زوجي لـززززقه خواتي المتزوجات ساعدوني

[فدى روحك]

مساء الخير...

بكتب مشكلتي واتمنى خواتي يساعدوني لأني صدق مب عارفه شو اسوي
كلمت مستشار نفسي قالي كلام مافهمته ومااستفدت منه و مستشار أمور زوجيه نفس الكلام مافهمت منهم شي و مااستفدت منهم

مشكلتي مع ريلي(مالجه من شهرين بس ) من تصرفاته و أسلوبه وياي
لاصق فيني بشكل مو طبيعي يعني يكلمي 24 ساعه اذا مر نص ساعه و ماكلمني يحرق الفون والواتساب والبيبي كل شي

ماينام الا لما يكلمني صاير جنه بيبي وانا امه
مايعطيني فرصه اشتاق له بحكم انه يكلمني دايما
صاير مايطلع من البيت ابدا مع ربعه بس ماسك هالفون ويكلمني

و اذا قلتله شي او تناقشت معاه بهالموضوع يزعل مني و يمد بوزه دلوووع و زعوول

أتمنى انكم فهمتو مشكلتي وتساعدوني انا عمري 19 و هو 21 لاني مليت منه و صرت بارده مافي مشاعر ومااحس اني احبه ولا اشتاق له و صرت اختصر الكلام معاه واسكر عنه و يقولي ليش متغيره

بليز مابي حد يقولي احمدي ربج ريلج يحبج و يهتم فيج و قولي الحمدلله غيرج مب لاقي هالشي
لا بس جد هالشي ينرفزني و مللليت منه

 

[الأميرة جوري]

عادي الأعذار وايد تعبانه نايمه ما سمعته عندنا ضيوف من هالكلام ليمن يتعود

 

[عزوتي خمس صقور]

مدري شنو الحل ان شاء الله لبنات يفيدونج بس اهم شي لاتصدينه

 

[Om_SalmaN]

قوليله انا احبك واموت عليك بس لازم فجه مع بعض مو معقوله ٢٤ ساعه بمسك التلفون متى ماتبيني بتلقاني ماراح انحاش بس خل نعطي نفسنا فجه عشان نشتاق لبعض مو معناتها انك تحقرني او احقرك لا بس ساعات انشغل بدراستي شي فابي مخي يكون فاضي ماحاتي انك بتزعل او بتعصب عشان مارديت عليك لازم تفهم عندي ظروف ممكن تلهيني الحين او بعد الزواج واكيد انت عندك حياة مع ربعك دوانيه شي مافيها شي لو انك تقعد معاهم تغير جو وتسولفلي شصار اشياء يديده شي

 

[قطرية كشخة]

دامكم مالجين هالشي طبيعي لانه وضع جديد عليكم فاكيد مستانس صدقيني مرده بيفج والله بتشتاقين لاهلايام ما تعوض

 

[New_bride]

عادي
توكم بداية المشوار
وطبيعي هالشي لانه شي جديد عليه
ويمكن يستمر معاه لين سنه بعد الزواج

بس بعدين انتي اللي بتلحقينه ملاحق

 

[#الخشف#]

انا اقول طبيعي لانج شي جديد بالنسبه له
نصيحه لاتحسسين نفسج انها مشكله لانج بتقعدين تفكرين ٢٤ ساعه شلون تفتكين منه وبالتالي تكرهينه
دق عليج مروقه ردي مالج خلق لاتردين وانتهينا

 

[زين ودلال]

عادي مع الوقت يفج شي يديد عليه ومستانس

 

[brettey]

شي طبيعي توكم مالجين اصلا باجر بيمل وراح تتمنين شوفته خليج على طبيعتج حبوبه والله يهديكم لبعض

 

[أميرة-]

مسألة وقت صدقيني بعدين انتي اللي بتدورينه وتلاحقينه

 

[مآيكبرني نك]

ابي اشوف ردج ع مشكلتج بعد سنتين زوآج

 

[سور المدينه]

مثل ماقالوا البنات بس مسألة وقت وبعدين انتي اللي بتلاحقينه

 

[فدى روحك]

شكرا خواتي عالنصايح

و فعلا لما قلتله عن هالشي بس بطريقه غير مباشره قال بعدين انتي الي بتلحقيني و تجلبين الدنيا اذا مارديت عليج :eh_s(22):

بس الحين عندي امتحانات ومااكلمه وايد ف احس تعود و صار يكلمني كل يوم مرتين او ثلاث بس
الحمدلله

 

[ميسم]

حياتي ربي يهنيج بالعكس اشغلي وقته وعيشي كل لحظه حب يكلمج احسن من انه يكلم غيرج
ومثل ماقالو توة معرس فريش لازم هالحركات عندي لج فكرة بادري انتي راح ينغر ويقؤل اشتاقتلي وراح تسؤيها كل مرة جذي بيثقل و يفج شؤي وزوجج شكله من صنف اللي يخلي زوجته مثل امه واهو البيبي نفس ماقال طارق الحبيب

 

[floor]

الله يهنيكم ويسعدكم

انا عكسج لي 4 سنين متزوجه هو مايدق ولا انا ادق الا بشي ضروري والسبب انحرج ماكو سوالف شنو اقول الا بالواتسب ممكن اعبر بصور وهالسوالف
حتى بالاربعين مايدق ولا ادق استغرب من اللي يسولفون بالساعات شنو يقولون

 

[عاشقه رويشد]

الله يخليه لج عادي الوضع يديد مثل ما قالو البنات

 

[keka89]

مو جنكم توكم صغار علزواج
بس انا ماحب اللزقه وايد عانيت منها
بس كنت اتحجج ناسيته مو يمي مافيه رصيد ومن هسوالف

 

[حور رومانسية]

توه صغير بعده صبري عليه دامه يبيج ومايمل منج
واهديه شريط كيف يتعامل معاج
كيف تكسب محبوبتك او كتب نافعه ابحثي وشوفي خليه من البدايه يتعلم شلون يتعامل معاج وشلون يكسبج مومن البدايه ينرفز وتصبرين وتتحملين وهذا احنا من بداية الزواج الوحده تصبر ليما يتعود الزوج علينا اننا صبورات ليش طيب
دامه فريش وقابل يسمع لج استغلي هالتلفون اليومي عطيه يمكن يفج اويتعدل علميه شنو شخصيتج وشنو تحبين وشنو الي ماتحبينه وشنو الاشياء الي اتحبين تكون في الرجل
وبادري يالاتصال هالنوعيه اللزقه ان بادرتي واشبعتيه يفج عنج والله يفوقكم حبيبتي