زوجي والتويتر .. عفيه بنات دخلوو

[أمول 1989]

مرحبا كويتيات

أخباركم

أتمنى من كل الي يشوفون الموضوع يتفاعلون
لاني صج محتاجه احد يفيدني

السالفه ومافيها اني يا بنات مابي ريلي يدخل التويتر

أحس نفسي كلش مو مطمئنه حق الوضع هناك

والمشكله اني مااعرفله والي يبط الجبد لما قتله اوكي انا بعد بدخل

قام يقولي لا

قتله ليش في شي غلط !

قالي لا بس ماله داعي اي شي اسوي عناد تروحين تسوين مثله :/ !!

المهم بنات من الآخر انا اكيد ماراح اقدر امنعه

وبنفس الوقت مابي يكون في تواصل مع البنات هناك بينه وبينهم

ساعات اقول ودي اتعلم عليه وادخل واراقبه واشوفه شيسوي من غير مايدري

بنات عفيه شرايكم

والي تعرفله شتنصحني فيه لاني جد الوضع بالتويتر ماعرفه

ومشكورين بنات اتمنى انكم تساعدوني

 

[~Mazuna~]

بالعكس تويتر مكان عاام تبادل الاراء والمشاركات مع السياسين والشخصيات والناس بشكل عام مافيهاا شي اذا تناقش مع وحده مثلا بموضووع عام بحدوود الادب وبمجرد ماينتهي التقاش ينتهي كل شي وايد اشوف بنات متزوجات بتويتر خلي ريلج ولاتخافين ماكوو شي ان شاء الله والي بخربط يغرف شلوون يخرربط ووي شوي مع الاياام حاولي تقنعينه بهدووء تسويلج اكاونت وتدشين عالم تويتر من حقج تغارين عليه مالومج بس تويتر في جنيع الاطياف والاجناس مكان عام مثل ماقلتلج والله يسخر لج ريلج ويبعد عنه بنات الحرام

 

[يا كويتنا]

يعتمد في ناس تدش اتويتر بتعرف الاخبار السياسيه اول باول لانه اسرع وسيله حاليا


وفي ناس شعر ورومانسيات

وفي ناس استغفر الله سوالف بطاليه


انا انصحج لا تدققين وااجد عليه

واذا بترتاحين شوفي تويتاته شني من هالشي بتعرفين شنو نوع كلامه

 

[قسى قلبه وخلاني]

اب اب
انا بعد ماعرف ب تويتر

 

[أمول 1989]

مزيوونه مشكوره ع الرد حبيبتي
وانا فاهمه فكرة التويتر
بس الي مو حابته سالفة النقاش الي قلتي عنها
يعني ممكن مع الوقت يرتاح حق اسلوب وحده
ويعجبه اسلوبها
ومع الوقت يتطور هالشي
بالتدريج كل شي يصير والشيطان شاطر
دام من الاول تبطل المجال وصار في حوار بين بنات وشباب
خلاص عقبها نتوقع اي شي
انا مو مقتنعه بالبرنامج

 

[أمول 1989]

مزيوونه مشكوره ع الرد حبيبتي
وانا فاهمه فكرة التويتر
بس الي مو حابته سالفة النقاش الي قلتي عنها
يعني ممكن مع الوقت يرتاح حق اسلوب وحده
ويعجبه اسلوبها
ومع الوقت يتطور هالشي
بالتدريج كل شي يصير والشيطان شاطر
دام من الاول تبطل المجال وصار في حوار بين بنات وشباب
خلاص عقبها نتوقع اي شي
انا مو مقتنعه بالبرنامج

 

[أمول 1989]

يا كويتنا وو قسى قلبه
شكراً ع الرد

 

[ضايعة بدنيتي]

والله ما اعرف له ما جربته ولا ابي اجربه

الله يهدي لج زوجج ويسخره لج يارب

 

[M❤kaaa]

مثل ما قالو البنات توتير فيه كل شي وفيه بنات وفيه اشكال ....!

بس حبيبتي حسب ريلج شنو او الشخص نفسه شنو اذا بسوي شي غلط يسويه كل مكان مو بس بتويتر

انا اقول لا اتدقيين وايد ولا تراقبين ولا تسالين لانه انتي الي راح تتعبين وتتمليلنه اهو معاج

خليها على ربج واذا فيه شي الله بيكشفلج ياه وانتي بمكانج !!

