زوجي مايدري اني حامل

[امرأه من الزهره]

مساء الخير,,,,,اناسبق شاركت معاكم بمشكلة زوجي ,,,وانا ام لطفلين وحامل بالثالث,,تقريبا لي اربع شهور وماقلت لزوجي بخبر الحمل لعدة اسباب منها انه مايخبي يعلم امه وامه ماتخلي احد ماتقوله وبناتها مايقولون اذا حملو ادري من الناس لاقربت ولادتهم يعني بالسادس ووحده منهم تصير زوجة اخوي وتحرصه مايعلم باي شهر ويسمع الكلام مو مثل اللي عندي لدرجة لما تساله امي مايقول الحقيقه وطفشت منه امي وماعاد تساله السبب الثاني اخووه الكبير يحب الاطفال بدرجه مو طبيعيه وهو لساماجاه عيال واخاف من عينه بصراحه ولما تدري ام زوجي تقوله على طول هي شريه ونذله وانا ناويه اقول لزوجي برمضان بس مو معلمته باي شهر انا صح او لا شرايكم:eh_s(10):

 

[فلنتينو]

ووووي وصلتي الرابع وماقلتي حق ريلج شدعوووه
وخير يااطير خل يقول حق امه هذي امه
واذا انتي ماتبين احد يدري حرصي عليه

 

[مناير ...!]

شدعوه اختي
حتى القطاوه تحمل وتولد
واخوه بيحسد اخوه ظنج؟
علمي ريلج ومافيها شي اذا علم امه

 

[سارة ة]

ااااب

 

[الاميـرة]

حبيتي مبروك حمالج واللة يتمم لج انااشوف انج تقولين لة وتحلفينة مايقول لاحد حتى عشان يحس بتعبج ويعمل حساب اكثربامورج وانتي علاراحتج والتخبية واللة موجودة عندحريم حمواني انالاعديت 3عادي اقولهم

 

[Pippa]

’

حرآم عليج ...
قلتي عن ام ريلج شريه ... واخوه عينه حآره ... وريلج يعلم كل النآس ..

خير ياطير .. ونسي ريلج بضنآه و اهل ريلج بيفرحون لولدهم مو لج لا تخآفين ...​

 

[شقرا كويتيه]

شدعوه حامل بالرابع ولايدري واذا كل الناس تحمل موبس انتي صفي نيتج حبيبتي شنو اخوه اخاف من عينه مافي احد يحب اخوه ويحسده انتي بس صفي نيتج ومايصيبكم الا ماكتب الله لكم

 

[حروف الغـــــلا]

السبب الثاني اخووه الكبير يحب الاطفال بدرجه مو طبيعيه وهو لساماجاه عيال واخاف من عينه بصراحه ولما تدري ام زوجي تقوله على طول هي شريه ونذله

اسمحيلي بس حييييييييييييييل نقدت عليج
خافي ربج ماتخافين تنقطلب الايه ويصير شي بعيالج لاسمح الله بسبب هالكلام الي قلتيه عن اخوه
وعيب تقولين عن ام زوجج انها شريرة ونذله
سوري منوقصدي اعلمج العيب بس موحلو تفكيرج
وبعدين تراج حامل بالحلال شفيها لو الكل عرف عاااااااادي ترااااا
​

 

[آوص ياجرحي سكوت]

انا نصيحتي لك ارقي نفسك واللي الله كاتبه بيصير
وصفي نيتك وتوكلي على ربكـ

 

[دندن_الكويت]

غلط هذا زوجج لازم يدري و خليه يقول حق امه باجر لناس بيصكونج عين بيقولون اووولا حامل و بتولد؟؟
انا مرت ابوي ولدت و ابوي يبشرني قلت له اهي متى حملت اصلا
الفزة مو زينة و انتي على قولتج مو اول بيبي و بالعكس قولي و طز بالناس هذا ولدج بالحلال مو بالحرام عشان تغبين
و زوججج من حقه بعرف لازم

 

[عشق موالي]

توكلي على ربج وصفي نيتج ومافيها شي اذا علمتي ريلج ووصيه انه مايعلم احد وكل واح ياخذ رزقه

 

[*ريما*]

في الرابع ومايدري
لازم تخبرينة واذا قال عادي
انتي عديتي 4 شهور
وحرام عليك تقولين عن اخوة كذا بدال ماتدعين لة

 

[فراحينو]

ألحمد لله والشكر بس ... حتى ريايلكم بتحاسدونهم ومابتقولون لهمم ....

