زوجي واسلووووووبه.....!؟

[ريـاانه]

000مرحباااااا.

بدخل بالموضوع علا طول انا حياتي شبه كئيبه من زوجي كرهني حياتي قبل ما أتزوج كنت إنسانه اجتماعيه ومرحه

واحب الناس بس من تزوجت صرت إنسانه انطوائية جداً والسبب زوجي مايحبني اختلط بالعالم لو الود وده ما اطلع من

البيت نهائي زميلاتي حرمني منهم وقطعت علاقتي فيهم الجامعه طلعني منها بالنسبه للطلعات بال3شهور مره يعني

نادرا ما اطلع حتى مصروف مايعطيني الا اذا طلبت والسوق يمر 7شهور مااروح ولايسالني اذا ناقصني شي اولا

تخيلو لابغيت اطلع ياعند اهله ولا اهلي اناساكنه شقه فوق اهله وان جاني احد لو اختي قال قبل ماتجي تعزمين أمي

يعني اي احد يدش شقتي امه لازم تكون موجوده ويسهر بالليل علا النت من المغرب الا 6 الصباح اليوم الثاني ولااروح

عنده عشان مااضايقه بنفس الشقه لايسال عني ولاعن بنته يعني 24 ساعه علا النت انا مو مقصره معه ابد وماخليت*

شي ماسويت له ودايم يخلي من الحبه قبه علا ابسط الامور يعصب ومايفهمني اهو عمره 40 وانا 22 ودايم افكر أبسطه

بس يخرب علا عمره مدري شسوي تعبت؟

 

[كربون امها]

الله يكون بعونج مدري شفيهم هالرييايل هالوقت عندهم حب التملك
انشالله الاخوات يساعدونج ومايقصرون معاج ياقلبي

 

[Red Al Rainbow]

وآآيد فييه فرق في آلعمر بينج و بينه !!

يمكن عشآن جييه مآ تفهمون بعض !!

و مممممم طيب عندي سوآل !! يقعد ع آلنت شو يسوووي ؟؟؟

 

[Patcholli]

ليش ماتواجهينه وتتفاهمين معاه بكل صراحه ؟؟ ولو كنتي مواجهته من قبل شنو ردة فعله وشنو جوابه عليج ؟؟

 

[Beyoncee]

قعدي معاه وصارحيه لا تخلينها فى قلبج
ساحليه لمن تشوفينه رايق وهادي كلميه
اكسري خاطره تري بينكم فرق بالعمر
مو بسهوله تقدرين تغيرينه يبيلها وقت وطولة بال

 

[دلوعة صلوح]

بعد عمرى احسج اصغيرة على المفروض يدلعج من يعاملج هالمعاملة ؟؟

الله يسخرة لج يارب.

 

[ابله لوله]

الله يصبرج ويعينج ..
بس وايد فرق بالعمر !!
ويقعد عالنت شيسوي ؟

اذا نظامه جاتات ومسنجرات وهالخرابيط .. فريلج مريض لان ماعنده ثقه ..

حقريه انتي ولا تجابلينه جود ايييب نتيجه مستحيل ماراح يحس .. يعني لا تسالين عنه لا تكلمينه اكلي غداج وعشاج ولعبي بنتج وعيشي يومج جنه مو موجود ..

 

[ElN00R]

هو قطع ربعه وحياته وسمع كلامج وقعد في البيت ينتظر زيارة امج لانه يحبج؟
ولا هو عايش على هواه ولاقيله وحده ماتتكلم مسكتها ومستقوي عليها؟
اذا تبين رفيجاتج وجامعتج وتبين تسير لج حياه مثل الناس واجهيه على شنو ساكته ليكون بيقطع عنج مصروفج -.-
تفاهمي معاه

 

[صادقة بكلمتي]

اللله يسخره لج بس حبيبتي ليش وافقتي على انج تتركين الجامعه دراستج ابقالج ما تدرين الزمن لا دار بالواح شيسوي فيه ماكو حال يبقى على حاله والشهادة سلاحج وبعدين النقطه الثانية اهماله لج بالنت ووجود امه حتى بزيارة اختج ليييييييييييييييييييش؟؟
لازم يكون في سبب هل كان بينكم علاقة قبل يتزوجج؟هل كا مطلق قبلج يعني شلون ريل بعمره يتزوج وحده توها صغيرة وما يدللها ولو نقول يغار عليج ما عليه بس انتي تقولين هاملج انتي وبنتج وكاه على النت ولا طلعه ولا شي غريبة الا في اسباب حبيبتي انتي ما ذكرتيها بس ما اقدر اقولج الا ادعي الله وقعدي معاه وحطي النقاط على الحروف مساله انه ما يصرف عليج هذا ما يجوز من الله حقج يكون لج ان قادر من معاشه مصرف خاص تشترين فيه ملابس او اللي تبينه شهريا مو كل سبع شهور مرة لكن ان ما عنده كلش وحالتكم ضيقة فصبري والله يهون عليج حاولي تحطين لنفسج حدود لا تسمحين بانه يظلمج دراستج حقج اطلعه لاهلج حقج ولج خصوصية شلون امه تقبل تقعد ان يوج خواتج هذا ظلم وخلي ابوج يكلمه ان ما فاد معه لكن من البداية لازم ما تقبلين بالظلم علشان ما يصير عنده عااااااااادي ولا يفيد ولا يتغير مع الوقت والله يسخركم حق يعض ويهديه لج

 

[فوفو22]

