زوجي لعنه الله على بليسه

[اميــــــره]

السلام عليكم
بنوتات
حابه ادخل بالموضوع على طول من القهر اللي انا فيه
صراحه
اليوم العصر طلعنا انا وزوجي حديقه وتقهوينا 0المهم لاتقصين علينا قصه حياتك هع :eh_s(2):

ودقو علي اهلي وقالو تعالي بنروح السوق كلنا قلت خلاص ابشوف زوجي واعلمكم
المهم
قلت له ابروح قال لا
والمشكله يوم الخميس كانو طالعين برضو مجمع وقلت له وقال لا
عشان ولدي كان تعبان تعلث فيه
واليوم ولدي الحمدلله تعافى وخفت الحراره
وقلت له قال لا وزعلت
ورجعت البيت وانا بالسياره من القهر ودي اصيح ومو ودي الا صحت ونشفت دموعي

ليش بس انا وخواتي كلهم يجتمعون دايم بالمجمعات ويعيي علي

والله تمنيت اروح بيت اهلي من القهر واخليه يتادب عدل لانه قاهرني

وبعدها رجعنا البيت وراح نام خمد خامود
والى الحين ماقام وانا منقهره منه
وش اسوي لاقام ابيه اسوي شغله تأدبه ان قال لا
والله لو تشوفوني وانا اصيح منقهره
احرمه من الاكل
والا اسهجه يومين
والا اروح بيت اهلي
لاحد يقول اعقلي ومدري ايش
اللي بترد اهجد واركدي وتقعد يقالها تهدي فيني
لا انا لو مشتهيه اركد ركدت من دون
كلامكم
بس ابي شي يخليه يندم
واقهره نفس ماقهرني
وجزاكم الله خير على الردود المقنعه


انظرو توقيعي وحياكم

 

[لولو كـاتي]

يمكن هو مايبي يحرمك من جمعه اهلك يمكن مايبيكم تتجمعون بسوق يحس ان دام مالك غرض ضروري من السوق

ليش تروحين له من باب الغيره

بعدين لا تسوين شي ترا الرجال ماينقال له يتأدب لان اذا فكرتي بهالتفكير وياه يدوس عليج ولاهمه او اذا بينتي له من تصرفاتك انك تبين تأدبينه خير بزر مثلا

انا مارديت عليج علشان اهديج لا بس انتي تفكرين غلط

واذا انتي زعلانه لانه مارضى لج طنقري عليه تكلمي معه من ورا خشمج وبسس

 

[مالي خلق الدوام]

عيب هذا ريال ماله داعي تقولين جذي خلاص لاتروحين مو شرط . طيعي زوجج هذا بالشرع وخلاص

 

[سارونه السنيورة]

لا اميره شدعواااا تروحين بيت اهلج الموضوع مايسوي وبعدين هذا ابو ولدج مو علي مواضيع صغيره زعلتي
تفاهمي معاااه كلمية بكلمه طيبه خليج سياسيه معااااه تغلي عليه لا تصارخين وتزعلين مهما كان حاولي تغلبينه بكلامج الطيب

 

[فيونكه الماسيه]

تعودي انه زوجج يوديج ويجيبج حتى لو مشاوير ماله داعي يروح فيها خلي يروح واخر شي بيمل ويطخ ويقولج روحي لحالج وسالفة انه خواتج متجمعين قوليله انت دايم حارمني من جمعة خواتي ولمه يسولفون لي عن جمعتهم انقهر وتدلعي شوي والمره الجايه بيخليج تروحين ان شاءالله

 

[غدووور الكويت]

حبيبتي الريال ما ايي بالعين الحمره ولا بالعقاب والاهم انج ما تقارنين حياتج بحياة خواتج وصديقاتج الحين هدي ولا تكلمينه باللي مضايقج وشوفي وقت مناسب انت وياه تكونون هاديين وناقشيه وبدون عصبيه والله يسخره لج

 

[ام الدرر]

حبوبة لا تكبرين الموضوع
كنت ماشاءالله طالعة وياه ومتمشية
يعني هو مو مقصر معاج بالطلعات
واهلك لاحقة عليهم وقت زيارتك مو شرط سوق
زعلك الرفض وصليله الشي بطريقة حلوة
تكسرين خاطرة مو بهواش وزعل ​

 

[malte]