شهالدنيااااا ....

 

[Q8Ya GiRL]

امبي بنات شفيكم اكلتوها
حبيبتي انا انصحج قولي حق زوجج
يمكن اذا درا متاخر راح يزعل
وادعي ان شاءالله ربج يرزق اخوه الذريه
ولا تقولين جذي عن خالتج حرام يمكن مستانسه تقول
حبيبتي لا تضايقين عمرج انتي حامل مو زين لج الضيقه
بس قولي حق ريلج واستانسي بحياتج

 

[FeShinGoOo]

حرام عليج يمكن اخوه يتمنالكم كل خير ويفرحلكم لاتظلمينه وتقولين عينه وماعينه ماتوقع انتي اول وحده حملتي بعايلتهم ..

على قولة البنات حتى القطاوه اتحمل ..!!

واللي مايعلمون ماعندهم سالفه الصراحه شنو يعني حامل من ريلج ولا من واحد غريب عشان تخشين ؟؟

مردهم بيعرفون واذا في احد عينه حاره معني ماتوقع الناس تحسد على حمال بس اذا في احد بيحسد ترى مرده بيدري الحين ولا بعد ولادتج

لاتصيرين جذي وخليه يعلم امه مثل ما امج اتحبينها تفرح فيج اكيد اهو يبي امه تفرح بظناه اهو مو ولدج بروحج ..!!

واللي مايعلمونج كسري عينهم وعلميهم خل يحسون انه شي عادي ومايستاهل ان واحد يخش

 

[الزيـــــ^^ـــــن]

ويييييييه شهالبشر يبا ذكري ربج زوجج وبالشهر الرابع ماتعلمينه

اقول ناس تخاف من العين بس موجذي خلي نيتج صافيه ولاتصيرين خبيثه

 

[دلوعة حمني]

اللي مسويته غلط! اشلون تخشين عن زوجج شي مثل هذا؟؟

ترى الكل يحمل و يولد ... و مو معنى ان حماج مسكين محروم من الضنى راح يحسدكم... جان حسدكم على اللي قبل اول!

قولي حق زوجج و الصراحة الله يعينج اذا عصب عليج لانج ما بلتيه من البداية!

و الف مبرووووك الحمال و ربنا يرزقج حماج ان شاءالله

 

[athory]

الحمدلله و الشكر !

الى متى ؟؟؟!

اذآ ولدتيه بعد بتخلينه الطفل المخفي علشااان مآيحسدونك

ولدك بالحلال هذآ وشوو اللي عين و مآعين

استغفر الله بس !

 

[امراه من طابقين]

اذا مآ يقولون خواته ..انتي بعد لا تقولين ؟
بس تعالي:
شنوووو .. بـــ تسوين إذا درااا ريلج بعد ست شهووور من حمالج ؟
بيقول ليش ســاكته 6شهوور

( فكري بالموضوووع _ لا ينقلب عليج )

 

[pusy cat]

غلط اكبر غلط

هذا زوجج لازم تقولينله وبالطقاق خليدرون اهله

اهم شي خلي ايمانج بالله قوي وارقي نفسج ولا يذبحج الوسواس مردهم بيدرون

انا رايي تقولينله من الحين عشان لا باجر جك بم تولدين وينظلونج صج بيقولون هذي متا حملت متا ولدت

تعوذي من ابليس وقولي لزوجج وقولي كان ودي اسويها لك مفاجئه عشان جذي ماقلتلك