريومـه
http://www.q8yat.com/search.php?searchid=8725264

هذا ملف مس انجل
http://www.q8yat.com/search.php?searchid=8725276

هذا ملف انـل
http://www.q8yat.com/search.php?searchid=8725308
​

ولآ هااانوا البآقي بـسس انا حطيت اللي مجربـه شيء من شغلهمـ ..

 

[Awtaar]

فديتكم اليوم ببدا اسويلي جدول

وبكتبلكم كل شي يصير معاااي والله الله بالتشجيع

ربي يريحكم دنياا وآخره
احس عطيتوني أمل

 

[بـربـوشـآ]

بسس انتي شدي الهمـه وراح توصلين صدقينـي وفري بالقسسم في شكثر

واي شي تحتآجينه احنااا كلنااا بالخدمه ..

ولا تزعلين لان زوجج قالج جذي

بالعكسس هذا يدل على حبه لج انتي

الله يسخررركم لبعض ويبعد عنكم العيون ويوفقكم ويرزقكم يارب
​

 

[$حبيبة عبودي$]

حياتي شددددي الهمه والله راح تغيرين وتصيرين كيكه ان شاء الله ..بس اتعبي على نفسج شوووي

 

[دلع الفتون]

السلام عليكم حبيبتى انتى حامل انشالله الله يقومج بالسلامه وتصيرين احلا من قبل كلنا جذى لى حملنا وبردلج زوجج احسن من اول

 

[بنت السلطآإآن]

. وزنـــي 90 ابي اقط 30 كيلووو ع الاقل

سوي رجيم ورياضه لان غيرهم مافي شي مضمووون

2. صدري وزنودي وجسمي مترهل ابي شي يشدهم

شوفي شغل مس انجل للشد عليه مدح موطبيعي ويبين من اول مره

3. ابي حل لكرشتي بعد الولاده

شوفي موضوع داهيه مطير حق اهتمام الدوره والنفاس الادويه تشيل الكرش واربطي بطنج بمشد بالنفاس ضروووري وشوفي موضوع زبدة كاكاو وموضوع مس واوا حق ترتيب الجسم

4. ابي اوحد لووون جسمي المبقع*

شوفي مواضيع ورده سلفر حبيبة عبودي ومريومه وداهيه مطير ومس واوا وكرستين وانجل كات ومزيونه وشقره وانل في شغلات كاتبينها وفي شغلات يبيعونها روووعه

5. بشرتي الشاحبه والمبقعه والسواد حرل شفايفي

الشي الوحيد المضمووون للوجه خلطة الرتن اي مع الدكوين فور مع اليكوم بس المرضع والحامل خطر عليهم موزين

6. ابي اورد شفايفي صايره عشرين لون بشفه وحده
شوفي سنفرة مريومه للشفايف ومرطب انل روووووووووووعه وفي عند عضوه اسمها ام عبود تاتو شفايف مايروح بسرعه وتتحكمين في درجة اللون اللي تبينها

7. ابي نعووووووومه وابي اصير انثئ ابهر زوجي
النعومه عندج الهرده رووووووووووووووعه

8. شعري خفييييييييف حيييييل وفراغات صوب القذله
الشعر لي الحين مالقيت له شي للاسف



وعسسسسسسسسسى الله يجملج بعين زوجج وتردين عروسه قمر ان شاء الله واي شي تبين راسليني ع الخاص من محلات من حركات من خلطات وكل شي اضبطج لوووول

 

[a7вĸ мσσστ]

آـآب

 

[barbie_girl]

البنات ماقصرو بس اهم شي الرياضه بعد الولاده عشان جسمك يشد

وانا اشوف ان شهرين مده قلييله لان بعد الولاده البيبي بياخذ اغلب وقتك لان حالتي قريبه من حالتك شوي ولي تسع شهور من ولدت وبالموت تلاحقت على نفسي ببعض الاشياء لان ولدي تععبني مررره اخذ كل وقتي متخيله كيف والحين بدا شوي يعقل ويخف صياحه وناويه اعالج بشرتي وابيض اسناني وبدخل نادي صحي عشان اسوي تمارين ولو ماحصلي شي سعره مناسب بسوي تمارين بالبيت الله يخلي اليوتيوب هههههه وبالنسبه للشعر الخفيف مافي احسن من الحنا والسدر

اتركي عنك الصبغ وترا مو شي اساسي بعد الوللاده الوحده لازم تصبغ اهم شي يكون شعرك متغير وكاثر ويلمع مافي احسن من العنايه الطبيعيه وبعد الولاده لو رضعتي لازم تاخذين فيتامينات لان الرضاعه تطيح الشعر مرررره وبنفس الوقت تنحف سبحان الله

وبفتره النفاس لا تخلين اكلك دسم ومو لازم كل الاكل الي تاكلينه يكون فيه حلبه لانك كذا الوزن بيزيد اهم شي تلهمين الحلبه هاذا بحد ذاته يكفي

سوي بعض الخلطات الي حطوها البنات واستخدمي سنفرات لانه والله تساااعد ورطبي جسمك بزيت اطفال اهم شي

وتر في اشياء ماتروح الا بعد الولاده بفتره مثل سواد الرقبه انا ماراح مني الا بعد شهرين يعني كل شي يبيله صبر وطولة بال

ولو مثلا زوجك قال شي قولي له هاذي اثار الحمل مو بايدي تروح من نفسها لانه مو شي سهل الحمل كله تغيرت فسيولجيه وهرمونات وفي اشياء تروح من نفسها وفي اشياء تبقى يبيلها علاج

الله يهون عليك ويسخر لك زوجك واهم شي تولدين بالسلامه ويكون البيبي سليم ومتعافي

 

[منى قلبها ابيض]

ابدي من الحين بخلطات وحمام مغربي مخفف البخار انا ادري انه مو زين للحمام بس ما يمنع تسوينه بالبيت لج