زوجي والبلاكبيري.. ساعدوني تكفون

[Al9out-Aljare7]

السلام عليكم حبايبي شلوووونكم

بنات تكفون ودي افضفض مليت تعبت وانا احط بقلبي
بنات انا متزوجة ريلي عن حب وعندي ولد منه .. انا من زمان حاسه انه عنده فون ثاني
ووايد اشياء كانت تشككني .. قبل كان عنده بلاكبيري وقتله سكره لان جكيت عنده بنات
ولمن واجهته وقتله ليش ومنو هذول يقول مابيني وبينهم شي اهم مسويلي ادد ويحلف
ويتكفر ومايخلي شي ما يحلف فيه انه ماله علاقه فيهم وانت ادري انه جذاب بس اقص على نفسي
المهم سكر البلاك بيري وخذاله ايفون والتلفون كله مقطوط وماقام يخاف لمن امسك فونه
قبل اسبوع طلعنا من زمان مو طالعين مع بعض وطبعا انا اللي حانه عليه يطلعني جان اسمع رنة
بلاكبيري بالسياره انا سكت بس تعرفون لمن تحسون انه حر وتعصبون وتمسكون نفسكم وتحسون
بتبجون! اهو ويهه قام يقط الوان ويقولي يالله وين نروح جان يرن الفون رنة ال bbm ولا 10 مرات
ورا بعض قتله طلع البلاكبيري قالي اي بلاكبيري قتله يافلان طلعه خلاص ما اتحمل جذبك
مصمم انه مافي فون وتخيلوا الفون يرن.. جان قعدت ادور جدام بالدرج وبالنص مالقيت رحت ورا
واهو يسوق ولا القاه بجيب الكشن ورا الله كشفه ناسي يحطه سايلنت وانا ساكته قاعده اتعبث بالتلفون
بالتلفون وابجي بدون ولا كلمة بنات ماكو ولا ريال عنده كله بناااات وفوق ال 30 بنت وتويتر وفيس بوك
ووتس اب وارقام بنات ووحده منهم علاقته فيها قويه يقولها بشوفج ومادري شنو بنان خلاق انا تعبت بموووت
وتخيلوا انه يصارخ يقولي مو تلفوني قتله نزلني بالشارع مابيك يقولي الحين اقطج البيت وماتشوفين ويهي.. انا بنان ماحب المشاكل طالبه وبيت وريل وياهل وولدي مأذيني ودراستي صعبه بس والله مو مقصره بحق احد واهو بالذات وانا واالله مو غرور يابنات بس انا جميله وجسم وكشخه والبسله وفوق هذا كله رفيجته احب يقولي كل شي يقولي شيصير معاه ومع ربعه .. وايد طوفتله واتجاهل واسوي عمري ماسمعت ولا شفت بس خلاص انا حاطه بقلبي وساكته مانام الا وانا باجيه بنات.، وتخيلوا رايح قايل حق امي بنتج تتبلى علي واهي يايبه فون وخاشته بسيارتي ويحلف براس ولدي

المهم عقب ماقطني البيت راح حق امي امي دقت مارديت وقتها كان الفون مو يمي ولا يدش قتله اطلع لا اشوفك وانا مابيك تجيسني ولا تكلمني واالي بينه هالولد لانك مو كفو ..انت مريض ماتقدر تهد البنات
ولايقولي الله يسامحج انتي سمعيني بكلمج قتله مابي اسمع شي بس مابي اتطلق موذنب ولدي يتشتت ولاموعشانك
ورحت غرفتي قفلت الباب وتم يطق الباب لي الصبح مافتحتله ولا حرف رديت عليه وبس مر هالاسبوع يحاجيني وانا ولاجنه في احد .. مو متحملته بنات ماكو شي ماتخيلته احسه مسوي بلاوي الله يعلم عنه وبالذات ربعه ولا واحد متزوج غيره وحدهم شياطين
انا بنات مادري شسوي ماعرف اعصب بس احط بقلبي وانجرح والله ونفسيتي تتعب وما اكل وماانام واسوي نفسي مافيني شي واضحك بس خلاص كل شي وصل حده
ادري طولت عليكم بس الحل تكفون!

 

[بتبوتااا]

الله يكون بعونج حياتي

 

[ام الاسيرالشهيد]

اسوأ ما يصدر من الرجل الكذب
كان الله بعونكِ ابنتي الفاضله

 

[tbola]

الله يعينج ويهدي وسخره لج ياربي مالح الا تدعين ربج يهديه ويصللح باله

 

[%F&R%]

الله يكون بعونج حبيبتي والله حاسه فيج بس شتسوين انا نفسج ماعرف اعصب احط بقلبي واسكت

 

[انا لحبيبي .]

