زوجي مو زوج ارفيجتي ..

[Patcholli]

مساء الخير ..


ولهت عليكم حيل حبيباتي زوجات القسم المخضرمات ..

بنات هالموضوع بخصوص صاحبات المشاكل والبنات اللي يعطونهم حلول ما اخص مشاكل المنتدى بس اتكلم بشكل عااااااام ..

قبل جم يوم كنت اسولف لوحده من صديقاتي طبعا اهي حسبة اخت واكثر يمكن يعني مو اي صديقه ولا اي وحده لا اعتبرها والله اخت دنيا ..
المهم من كثر الضيقه فضفضت لها وبنص التفضفض اتحسفت لوول انا كله جذي ابط اللي بجبدي بعدين اتحسف .. وكنت بس بفضفض مابي نصايح ولا شي بس ابي اكسر البرمه :eh_s(2):

المهم شنو انصحتني (( الريال دوسي عليه يركظ وراج .. لاتعطينه ويه .. خليه اهو والطوفه واحد وراح يحس بقدرج .. انتي وايد مدعلته .. طبعا عطتني نصايح لو طبقتها يمكن لي نهاية الاسبوع انا فبيت اهلي وتوصلني ورقتي ..

بس اتصدقون البنت كانت تنصحني من قلب ..

وكل هالتشرشح تسويه بريلها والحين صاير خاتم ويا دهينه ومايردلها طلب .!.!

وانا العكس لو احقر ريلي بشغهل وحده اخذ حقران سنه ولو اعانده بشغله تافهه يحرق قلبي من العناد والعكس صحيح لو اقوله كلام حلو ومعسول اقدر اكسبه واخليه مايردلي طلب ..


اتوقع وضحت لكم الصوره

بنات كل وحده اهي لازم تعرف نوعية ريلها وتتفاهم معاه من بدلية زواجهم وحتى لو مرت سنين وودها تصلح قعدي ويا ريلج حسسيه انج ماتبين تخسرينه وتبين رضاه .. حسسيه ان ودج تتغيرين وتمشين عالطريقه اللي اهو يحبها واذا ماتكلم انتي حاولي تحسين وتفهمين من المواقف اللي مرت والتجارب اللي واجهتوها بحياتكم ..
مو شرط الطريقه اللي تمشي مع غيرج تمشي معاج كل ريال له شخصيه وله تفكير مختلف ..
خلج انتي صاحبة الحل مو غيرج لان محد عايش ويا ريلج ومعاشره ويعرفه ويعرف تفكيره وتصرفاته وردود افعاله غيرج وكثرج ..


تحياتي لكم جميعا :eh_s(17):​

 

[Omhamood]

صاجه حبيبتي صح لسانج

كل مره المفروض تعرف مفاتيح زوجها وطبعه

عشان تعرف تفاهم معاه بدون مشاكل


تقبلي مروري

 

[خالتي قموش]

يعطيج العافيه على هلموضوع
الوحده ما ودها تشتكي لحد
كل ما تشتكي وتفضفض تبتلش

كل وحده تنصح على حسب نظامها مع ريلها
انا لو اتبع نصيحة رفيجتج
جان قضبني الباب من اول يوم
مو كل ريال ينفع هلاسلوب

صج الشكوى لغير الله مذله

 

[ديانا سبنسر]

صح كلامج باتشولي ومشكورة على الموضوع

 

[غلآ نوآف]

ههههه انتي مثلي افضفض لصديقتي بعدين اتحسف بنص السالفة لما اشوف ردة فعلها خخخخخخخخخخخخخخخخخ امبيه مو صدق
لكن مفروض مانقول شي ونترك عالاقل فضفضتنا للمنتديات
للي مايعرفنا حتى مايقعدون الناس لي تصافينا وصلح حالنا
يتذكرون الي صار بيننا او يذكروننا
الله يصلح الشان يارب
ويهدينا

 

[هنا22]

صحيح كلامك

 

[iLLuMinaTion]

يسلموووو

 

[سندس 90]

وربي انج صاجه
الكل له شخصية وتفكير وأطباع مو الكل نفسس الشي

 

[al-musk]