دوري راحتج وراحة بالج

 

[((غلاي))]

ماتقدرين تمنعينه دام انه ماخذ السالفه عناد اكيد يشوف كل ربعه بالتويتر

عندنا و عندج خير

 

[أمول 1989]

اي غلاي صح
الخراب كله من ورا هالربع =(
مشكورين بنات ع الردود

 

[ام كوثر2007]

كل ريااييلنا حبيبتي عندهم حساب بتويتر

واحنا كذلك معاهم ومسوين لهم فولوو بعد ههههههه


حطيلج اكاونت ودشي وتعوذي من بليس تويتر بالنسبه لي اعتبره برنامج وايد راقي وتعرفين كل شي يحصل بالديره اول بأول

وطبعا هالشي يعتمد علي توجهج انتي او ريلج لا تظنين ظن السوء فيه الريااايل كلهم تدخل للامور السياسيه مو اكثر


واذا علي الحريم يا قلبي لا تخافين عليه من حريم توتير اللى يبي الحريم تراهم مقططين بالشارع علي قفاا من يشيل وانا اختج

 

[عنووشه]

كبري عقلج وطنشي

البنات موجودين بكل مكااان


لوفكر لاسمح الله بالبنات وبالخربطه فيه مليوون طريقه غير التوييتر



لا تحاولين تنبشين ورا الرجال لانج بتتعبييين

 

[أمول 1989]

ام كوثر الي قاهرني
انه موو راضي ادخل التويتر
قتله ليش فيه شي غلط ؟!
قالي لا بس مو كلشي انا اسويه لازم انتي تسوينه
وانا اطفرر من هالحركه
ماحب انا الريال عادي اسوي هالشي وانتي ممنوع
اهوو حسسني انه الوضع فيه شي

 

[أمول 1989]

عنووشه شكراً ع المرور والرد

 

[ديانا سبنسر]

كبري عقلج وطنشي

البنات موجودين بكل مكااان


لوفكر لاسمح الله بالبنات وبالخربطه فيه مليوون طريقه غير التوييتر



لا تحاولين تنبشين ورا الرجال لانج بتتعبييين

:rerrerek::rerrerek::rerrerek::rerrerek::rerrerek:

 

[Beyoncee]

انا ريلى مايعرف لتويتر
وانا اعرفله واهو مفيد ينقل لج الحدث اول باول بسرعه ماتتوقعينها
بس صراحه فى بنات يدخلون تويتر للسوالف الماصخه والله يفشلون
بس للنقاش والاراء ومتابعة الاحداث حلو
وبالنسبه لريلج عطيه مسافة ثقه انا ولا عمره ريلي سألنى شنو متابعه والا مع منو تتكلمين بتويتر
الثقه اساس لج وله عشان ترتاحين

 

[فرزاشيهـ]

لو بتراقبينه بيقصر عمرج حبيبتي خليه لو بيخربط بخربط ولو جدامج بعد .،! عطيه سبيس شوي

 

[ام كوثر2007]

ام كوثر الي قاهرني
انه موو راضي ادخل التويتر
قتله ليش فيه شي غلط ؟!
قالي لا بس مو كلشي انا اسويه لازم انتي تسوينه
وانا اطفرر من هالحركه
ماحب انا الريال عادي اسوي هالشي وانتي ممنوع
اهوو حسسني انه الوضع فيه شي

سمعي يا امل فكري فيها بطريقه ثانيه

اهو ما قالج هالشي عشان يشكك بس اخذ المساله مسأله عناد لا اكثر

شافج مصره علي رايج

وحاسبه للتويتر الف حساب

يعني بالعربي يا انك تطلع منه يا اني ادخل

عشان جذى عاند وقالج لا

لكن صدقيني لو شلتي فكره التويتر من راسج الحين وما ناقشتيه وبعد فتره قلتيله والله رفيجاتي كلهم بتويتر يقوولون كل الاحداث اول باول اهناك ونعرف شنو صاير بالديره عن طريقه وبدخل ذيج الساع اكيد ما راح يعارض

اهو مثل ما قلت لج اخذ المساله مساله عناد عشان جذى رفض وجودج فيه

او انج تقدرين تسوين لج نك نيم وتدخلين من غير ما تقولين له اني داشه وسويله فولوو هههههههه وصيري حالج حال الناس اللى مسويتله فولوو ولا تعورين راسج يا قلبي ترا والله ما فيه شي يخوووف الخراب بكل مكااان ما وقفت يخونج بتويتر بو 140 كلمه وين يمديه يغازل هههههههه
​

 

[أمول 1989]

مشكورين بنات كلامكم يريح ويطمن
وبجرب ام كوثر بسكت عنه فتره وارد افاتحه بالموضوع