لا حول ولا قوة الا بالله العلي العظيم ،

الله يهدي بالك ويصلح الحال يارب العالمين ، استهدي بالله وادعيلو بالهدايه وان شاء الله ربنا بهديه

 

[للزين هيبه]

الله يصبر قلبج ويعينج
والله يابنات عقب هالبي بي والايفون والبرامج اللي كثروا خلاااص احس شبعوا خيانه
دشي تويتر والبارلنغو والفيس بوك والبي بي امبييه صدمااات تشوفين
لحول ولا قوه الا بالله

حطي ببالج الرياجيل مايملا عينهم شيي صدقيني
خليه براحته مرده بيمل
لاتبحثين وراه
انسيه صيري غامضه معاه


او حاولي تتناقشين معاه بجدييه
قولي انا شنو مقصره فيه علشان كل هالخيانه ؟؟
سمعي منه
وافهمي
والله يكووون بعووونج

 

[قلب الزعابي]

يااختي مافيه ريال فالدنيا مااخان وبالذات لو تزوج تزيد خيانته
حتي لو كانت إلحرمه ملكة جمال الكون بس هذا طبع الريال مايملي عينه الا التراب
لان مهما سويتي ماراح يتغير الا بقدرة ربج
مالج الا الدعا والاستغفار
ربي يبعد عن كل زوج وزوجه بنات الحرام

 

[بحةة آلشۈق]

حبيبتي انتي والله نزلت دمعتي تنهدت بقوه
فديتك ربي يكون بعونك صلي ركعتين وادعي الله يهديه ويصلحه لك

 

[ليمونة وزيتونه]

هذا اللي ياخذ واحد عن حب كلهم خونه واللي مايخون موحب
بمرته لا ماله خلق مشاكل الله يسخرله لج وخليج ع موقفج
لايشوفج سهله وراضيه

 

[شرغوفة]

حبيبتي الله يكووون بعوونج والله اني حاااسة بحرقت قلبج يا الغاليه بس الي اقدر اقووولج ايااهااا قوليله لا دخل امي بمشااكلنااا لانهاا حراام بتأثر اكثر منج فقوليله الوالده مالها شغل بمشاكلنااا وثااني شي عليج بقيااام الليل والدعاااء والله ان قيااام الليل له تأثير انااا عن تجربة اقووولج والله بهديه لج يا الغالية ويسخركم لبعض ​

 

[العز انا]

خلك انتي الواعيه والفاهمه قوليله يا انا يا البلاك بيري .
اخذيه منه كسريه قدامه خليه يحس قوليله ترضا انا اخونك حس فيني . ومره ثانيه لا تبينين له غيرتك وحبك
صدقيني بيغتر ويشوف نفسه وفوق هذا كله خلك غامضه لابعد الحدوود

 

[قلب مشعل]

الله يعينج حبيبتي كل الرياييل خونه ماعليج غير الدعاء والاستغفار

 

[Moim]

احس شي صعب ننسى خيانات الريال حتى لو تاب..
انا اقول زعلي بس لا تطولين بالزعل لان ممكن يروح ويفكر ان حتى لما ياج يراضيج ما يفيد
وبنفس الوقت عاتبيه مو بصراخ باسلوب خلي قلبه يتعور
قوليله حق نفسك مكاني تخيل بطلت جنطتي يوم ولقيت جنطتي فيها بلاك بيري واللي مكلمتهم شباب وبينهم واحد اقوله بشوفك .. حط نفسك مكاني وراح تعرف احساسي


الله يكون بعونج وطمنينا شيصير وياج

 

[مناير ...!]

الله يكون بعونج
بس احسج غلطتي لمن قلتي ماابي اتطلق
اوكي ماانصحج تتطلقين والله يسخره لج
بس المفروض ماقلتي له هالجمله لازم يكون لج موقف قوي يوقفه عند حده
مو اتقولين له انج بتسكتين له

 

[semaasem]

الله يسخره لج ويعينج

 

[zo0oz9]

ي حيـــآآتي وآلله عــورتي قلبــي :eh_s(2):
ميخــآآلف تحملي عشــآآن آلولد وآن شآآء آلله يتعـدل :yaaaaaarb:

 

[سكوتي بذوقي]

الله يكون بعونك اختي

ربي يهديه ويسخره لك يارب

 

[نونه المنكوشه]

الله يعينج وصبرقلبج

 

[شب وحرمل]

اففف حدي انقهرت يبط الجبد جذاب وعينه قويه حاط تلفون من وراج ويكلم ملايين ومرافج له وحده يواعدها ويشوفها وموغريبه يحبها ويتزوجها عليج ترى لاحظت اغلب الي يتزجون عن حب رياييلهم يخونونهم ويلعبون من وراهم بس بصراحه موقفه جدا غبي يعني عالاقل جان اعترف لمى طحتي عليه وليش الجذب ويحلف براس الولد استغفرالله الي يقهر بسالفتج انه تم يجذب وماعترف مع العلم انج كاشفه اوراقه صج جليل حيا الله يعينج انا لو مكانج اسحب عليه واتطلق لانه كافر يحلف باسم الله كذب وين ينام باجر هذا ومايخاف ربه