عدل كلامج كل واحد له طبع وعلى اساسه نتعامل معاه

 

[Gatwa DaloO3a]

لووووول عاد تصدقين انا مع راي رفيجتج بس مو اني امسح كرامته بالارض ، بس الرجال " اغلبهم" حتى لو انكرو هالشي و اكيد بينكرون لانهم ماراح يعترفون...يحبوووون البنت اللي لها شخصيتها واللي ماتخلي شغلها الشاغل هو ،، لما يشوف ان لها حياتها وصديقاتها و شغلها دايما راح يجيها
بيحس انها غييير وفيها شي مختلف و انها " واجد عليه " لوووول

بس لو هي معطته كل وقتها وشغلها الشاغل هو وماعندها اي اهتمامات بالدنيا الا " هو" ...و ٢٤ ساعه تبيه جمبها و تتنازل عن كل شي عشانه
بتوصل له احساس غير مقصود في انه هو " يستاهل احسن منها " ....وهو بيحس بقيمته الزايده لما يشوف وحده بس تبي رضاه وكل شي حاضر ولبيه بيحس انها هي اللي تركض وراه و انها اصلا لو ما هو ف هي ولا شي ..

وترا البنت نفس الشي ، اذا جاها واحد يبوس رجولها وكل طلباتها اوامر تشوف نفسها عليه

 

[brettey]

باتشولي اشوه انج مره عاقله وتفهمين ولا في بنات الله يهديهم يطبقون من غيير تفكير لا غلط نصيحتهاواكبر غلط هالاسلوب مايمشي مع كل الرياييل في رياييل اي يمشي معام وفي رياييل لا

 

[PuPa^^SWeeT]

صح والله



ريلي انا اذا ما اقدر اتفاهم معاه


و اروح اخذ راي من رفيجتي


بعديين السالفة تقلب علي


ما اقدر الووم رفيجتي على نصيحتها



الووم نفسي لاني اول شي طلعت مشاكلي برة


ولاني طبقت نصيحة ماتناسب مع ريلي




كل وحدة لازم اتعرف مفاتيح ريلها و حلوول وياه




اللي ماتعرف اقترح عليها اتقرب منه



و اتشوف

 

[ام الحلوااات]

كـــــلآم ســـلـــيــــــم 100 %
كــل واحـــد يــتــصــرف حــســب شــخـصـيـتــه والــبـيـئــه اللــي عـااش فــيــهــا
ومــمــكــن اللـــي يــنــاااســب ريــلـــي مــايــنــااســب ريــلـــج ابـــد​

 

[روووح الانوثه]

حبيبتي الريال مثل الياهل بالكلام الحلو والاهتمام صدقيني. ماراح يردلج اي طلب ويسويج يادهينه لاتنكتين
وعليه عليج ماخذيتي بنصيحتها
والله يوفقج حبوبه*

 

[روووح الانوثه]

وعليه>> وعفيه

 

[دلوعة أبوهآ]

الرجآل اذا عطيتيه من الكلآم الحلو وحسستيه انه هو اهم !!
راح يعطي كل اللي عنده بدون مقابل ..

طبعاً ماتكلم عن الكل .. بس عن الاغلب
مو كل رجآل يمشي بالطناش وطولة اللسان
لآن اللي يرضى بهالشي اسمحيلي مايكون رجآل ..

حلو التفاهم والاحترام بكل شي ..

 

[كارلوفي فاري]

معاج حق بس اللي انا ملاحضته فعلا الرجل ماينفع معاه تلتمس له الاعذار دايم. يعني تبين شي وما رضى تغاضي مره بس مو على طول. والشي الاهم عمره شرشحة الرجال ماتودي الا حق خرااب البيوت لانه الرجل يحب اللي تقدره

 

[شادن33]

باتشوووو صح كلامج يا عسسسسل

 

[منال $]

صح كلامك
مو ضروري المعاملة الي بتعاملها صاحبتك لزوجها تكون تقدري تعامليها لزوجك
ردات الفعل مو وحدة وتختلف من شخص لشخص

 

[رنيم الروح]

يسلمووو حبيبتي على الموضوع وكلام صحيح كل شخص له طريقه تكسبه