زوجي مو حاس فيني

[ام توووني]

مدري من فين ابدا بس بحاول اختصر زوجي من فتره وهو بعيد عني يعني بس اذا طالع تامرين شي ويجي اما يجلس ع اللاب او يروح ينام حاولت اغير من حاله بدون فايده والله مليت وممكن يجي اسبوع او اكتر مايجيني تعبت منه ومن حياتي البارده احس عندو برود فوق اهماله ليه ولمشاعري لاتقولون ناقشيه كلمته اكثر من مره بدون فايده صعبت عليه نفسي وانا اشحت منه حب وحنان مو مقصر بالبيت ومايغلط علي بس مافيه احساس هوه ماكان كدا مدري ايش فيه هوه له فتره ماقرب مني واليوم كان جالس وجيت حطيت راسي ع صدره والله مااهتز ولاعبرني والله ماكنت ابغى شي منه غير لمسه حب وحنان ماعندك احد ولاتحرك تمنيت الارض تنشق وتبلعني والله صعبانه علي نفسي مليت من حياتي كل ماله حبه فقلبي ينقص بس مشكلتي اني رومنسيه واتعب من الوحده ادا مالقيت الحب بالحلال ايش اسوي طبعا مستحيل اغلط بس والله احيانا الشيطان يوسوسلي اني اكلم طبعا مستحييييييييييل يحصل بس من الاحباط اللي فيني معليش قرقرت وتعبتكم بس مقدر افضفض لاحد اللي يشوفني يقول مبسوطه اهرج وامزح مع الناس وانا بداخلي مكسوره ايش اسوي تعبت

 

[انا لحبيبي .]

خلي عندك صبر ، الله يبعد الشيطان عنك يارب

مو مشكله بادري انتي حاولي انتي ، غيري انتي الروتين

يعني خصصي وقت قهوه وشاي واقعدو وتكلمو عن اولادكم او عن موضوع

حاولي مره مع مره بزبط الوضع ، مافي شي بيجي بالساهل

الله يهدي البال ويصلح الحال يارب ،

 

[رق رق]

الله يهديه ريلج ، انتي كلمتيه ، ومافي اي تطورات ، مافي حل ثاني ..
الا انج تنطرين اهوه من نفسه يتغير

 

[غارقة بأحزانها]

الحال من بعضو واكثر

 

[دوووووووووووبا]

الحال من بعضو واكثر

:eh_s(16): كلنا بالهوا سوا

 

[dectora 7elwa]

هالحاله مستعصيه
الحل انج تلهين نفسج عنه

 

[جـوود الحب]

صح انا عجبتني الاخيره انشغلي عنه والله بيجيج رررركض اسالي مجرب

 

[مناير ...!]

انشغلي بحياتج روحي وردي مع رفياجتج خليه اهو الي يدورج

 

[« shό8 άlзyόn »]

لا شكو تنشغلين عنه مو كل ريال اذا زوجته انشغلت عنه لحقها
انتي عطي كل شي حقه وخلاص وصبري وعوديه على اي شي انتي تحبيه ميخالف بتتعبين بالبدايه
بس راح يطلع بنتيجه باذن الله

 

[مارشميلو..]

طنشيه ولا تحسسينه انك محتاجته وبيركض لك

 

[tbola]

الله يهدي ياربي ماعليه اخاف يمر اب ظروف

 

[بآتونيآ]

ربي يسخرهـ لك يآأإرب

 

[مجنونة هع]

طبيعي لانه بعد فترة يصير فتور

 

[ديانا سبنسر]

غيري روتينج وانشغلي بشي

 

[أم ميميتو]

حبيبتي هذا شي طبيعي بس انتي تحرشي فيه يعني الصبح بس يكون بالدوام دزيله مسج صباح الخير و كلام حلو و رومنسي و اكيد برد عليج انا ريلي ما يدزلي و لا يقولي كلام حلو الا اذا انا قلت الريال بالنسبه له هاذي شغلات عاديه مالها لزمه

 

[بنوته كيوت q8ya]

يااااكرهي للحركاات هذي
اغتث وااايد... بس اسكت وامشي كل شي فتره ويتسنع والامور تمام ان شالله..الله يفرج على كل مهموم

 

[" ام حمود "]

الله يسخره لج

 

[متى بتعود]

غرررريبه
يعني اذا ماهتزت ولاتحركت مشاعره يوم حطيتي راسج على صدره انا اتوقع انه مايحبج اسمحيلي اختي على هالكلمه
بس يعني الرجال وحتى لو مورومانسي وبارد عاطفيا بس ع الاقل لمن تجي الزوجه وتحط راسها على صدره اوكتفه بيلمس راسها اويبوس راسها بس زوجج غريب
الله يسخره لج ويغرقج بالحب والحنان ياااارب

 

[@ DLOO3TAH@]

الله يصبرج

 

[ام توووني]

مشكورين حبايبي ماتتخيلون قد ايش مبسوطه ونا اقرا ردودكم الله يسعدكم احلى شي لمى تحسي ان فيه احد يشاركك همك بحاول معاه وانشالله بنتيجه موفقين حبايبي