زوجي مدخن

[أنثى ملاائكيه]

عندي مشاكل مع زوجي كثيره لاكن اكثر شي يضايقني ريحته اشم الدخان قبل مايقرب لي وسيارته كتمه اول مااركبها احس برجع من قوه الريحه بالبدايه حاولت اقنعه يتركها ولا في رد منه يسوي نفسه مو فاهم ويقول مافيه ريحه ولا شي او يقول هذا رفيجي مو انا يعني مو معترف انه يدخن قلت طيب قول لرفيجك لايدخن بالسياره او يفتح الشبابيك بعدين مع الايام حاولت اتاقلم واسكت لاكن الايام هذي تغيرت ريحته لشي اقوى مااعرف اذا هذا نوع جديد من الزقاير او ايش او شيشه ولما افاتحه يعصب ويكذب يقول عشان الشمس روحي اشتغلي تحت الشمس تقتنعي ومرات يقول زيت محروق ايش الزيت هذا الي كل ماطلع لصق فيه والمشكله الاكبر اني حامل ماابي بكرى طفلي ينكتم من الريحه كل مشاكله اقدر اطوفهم الا ريحته كيف اقنعه يترك التدخين الله يسعدكم ويفرج همكم

 

[حبيبي مالكني]

بالصبر وطولة البال
والكلام الخلو بتخلينه مايدخن عشان لا يضرج
خليه يدخن يضر نفسه اذا يبي اهو ريال ويعرف مصلحته
بس مايدخن ويضرج
يعني مايدخن بسيارة او يدخن ويهوي سيارة
من يدخل الييت يتسبح عشان لا ضايقج الريحة
مايقرب يم البيبي اذا كان مدخن توه ومن هالسوالف

 

[Jolyan]

حبيبتي وااايد بنات نفس حالتج و انا منهم
ما لج الا صبر و كثره الاستغفار و ادعي ان الله يفرج همومج و يكرهه بزقاير و عوديه ما يدخن عندج خليه يدخن برا و قولي له انج ما تبين بيبي يتاثر بدخان
و لا تفكرين وااايد خليه يدخن على كيفه بس بعيد عنج و اذا على ريحه عطيه نغزات انج متضايقه من ريحته بدون ما تاذين مشاعره و انه على الاقل يفرش
بس احنا خنكون واقعين أهو ما راح يقدر يقطعها مره وحده بس يقدر يخفف و على الأقل يدخن بعيد عنج الله يعينا على ازواجنا الله يسر لج حملج و يتمم عليج بسلامه

 

[اذوب بكلامه]

التدخين بلوه الله يعين
واذا كان مقتنع بأضراره ان شاء الله تقدرين تخلينه يبطل حاولي مره واثنين وثلاثه وربي يعينك

 

[اذوب بكلامه]

التدخين بلوه الله يعين
واذا كان مقتنع بأضراره ان شاء الله تقدرين تخلينه يبطل حاولي مره واثنين وثلاثه وربي يعينك

 

[أنثى ملاائكيه]

مشكورين الله يسعدكم بس كيف اقنعه اذا كان ينكر انه يدخن