ومايفهمني اهو عمره 40 وانا 22

هنا مربط الفرس

مافي تفاهم

هو يعطي اوامر للبنت الصغيره

وهي تنفذ بدون نعم او لا

حبيبتي

البنات بعضهم حتى لو عمرهم 20 عقلهم يوزن بلد

واجب زوجج يعرف انه عقلك كبير

ومحتاجه زوج يفهم مكانتج ويقدر وقتج

وقصه يقعد على النت من ....الى .....وانتي

ولااروح

عنده عشان مااضايقه

ليش يا امي

إلا قعدي عنده وبحضنه بعد

من قله الفهاميه لما الزوجه يعني بتصير( فل اوبشن )

تخلي الزوج ياخذ راحته ....بالبيت بدون اي تدخل منها

بنظرها انها تريّح الزوج

وهذا مفهوم خاطيء

حلو الزوجه تكون ظل زوجها بس بشروط

اصير جنبه بدون ما اساله مليون سؤال

اصير جنبه بسوالفي المرحه اللي يفقدني فيها اذا ماصرت جنبه

اصير جنبه واشاركه خوايته بحب

اما اذا الزوجه بتقعد جنبه وتفتح موال اليومي انت وانت وانت

فالافضل تبتعد عنه

التغيير يبدأ منج حبيبتي

غيري شخصيتج يتغير زوجج

فوفو

 

[حبي غالي]

العمر موشرط ! ماله علاقة ،؛ وماعندي رد بس الله يسخره لج ويوفقج يــــــــــــآرب

 

[*المــــلكة*]

الله يعينج على الحياه الممله​

 

[Qataria elegant]

حبيبتي , انا ماني عارفه انتي شلون رضيتي انه يمنعج من حياتج الطبيعيه ...
ليش هو ما يحبج ؟ انا لو احب انسان اكيد احب اشوفه سعيد بحياته ما احبسه وانكد عليه
حبيبتي زوجك شكله انسان شكاك بكل شي عيل ليش لازم امه تجي اذا حد يزورج, احتمال يكون صاير له شي بالماضي كون عنده هالعقده او من البلاوي اللي شايفها برع يبي يمنعك من الطلعات وروحات والجيات
انزين فرضنا انه يمنعج لسبب ما في باله ليش ما هو يوديج ويونسج وتكونين تحت عينه
ما احب ازيدك ادري اللي فيج مكفيج بس من قلب الله يعينج عليه انا اخبر عيوب الرجال بعضها تتحملينا يا اما يكون بخيل او مغازلجي او عنيد اما لو تتجمع هالسلبيات كلها في شخص واحد شي جدا صعب

حاولي تتناقشين معاه وقولي له ان هالشي مضاقيقج ومتعب نفسيتج واذا هو مو من النوع اللي يناقش اكتبي له مسج يمكن تكسرين خاطره قولي له انج طلعتي من بيت اهلج وبنيتي امال كبيره و احلام معاه ليش يصدمج بالواقع التعيس وقولي له ان انتوا بينكم ثقه وانج ماراح تخذلينه وان هو بهالاسلوب يبين لج انه ما يحبج عيل اللي يكون يحبس زوجته بهالطيقه وما يصرف عليها يحبها,, حاولي معاه انتي توج صغيره حرام يسوي لج جذي

والله يكون معاج ويعينج

 

[سفيره الكويت]

اعتقد عامل العمر هو سبب المشكله عموما ان كنتم حديثين الزواج يبيلكم وقت على ما تأقلمون ريلج يطالعج بمنظور انج صغيره

ومحتاجه توجيهه ويعاملج معامله الابو اكثر من معامله الزوجه بحكم انج صغيره حاولي تثبتي له انج بنت كبيره وفاهمه وعاقله بشكل

غير مباشر

 

[كريزية]

حسسيه انج زوجته بتعاملج وطريقتج مو بنية صغيرة
ميخالف وقت الدلع غير انج تتدلعين كانثى مو كياهل عنده
ووقت الجد خليج رزينة وعاجل وزوجة وام واخت وصديقة وكل شي
لا تخلينه يلهى بالنت ولا غيره
خليج دايما مهتمة بنفسج ومتعطرة ومتزقرتة وكاشخة وكل مرة ستايل يديد
ويلاقي كل شي عندج مو بره

 

[انثى عاشقة]

كلميه وساحليه مرة واثنين وعشرة كثر الدق يفج اللحام
وطبعا غلط كبير تاركته يسرح بالنت براحته كل هالمدة !!!!

 

[Om zayd]

انا مع فوفو التغير يبدا منج حبيبتي لازم تتقريثبين منه سوي حركات حبيبي لبسي كشخيله تعال ابيك اقعد معاي لا تعطينه حريه بزيادة عن اللزوم قلبي ما اقدر انام الا لنا تكون يمي يعني من هالحركات

 

[Miss.6Mo7]

الله يكون بعونج حاولي تتقربين منه وتفهمينه أكثر

 

[Sweetq8]

ماله شغل العمر

انتي سلببيه و رضيتي انه يعزلج عن العالم و الناس تحممممملي

ياشين بعض البنات الي عباله الزواج عبده و شارها الزوج لاتغسل و تطبخ و اخر الليل تنطم و بس اتبطل ريولها

لا يا امي ماشراج هو لازم لج حياتج و وضيفتج شنو يطلعج من الجامعه مالج سند ولا شهاده تنفعج بيوم من الايام

مادري شقولج الله يهديه لج بس سوري انتي خليتيه يصير جذي

 

[دلووعه نواف]

اتمنى تفهمينا حاله زوجج يعني كان مطلق ؟ والا ماخذج على ام عياله والا والا ؟؟
علشان نعرف نتفاهم معاج , مع ان العمر حيل له تاثير