السلام عليكم

وبعدها رجعنا البيت وراح نام خمد خامود

ياحليييلج والله ضحكتيني من قلبي
بس أنا رايي أنج تقعدين ببيتج ولمن يقوم من الخمده
ويروق كلميه وحاولي تعرفين منه شحقه ماخلاج تروحين بس بالهداوه ياحلوه :eh_s(7):
يمكن بيقعد معاج مايبيج تروحين بس مايبي يقولها بلسانه:ggdw:
ربي يسعدج بس ترى السالفه ماتسوى اليوم بتطلعين بروحج باجر ماراح يردج بيخليج ليما تردين بروحج أحس شالفايده من الطلعه ماراح تستفيدين:eh_s(1):

 

[توته الحـــلوة]

ياحلوج وانتى معصبه الحياه الزوجه \\\\\\جهاد\\\\\

بالذكاء والصبر والسياسه بتمشىىىىىىىىىىىىىىىىى

الله يصخره لج

 

[مس تسذآ]

اذا جذي بتفكرين بكل صغيره و كبيره مراح تخلصين ​

 

[زهره]

لاحول ولا قوة الا بالله
ادري القهر اللي حاسه فيه بس لا تسوين شي بعدين تندمين عليه صدقيني هاذي مشكله تافه من المشاكل هاذا اسمه دلع يعني
تخيلي رحتي بيت اهلج وبعدين الموضوع كبر ابوج يتدخل امج تدخل خواتج خوانج ويييييييييه مشكلة وبعدين راح تقعدين بينج وبين نفسج تتذكرين ذكريات حلوه مع ريلج وحتى لو رديتي راح تكون نقطه سوده في حياتج ريلج ماراح ينسى اللي سويتيه لانه موضوع هيين

 

[لولو كـاتي]

بعدين تعالييي حمدي ربج بعد مارجعتوا هو نام

واللي يقولج ان اللي عندي مايخليني اطول مع صديقاتي حدي لين 10 يرجعني البيت وهو يطلع ويا ربعه !!!

تخيلي اموت قهر يحرمني من وناستي ويرجعني البيت وهو حضرته ماتحلى طلعته الا بعد 10

يعني حمدي ربج

 

[ياليل مااطولك]

عشان كذا تبين تروحين لبيت اهلك سبحان الله لله حكمه ان الطلاق بيد الرجل لو ه بيد المراه كان كل الازواج متطلقين ههههههههههههههههههههههههههههههه امر تافه ليستحق زعلك

 

[مسك حياتي]

تعوذي من ابليس ماكو شي بالدنيا يستاهل ...

الرسول وصى بطاعه الزوج و اهو قالج لا خلاص شحقه الزعل ...

الزعل ما راح يفيد ضحكي الدنيا حلوه و لاحقه ان شاء الله عالجمعات ...

 

[اميــــــره]

اشكر كل من رد علي
والله صدقتو بس انا بوقت عصبيتي

انسى من امي وابوي
الله يهديني يارب وجزاكم الله خير تحملتوني

 

[جموح الفرس]

لاحرام عليج اقعدي وتناقشي ويا واعرفي ليش ماخلج تطلعين مع اهلج

اكيد عنده سبب انه منعج

 

[ريماR]

لا تطبيخين له باجر الغداء ولا العشاء بينقهر

 

[Tom ♥ Jerry]

،


هههههه السالفه بسيطه و آنتي معقدتهآ ..
لمآ يقعد من النوم و يصير مزآجه عال العال
يعني له خلق لج و لمشاكلج قعدي معآه قعده صراحه بكل هدوء
قوليله حياتي ليش مآ تبيني اطلع مع اهلي ؟!
آكيد عنده سبب يخليه كل مره يمآنع .. يمكن مآ يحبج تطلعين يوم الخميس
لأنه زحمه و مصبنه و جي .. أو يمكن مآ يبيج تطلعين الا معآه
يمكن يمكن يمكن .. آلخ آكيد في سبب .. ؛*
قعدي معآه و عرفي السبب بكل هدوووووووء ..

.

 

[قيم واخلاق]

الله يهدي سركم وانا انصحج بشي واحد بس انج كل يوم تدشين قسم المشاكل الاجتماعيه عشان تقارنين مشكلتج بمشاكل الناس وهذا شي بسيط بالتفاهم زوجج يلين وينفذ طلباتج خليج سهله مو عسره يعني اذا مارحتي شيبي يصير بالدنيا قولي الحمدلله عالعافيه والستر وداومي عالاستغفار كل يوم والله راح تنفتح لج ابواب مسكره في حياتج ...الله يسخر زوجج لج ويهديه ..تقبلي مداخلتي كأخت لج <قيم واخلاق>

 

[نسمة الجنوب]

ويييييييي عبالي شي كايد
ياماما هذي مشكلة سخيفة ماله داعي تخسرين زوجج عشانها
كبري عقلج وتعوذي من إبليس وسايسيه تاخذين كل الي تبينه